Motorola Edge 50 vs Realme 13 Pro : రూ. 30వేల బడ్జెట్​- ఈ రెండు స్మార్ట్​ఫోన్స్​లో ఏది బెస్ట్​?

మోటోరోలా- రియల్​మీ తమ కొత్త తరం మిడ్-రేంజ్ స్మార్ట్​ఫోన్ సిరీస్​లను కొన్ని ఆకర్షణీయమైన ఫీచర్లతో విడుదల చేశాయి. రియల్​మీ 13 ప్రో దాని కెమెరా, ఏఐ ఫీచర్లకు ప్రాచుర్యం పొందుతుండగా, మోటోరోలా ఎడ్జ్ 50 మిలిటరీ గ్రేడ్ సర్టిఫికేషన్ కారణంగా దాని మన్నికకు ప్రశంసలు అందుకుంటోంది. మోటోరోలా ఎడ్జ్ 50- రియల్​మీ 13 ప్రో రూ .30000 లోపు ధర శ్రేణిని కలిగి ఉన్నాయి. ఈ రెండు స్మార్ట్​ఫోన్స్​ని పోల్చి, ఏది బెస్ట్​ అనేది ఇక్కడ తెలుసుకుందాము..

మోటaరోలా ఎడ్జ్ 50 వర్సెస్ రియల్​మీ 13 ప్రో:

డిజైన్: మోటోరోలా ఎడ్జ్ 50 కంపెనీ సిగ్నేచర్ డిజైన్​తో వస్తుంది. ఈ స్మార్ట్​ఫోన్​ ఐపీ68 ప్రొటెక్షన్​తో పాటు మిలిటరీ గ్రేడ్ సర్టిఫికేషన్​ పొందింది. రియల్​మీ 13 ప్రో ఐపీ65 రేటింగ్, గొరిల్లా గ్లాస్ ప్రొటెక్షన్​తో కొత్త డిజైన్​ని కలిగి ఉంది. మోటోరోలా డివైజ్ ఎక్కువ మన్నికను అందిస్తుండగా, రియల్ మీ 13 ప్రో డిజైన్ కోణంలో మరింత ఆకర్షణీయంగా, ప్రీమియంగా కనిపిస్తుంది.

డిస్​ప్లే: మోటోరోలా ఎడ్జ్ 50లో 120 హెర్ట్జ్ రిఫ్రెష్ రేట్, 1900నిట్స్ పీక్ బ్రైట్​నెస్​తో 6.67 ఇంచ్​ పీఓఎల్ఈడీ 1.5కే కర్వ్​డ్ డిస్​ప్లే ఉంది. రియల్​మీ 13 ప్రో స్మార్ట్​ఫోన్​లో 120 హెర్ట్జ్ రిఫ్రెష్ రేట్, 2000నిట్స్ పీక్ బ్రైట్​నెస్​తో 6.7 ఇంచ్​ అమోఎల్ఈడీ డిస్​ప్లే ఉంది.

పర్ఫార్మెన్స్​: సమర్థవంతమైన మల్టీటాస్కింగ్, పనితీరు కోసం మోటోరోలా ఎడ్జ్ 50లో క్వాల్కమ్ స్నాప్​డ్రాగన్​ 7 జెన్ 1 చిప్సెట్ ఉంటుంది. ఇందులో 8 జీబీ ర్యామ్, 256 జీబీ ఇంటర్నల్ స్టోరేజ్​ని అందించారు. రియల్​మీ 13 ప్రోలో క్వాల్కమ్ స్నాప్​డ్రాగన్ 7ఎస్ జెన్ 2 ఉంది. 12 జీబీ వరకు ర్యామ్, 512 జీబీ వరకు స్టోరేజ్ఉన్న ఈ స్మార్ట్​ఫోన్​లో 50 ఎంపీ సోనీ-లైటియా 700సీ మెయిన్ కెమెరా సెన్సార్, 13 ఎంపీ అల్ట్రా వైడ్ కెమెరా, 3ఎక్స్ ఆప్టికల్ జూమ్ తో కూడిన 10 ఎంపీ టెలిఫోటో లెన్స్ వంటి ట్రిపుల్ కెమెరా సెటప్ ఉంది. మరోవైపు రియల్​మీ 13 ప్రోలో హైపర్ఇమేజ్+ ఆర్కిటెక్చర్​తో డ్యూయెల్ కెమెరా సెటప్ ఉంది. వీటిలో ప్రధాన కెమెరా సామర్థ్యం 50 మెగా పిక్సెల్ కాగా, దీంతోపాటు 8 మెగా పిక్సెల్ అల్ట్రా వైడ్ యాంగిల్ కెమెరా కూడా ఉంది. రెండు స్మార్ట్​ఫోన్​లు 32 మెగాపిక్సెల్ ఫ్రెంట్ ఫేసింగ్ కెమెరాను కలిగి ఉన్నాయి.

బ్యాటరీ: మోటోరోలా ఎడ్జ్ 50 68 వాట్ ఫాస్ట్ ఛార్జింగ్​కు సపోర్ట్ చేసే 5000 ఎంఏహెచ్ బ్యాటరీని కలిగి ఉంది. అయితే రియల్​మీ 13 ప్రో 45 వాట్ ఛార్జింగ్​ను అందించే 5200 ఎంఏహెచ్ బ్యాటరీని కలిగి ఉంది.

ధర పరంగా చూస్తే మోటోరోలా ఎడ్జ్​ 50 ధర రూ.27,999గా ఉంది. రియల్​మీ 13 ప్రో 8 జీబీ ర్యామ్, 128 జీబీ స్టోరేజ్ వేరియంట్ ప్రారంభ ధర రూ.26,999.

మరో విషయం! హెచ్​టీ తెలుగు ఇప్పుడు వాట్సాప్​ ఛానెల్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్​డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి.