Personal loan tips : రూ. 15వేల జీతం ఉంటే పర్సనల్​ లోన్​ అప్రూవ్​ అవుతుందా?

డబ్బు అవసరం ఎప్పుడు, ఏ విధంగా వస్తుందో అంచనా వేయలేము. అందుకే అత్యవసర పరిస్థితుల్లో పర్సనల్​ లోన్​ కోసం చూస్తుంటాము. కానీ తక్కువ జీతం ఉంటే పర్సనల్​ లోన్​ అప్రూవ్​ అవుతుందా? అన్న సందేహం చాలా మందిలో ఉంటుంది. నెలకు రూ. 15వేల వేతనంతో పర్సనల్​ లోన్​ పొందొచ్చా? ఇక్కడ తెలుసుకుందాము..

రూ.15,000 జీతంతో పర్సనల్​ లోన్​: మీరు అర్హులా?

ఈ ప్రశ్నకు సాధారణ సమాధానం యెస్​! నెలకు రూ.15,000 వేతనంతో పర్సనల్ లోన్ పొందొచ్చు. బ్యాంకులు, ఎన్​బీఎఫ్​సీలు అధిక క్రెడిట్ స్కోర్​తో స్థిరమైన వేతనాన్ని చూస్తున్నప్పటికీ, చాలా బ్యాంకులు తక్కువ జీతం ఉన్న వ్యక్తులకు కూడా వ్యక్తిగత రుణాలను అందిస్తున్నాయి.

కానీ ఇక్కడ ఒక విషం గుర్తుపెట్టుకోవాలి. ఈ పర్సనల్​ లోన్​ అధిక వడ్డీ రేట్లను కలిగి ఉంటాయి. పైగా, రుణంగా మీకు అందించే అసలు మొత్తం మీరు ఆశించిన దానికంటే తక్కువగా ఉండవచ్చు. అందువల్ల, బలమైన ప్రొఫైల్​ని నిర్మించడానికి మీరు ఆరోగ్యకరమైన క్రెడిట్ స్కోరును మెయిన్​టైన్​ చేయడం, స్థిరమైన ఉపాధిని కలిగి ఉండటం చాలా ముఖ్యం. రూ.15,000 వేతనంతో పర్సనల్ లోన్స్ ఆఫర్ చేస్తున్న టాప్ రుణదాతల గురించి తెలుసుకుందాం.

సోర్స్: పైసాబజార్

1. క్రెడిట్​బీ

ఇంటరెస్ట్ రేట్లు: 16% నుంచి

మాక్సిమమ్ లోన్ అమౌంట్​ : రూ. 5 లక్షల వరకు

లోన్ కాలపరిమితి : 3 సంవత్సరాల వరకు

2. పేసెన్స్​

ఇంట్రెస్ట్ రేట్లు:1.4% నుండి

మాక్సిమమ్ లోన్: రూ.5 లక్షల వరకు

లోన్ కాలపరిమితి: అప్లికేషన్ ప్రొఫైల్ ప్రకారం ఆధారపడి ఉంటుంది

3. మనీవ్యూ

ఇంటరెస్ట్ రేట్లు: 14% నుంచి

మాక్సిమమ్ లోన్​ అమౌంట్​: రూ. 10 లక్షల వరకు

లోన్ కాలపరిమితి: 5 సంవత్సరాల వరకు

4. ఎస్​బీఐ

ఇంట్రెస్ట్ రేట్లు: 11.45% నుండి

మాక్సిమమ్ లోన్ అమౌంట్​ : రూ. 30 లక్షల వరకు

లోన్ కాలపరిమితి: 6 సంవత్సరాల వరకు

5. యాక్సిస్ బ్యాంక్

ఇంట్రెస్ట్ రేట్లు: 11.25% నుండి

మాక్సిమమ్ లోన్ మొత్తం: రూ. 10 లక్షల వరకు

లోన్ కాలపరిమితి: 5 సంవత్సరాల వరకు

టాటా క్యాపిటల్

ఇంట్రెస్ట్ రేట్లు: 11.99% నుండి

మాక్సిమమ్ లోన్​ అమౌంట్​: రూ.35 లక్షల వరకు

లోన్ కాలపరిమితి: 6 సంవత్సరాల వరకు

7. క్యాష్​ఈ

ఇంట్రెస్ట్ రేట్లు: 2.25% నుండి

మాక్సిమమ్ రుణ మొత్తం: రూ. 4 లక్షల వరకు

లోన్ కాలపరిమితి: 1.5 సంవత్సరాల వరకు

8. స్టాష్​ఫిన్​

ఇంట్రెస్ట్ రేట్లు: 11.99% నుండి
గరిష్ట రుణ మొత్తం: రూ.5 లక్షల వరకు

లోన్ కాలపరిమితి: 4 సంవత్సరాల వరకు

9. ఫైబ్​ఈ (ఎర్లీసాలరీ)

ఇంట్రెస్ట్ రేట్లు: 16% నుండి

మాక్సిమమ్ లోన్ అమౌంట్​: రూ. 5 లక్షల వరకు

లోన్ కాలపరిమితి: 3 సంవత్సరాల వరకు

పర్సనల్​ లోన్​ తీసుకునే ముందు..

• అప్రూవల్ అవకాశాలను పెంచడానికి, మీ రుణంపై తక్కువ వడ్డీ రేట్లను పొందడానికి ఆరోగ్యకరమైన క్రెడిట్ స్కోరును మెయిన్​టైన్​ చేయండి.
• వీలైతే మీ దరఖాస్తు బలాన్ని పెంచుకోవడానికి మంచి ఆదాయం ఉన్న సహ దరఖాస్తుదారుడితో దరఖాస్తు చేసుకోండి.
• ఈఎమ్ఐ భారాన్ని తగ్గించడానికి ఎక్కువ కాలపరిమితిని ఎంచుకోండి. ఇది మీ రుణ ఆమోదం అవకాశాలను పెంచుతుంది!
• మెరుగైన ప్రొఫైల్​ని మెయిన్​టైన్​ చేయడంలో మీకు సహాయపడే అద్దె ఆదాయం, పెట్టుబడులు వంటి బ్యాంక్ స్టేట్​మెంట్లు, పత్రాలను సేకరించి దరఖాస్తు చేసుకోండి.

మార్కెట్లోని ఇతర రుణాలతో పోలిస్తే ఈ లోన్​లు అధిక వడ్డీ రేటును కలిగి ఉన్నందున మీకు నిజంగా వ్యక్తిగత రుణం అవసరమా? అని అంచనా వేయడం చాలా ముఖ్యం. మీ బడ్జెట్​కి బాగా సరిపోయే ఇతర ఆప్షన్స్​ని కూడా అన్వేషించాలి.

(గమనిక: పర్సనల్ లోన్ తీసుకోవడం వల్ల రిస్క్ ఉంటుంది.)