Magnite vs Swift : స్విఫ్ట్​ హ్యాచ్​బ్యాక్​ కొనాలా? మాగ్నైట్​ ఎస్​యూవీకి అప్​గ్రేడ్​ అవ్వాలా?

నిస్సాన్​ మాగ్నేట్​ ఫేస్​లిఫ్ట్​ వర్షెన్​ ఇటీవలే ఇండియాలో లాంచ్​ అయ్యింది. టాటా పంచ్​ వంటి ఎస్​యూవీలకు ఇది గట్టి పోటీనిస్తోంది. అయితే, ఇప్పటికే హ్యాచ్​బ్యాక్​ కార్లు ఉన్న చాలా మంది వారు ఎస్​యూవీకి అప్​గ్రేడ్​ అవ్వాలని చూస్తున్నారు. ఈ నేపథ్యంలో మార్కెట్​లో బెస్ట్​ సెల్లింగ్​గా ఉన్న 2024 మారుతీ సుజుకీ స్విఫ్ట్​ని నిస్సాన్​ మాగ్నైట్​ ఫేస్​లిఫ్ట్​ వర్షెన్​తో పోల్చి.. ఏది బెస్ట్​? ఎస్​యూవీకి అప్​గ్రేడ్​ అవ్వొచ్చా? వంటి వివరాలను ఇక్కడ తెలుసుకుందాము..

నిస్సాన్​ మాగ్నైట్​ వర్సెస్​ మారుతీ సుజుకీ స్విఫ్ట్​..

నిస్సాన్ మాగ్నైట్ ఒక ఎస్​యూవీ. అందుకే ఇది మారుతీ సుజుకీ స్విఫ్ట్ కంటే పెద్దది, పొడవైన వీల్​బేస్​తో వస్తుంది. 2024 మారుతీ సుజుకీ స్విఫ్ట్, నిస్సాన్ మాగ్నైట్ వేర్వేరు కొలతలు, ఫీచర్లను అందిస్తాయి. ప్రతి ఒక్కటి వేర్వేరు ప్రాధాన్యతలను తీరుస్తాయి. స్విఫ్ట్ 3860 ఎంఎం పొడవు, 1735 ఎంఎం వెడల్పు, 1520 ఎంఎం ఎత్తు, 2450 ఎంఎం వీల్ బేస్ కలిగి ఉంది. ఇది 265 లీటర్ల బూట్ స్పేస్, 163 ఎంఎం గ్రౌండ్ క్లియరెన్స్​ను అందిస్తుంది.

మరోవైపు, నిస్సాన్ మాగ్నైట్ పొడవు 3994 ఎంఎం, వెడల్పు 1758 ఎంఎం, ఎత్తు 1572 ఎంఎం. దీని వీల్ బేస్ 2500 ఎంఎం వరకు విస్తరించి ఉంది. ఇది 336 లీటర్ల పెద్ద బూట్ స్పేస్, 205 ఎంఎం అధిక గ్రౌండ్ క్లియరెన్స్​ను అందిస్తుంది.

2024 నిస్సాన్ మాగ్నైట్ వర్సెస్ మారుతీ సుజుకీ స్విఫ్ట్: ఫీచర్లు..

2024 మారుతీ సుజుకీ స్విఫ్ట్, నిస్సాన్ మాగ్నైట్ అనేక ఆధునిక ఫీచర్లను కలిగి ఉన్నాయి. ఎక్స్​టీరియర్ ఫీచర్ల విషయానికొస్తే, రెండు కార్లలో ఎల్ఈడీ ప్రొజెక్టర్ హెడ్​లైట్లు, ఆటోమేటిక్- ఎలక్ట్రానిక్​ అడ్జెస్టెబుల్​ ఓఆర్విఎంలు, 16-ఇంచ్​ అల్లాయ్ వీల్స్ వస్తాయి.

ఇంటీరియర్​లో స్విఫ్ట్ ఫ్యాబ్రిక్ అప్​హోలిస్ట్రీ పొందుతుంది. నిస్సాన్ మాగ్నైట్ ఫేస్​లిఫ్ట్​ డ్యాష్​బోర్డ్​.. సాఫ్ట్​టచ్ మెటీరియల్స్​తో లెథరెట్ అప్​హోలిస్ట్రీని పొందుతుంది.

