Mutual Funds : ఈ దీపావళికి కొత్త మ్యూచువల్​ ఫండ్​ స్టార్ట్​ చేస్తున్నారా? ఈ సెక్టార్స్​ బేస్ట్​!

మీరు ఎప్పుడైనా మ్యూచువల్ ఫండ్స్​లో పెట్టుబడి పెట్టాలని ఆలోచిస్తుంటే, దీపావళి కొత్త ప్రారంభానికి మంచి సమయం అని గుర్తుంచుకోండి. చాలా మంది మార్కెట్ అనుభవజ్ఞులు ప్రస్తుత వాల్యుయేషన్లలో పెట్టుబడులు పెట్టవద్దని సలహా ఇవ్వొచ్చు. నిఫ్టీ50 ప్రస్తుత పీ/ఈ (ధర/ఆదాయాలు) నిష్పత్తి 22.8గా ఉందని హెచ్చరిస్తుండొచ్చు. కానీ ఎప్పటిలాగానే ఈసారి కూడా కొన్ని రంగాలు, థీమ్స్, స్టాక్స్ ఆకర్షణీయమైన వాల్యుయేషన్లలో అందుబాటులో ఉన్నాయి. వాటిని ఎంచుకుని మీరు మ్యూచువల్​ ఫండ్స్​ ద్వారా సిప్​ చేస్తే మీ సంపద గణనీయంగా పెరగొచ్చు. సిస్టమాటిక్ ఇన్వెస్ట్మెంట్ ప్లాన్స్ (సిప్)లను ఎంచుకోవడం ఈ సమయంలో ఉత్తమమైన నిర్ణయం అవుతుంది. ఇది కాల వ్యవధిలో వివిధ ధరల వద్ద ఫైనాన్షియల్ మార్కెట్లకు మంచి ఎక్స్​పోజర్​ పొందడానికి వీలు కల్పిస్తుంది.

"సిస్టమాటిక్ ఇన్వెస్ట్మెంట్ ప్లాన్ అనేది ఇన్వెస్టర్లు చిన్న మొత్తాలను క్రమానుగూణంగా అంటే వారాంతపు, నెలవారీ లేదా త్రైమాసికానికి పెట్టుబడి పెట్టడానికి అనుమతించే గొప్ప సాధనం. డైరెక్ట్ ఈక్విటీ కంటే మ్యూచువల్ ఫండ్స్ రిస్క్ మేనేజ్​మెంట్​ను మెరుగ్గా అందిస్తాయని ఇన్వెస్టర్లు అర్థం చేసుకుంటారు. సిప్ రూపీ కాస్ట్ యావరేజింగ్ ప్రయోజనాన్ని అందిస్తుందని కూడా వారికి తెలుసు," అని సెబీ రిజిస్టర్డ్ ఇన్వెస్ట్మెంట్ అడ్వైజర్, అప్నా ధన్ ఫైనాన్షియల్ సర్వీసెస్ వ్యవస్థాపకురాలు ప్రీతి జెండే చెప్పారు.

ఇంకా చెప్పాలంటే మీరు భారీ మొత్తంలో పెట్టుబడిని స్టార్ట్​ చేయాల్సిన అవసరమే లేదు. నెలకు రూ. 1000తో కూడా ఈ ఇన్వెస్ట్​మెంట్​ జర్నీని స్టార్ట్​ చేయొచ్చు.

ఉదాహరణకు, మీరు ఐటీ, ఇన్​ఫ్రాస్ట్రక్చర్, ఫార్మాపై దృష్టి సారించే మూడు మ్యూచువల్ ఫండ్ పథకాలలో..  మీరు వచ్చే 12 నెలల పాటు ఈ పథకాలలో రూ .3,000 పెట్టుబడి పెట్టాలని నిర్ణయించుకోవచ్చు. ఏడాది ముగిసే సరికి మీరు మొత్తం రూ.1.08 లక్షలు ఇన్వెస్ట్ చేశారు. ఈ విధంగా, మీరు మీ పెట్టుబడిని కాలక్రమేణా మార్చవచ్చు, వివిధ ధరల పాయింట్లలో పెట్టుబడి పెట్టవచ్చు.

2024 సెప్టెంబర్​లో సిప్ ఇన్ఫోలు ఆల్​టైమ్​ గరిష్ట స్థాయి రూ.24,509 కోట్లకు చేరుకున్నాయి. ఇది 2023 నాటి గణాంకాలతో పోలిస్తే 52.78 శాతం అధికం.

అయితే ఈ సమయంలో ఏ రంగాల్లో పెట్టుబడి పెట్టడం కరెక్ట్​?

ఏయే రంగాల్లో పెట్టుబడులు పెట్టాలి?

ఏయే రంగాల్లో పెట్టుబడులు పెట్టాలి అన్న ప్రశ్న సాధారణం! ముంబైకి చెందిన ఈక్వినామిక్స్ రీసెర్చ్ ప్రైవేట్ లిమిటెడ్ వ్యవస్థాపకుడు చొక్కలింగం జీ రిటైల్ ఇన్వెస్టర్లు పెట్టుబడులు పెట్టడానికి ఐదు రంగాలను సిఫార్సు చేశారు.

"ఆకర్షణీయమైన వాల్యుయేషన్ల వద్ద లభించే మిడ్, స్మాల్ ఐటీ స్టాక్స్, దేశీయ ఫార్మా కంపెనీలు, పాత ప్రైవేట్ రంగ బ్యాంకులు, కొన్ని ఎఫ్ఎంసీజీ స్టాక్స్​లో ఇన్వెస్ట్ చేయవచ్చు. టైర్ల స్టాక్సపైనా ఫోకస్​ చేయవచ్చు. రబ్బర్ ధరలు గత రెండు నెలల్లో రూ .63,000 తగ్గడం ఇందుకు కారణం," అని ఆయన చెప్పారు.

టాటా మ్యూచువల్ ఫండ్ చీఫ్ ఇన్వెస్ట్మెంట్ ఆఫీసర్ (ఈక్విటీలు) రాహుల్ సింగ్ ఫార్మా, హెల్త్​కేర్​ రంగాలు వంటి సానుకూల ఆదాయ వేగాన్ని చూపుతున్న రంగాలను పరిగణించాలని, కంపెనీలు ఊహించిన దానికంటే మెరుగైన పనితీరును కనబరుస్తున్నాయని ఇన్వెస్టర్లకు సూచించారు. ముఖ్యంగా హెల్త్​కేర్ విభాగం అసాధారణ పనితీరు కనబరుస్తోందని ఆయన ఇటీవల లైవ్ మింట్​తో అన్నారు.

(గమనిక:- ఇది కేవలం సమాచారం కోసం రూపొందించిన కథనం మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ఇన్వెస్ట్మెంట్​ని ప్లాన్​ చేసే ముందు మీరు మీ ఫైనాన్షియల్​ అడ్వైజర్​ని సంప్రదించడం శ్రేయస్కరం.)