Redmi Smart TV : రెడ్‌మీ స్మార్ట్ ఫైర్ టీవీ 4కె సిరీస్ లాంచ్.. అదిరిపోయే బొమ్మ, అద్భుతమైన ఫీచర్లు ఏంటో చూడండి

రెడ్‌మీ స్మార్ట్ ఫైర్ టీవీ 4కె సిరీస్‌‌లు ఇండియాలో విడుదల అయ్యాయి. ఈ సిరీస్‌లో హెచ్‌డీఆర్ డిస్‌ప్లేను అందించారు. 55 అంగుళాల మోడల్లో 30 వాట్ స్పీకర్ సిస్టమ్, 43 అంగుళాల మోడల్లో 24 వాట్ స్పీకర్లు ఉన్నాయి. రెండు మోడళ్లలో 64-బిట్ క్వాడ్-కోర్ ప్రాసెసర్, 2జీబీ ర్యామ్, 8జీబీ స్టోరేజ్ ఉన్నాయి. గేమింగ్, స్ట్రీమింగ్ కోసం మెరుగైన పనితీరుకు సపోర్ట్ చేస్తాయి.

ఈ టీవీలు ఫైర్ టీవీ ఇంటిగ్రేషన్‌తో వస్తాయి. ప్రైమ్ వీడియో, నెట్‌ఫ్లిక్స్, డిస్నీ + హాట్‌స్టార్, జీ5 వంటి చాలా యాప్స్‌కు యాక్సెస్ ఇవ్వగలదు. ఈ టీవీలు ఇంటర్ఫేస్ యూజర్ ఫ్రెండ్లీగా రూపొందించారు. సౌలభ్యం కోసం అలెక్సా వాయిస్ కంట్రోల్‌ను కలిగి ఉంది.

రెడ్ మీ స్మార్ట్ ఫైర్ టీవీ 4కె సిరీస్‌లో బ్లూటూత్ 5.0, డ్యూయల్ బ్యాండ్ వై-ఫై, ఎయిర్ ప్లే 2, మిరాకాస్ట్ ఉన్నాయి. స్పీకర్లు లేదా హెడ్‌ఫోన్లు వంటి పరికరాలను కనెక్ట్ చేయడానికి ఈ ఫీచర్లు వినియోగదారులను అనుమతిస్తాయి. టీవీలు అలెక్సా-ఎనేబుల్డ్ స్మార్ట్ అప్లయెన్సెస్‌తో కూడా అనుకూలంగా ఉంటాయి. వినియోగదారులు వాయిస్ కమాండ్ల ద్వారా వారి స్మార్ట్ పరికరాలను నియంత్రించడానికి అనుమతిస్తుంది.

రెడ్‌మీ స్మార్ట్ ఫైర్ టీవీ 4కె సిరీస్‌ 43 అంగుళాల మోడల్ ధర రూ.24,999గా ఉంది. 55 అంగుళాల వెర్షన్ రూ.35,999గా నిర్ణయించారు. మీరు ఐసీఐసీఐ బ్యాంక్ కార్డు కలిగి ఉంటే 10 శాతం తగ్గింపు పొందవచ్చు. అంటే ఇది 43 అంగుళాల టీవీ ధనరు ధరను కేవలం రూ .23,499కు తగ్గిస్తుంది. ఈ కొత్త రెడ్‌మీ స్మార్ట్ ఫైర్ టీవీ 4కె సిరీస్ స్మార్ట్ టీవీలు ఫ్లిప్‌కార్ట్, షియోమీ అధికారిక వెబ్‌సైట్‌లో సెప్టెంబర్ 18, 2024 నుండి కొనుగోలు చేయడానికి అందుబాటులో ఉంటాయి.