పుష్-బటన్ స్టార్ట్-స్టాప్, క్రూయిజ్ కంట్రోల్, వైర్లెస్ ఫోన్ ఛార్జర్లతో కీలెస్ ఎంట్రీ ఈ రెండు వాహనాల్లో ఇతర ముఖ్య ఆకర్షణలు. స్విఫ్ట్, మాగ్నైట్ రెండింటిలో ఆరు ఎయిర్ బ్యాగులు ప్రామాణికంగా లభిస్తాయి. రెండు కార్లలో వెనుక పార్కింగ్ కెమెరాలు, వెనుక భాగంలో పార్కింగ్ సెన్సార్లు, ఐసోఫిక్స్ చైల్డ్ సీట్ మౌంట్లు ఉన్నాయి.

టెక్నాలజీ పరంగా, స్విఫ్ట్ 9 ఇంచ్​ టచ్​స్క్రీన్​ ఇన్ఫోటైన్మెంట్ సిస్టమ్​ని కలిగి ఉంది. నిస్సాన్​ మాగ్నైట్ ఎస్​యూవీ 8 ఇంచ్​ టచ్​స్క్రీన్​ని అందిస్తుంది. స్విఫ్ట్ డ్రైవర్ డిస్ప్లే కోసం ఎంఐడితో అనలాగ్ డయల్స్​ని కలిగి ఉంది. అయితే మాగ్నైట్ మరింత అధునాతన 7- ఇంచ్​ డిజిటల్ డ్రైవర్ డిస్ప్లేను అందిస్తుంది. ఇది ఇప్పుడు రీడిజైన్ గ్రాఫిక్స్ పొందుతుంది. రెండు వాహనాలు వైర్లెస్ యాపిల్ కార్ ప్లే, ఆండ్రాయిడ్ ఆటోను సపోర్ట్ చేస్తాయి.

2024 నిస్సాన్ మాగ్నైట్ వర్సెస్ మారుతీ సుజుకీ స్విఫ్ట్: స్పెసిఫికేషన్లు..

2024 మారుతీ సుజుకీ స్విఫ్ట్ 1.2-లీటర్ నేచురల్ ఆస్పిరేటెడ్ జెడ్ 12 ఈ 3 సిలిండర్ పెట్రోల్ ఇంజిన్​తో పనిచేస్తుంది. ఇది 82 పిఎస్ పవర్​, 112 ఎన్ఎమ్ టార్క్​ని ఉత్పత్తి చేస్తుంది. ఇది 5-స్పీడ్ మేన్యువల్ లేదా 5-స్పీడ్ ఏఎమ్​టీ ట్రాన్స్​మిషన్​తో లభిస్తుంది. అదే సమయంలో స్విఫ్ట్​కు సీఎన్​జీ ఆప్షన్ కూడా ఉంది.

2024 నిస్సాన్ మాగ్నైట్ రెండు ఇంజిన్ ఆప్షన్స్​ని అందిస్తుంది. అవి.. 72 పీఎస్- 96 ఎన్ఎమ్ టార్క్ ఉత్పత్తి చేసే 1-లీటర్ నేచురల్ ఆస్పిరేటెడ్ 3-సిలిండర్ ఇంజిన్, 100 పీఎస్- 160 ఎన్ఎమ్ టార్క్ ఉత్పత్తి చేసే మరింత శక్తివంతమైన 1-లీటర్ టర్బో-పెట్రోల్ ఇంజిన్. మాగ్నైట్ కోసం ట్రాన్స్​మిషన్​ ఆప్షన్​లో 5-స్పీడ్ మేన్యువల్, 5-స్పీడ్ ఏఎమ్​టీ, టర్బో-పెట్రోల్ వేరియంట్ కోసం సీవీటీ ఉన్నాయి.

2024 నిస్సాన్ మాగ్నైట్ వర్సెస్ మారుతీ సుజుకీ స్విఫ్ట్: ధర

2024 మారుతీ సుజుకీ స్విఫ్ట్ ధర రూ .6.49 లక్షల నుంచి రూ .9.64 లక్షల మధ్య ఉండగా, నిస్సాన్ మాగ్నైట్ ఫేస్​లిఫ్ట్​ ఎస్​యూవీ మునుపటి మాదిరిగా రూ .5.99 లక్షల నుంచి ప్రారంభమై రూ .11.50 లక్షల వరకు ఉంటుంది.

ఏదేమైనా, మాగ్నైట్ ధరలు ఇంట్రొడక్టరీ అని గుర్తుపెట్టుకోవాలి. మొదటి 10,000 మంది వినియోగదారులకు ఇది వర్తిస్తుంది. ఆసక్తికరమైన విషయం ఏమిటంటే, 2024 నిస్సాన్ మాగ్నైట్..స్విఫ్ట్ ప్రారంభ ధర కంటే రూ .50,000 తక్కువ!