Budget friendly smartphones : రూ. 10వేల బడ్జెట్​లో స్మార్ట్​ఫోన్​ కొనాలా? ఇవి బెస్ట్​!

మంచి బడ్జెట్​ ఫ్రెండ్లీ స్మార్ట్​ఫోన్​ కొనాలని చూస్తున్నారా? ఐక్యూ, పోకో, రెడ్మీ వంటి పాపులర్ బ్రాండ్లతో కూడిన రూ.10,000 లోపు ధరతో ఉన్న టాప్ స్మార్ట్​ఫోన్స్​ జాబితాను ఇక్కడ చూసేయండి..

రూ.10,000లోపు బెస్ట్ ఫోన్లు: ఐక్యూ జెడ్9 లైట్ 5జీ:

ఐక్యూ జెడ్9 లైట్ లో 6.56 ఇంచ్​ హెచ్​డీ+ డిస్​ప్లే, 90 హెర్ట్జ్ రిఫ్రెష్ రేట్, 840 నిట్స్ పీక్ బ్రైట్​నెస్ ఉన్నాయి. 6ఎన్ఎమ్ ప్రాసెస్ ఆధారిత మీడియాటెక్ డైమెన్సిటీ 6300 చిప్సెట్, గ్రాఫిక్స్ ఇంటెన్సివ్ టాస్క్​లను నిర్వహించడానికి మాలి జీ57 ఎంసీ 2 జీపీయూతో ఈ ఫోన్ పనిచేస్తుంది. 6 జీబీ వరకు ఎల్​పీడీడీఆర్​ 4ఎక్స్ ర్యామ్, 128 జీబీ వరకు ఈఎంఎంసీ 5.1 స్టోరేజ్​ని ఇందులో అందించారు. మైక్రో ఎస్​డీ కార్డ్ స్లాట్ ద్వారా స్టోరేజ్​ను 1టీబీ వరకు పెంచుకోవచ్చు.

ఆండ్రాయిడ్ 14 ఆధారిత ఫన్ టచ్ ఓఎస్ 14పై పనిచేసే ఈ ఫోన్​కు 2 ఏళ్ల ఆండ్రాయిడ్ అప్​డేట్స్, 3 ఏళ్ల సెక్యూరిటీ ప్యాచ్​లు లభిస్తాయి. జెడ్9 లైట్ 5జీలో సైడ్ మౌంటెడ్ ఫింగర్ ప్రింట్ స్కానర్, 3.5 ఎంఎం హెడ్ఫోన్ జాక్, డస్ట్ అండ్ స్ప్లాష్ రెసిస్టెన్స్ కోసం ఐపీ 64 రేటింగ్ ఉన్నాయి.

కెమెరా ముందు భాగంలో 50 మెగాపిక్సెల్ ప్రైమరీ షూటర్, వెనుక భాగంలో 2 మెగాపిక్సెల్ డెప్త్ షూటర్ ఉన్నాయి. సెఫ్లీలు, వీడియో కాల్స్ కోసం ముందు భాగంలో 8 మెగాపిక్సెల్ షూటర్ కూడా ఉంది.

పోకో ఎం6 ప్రో 5జీ:

పోకో ఎం6 ప్రో 5జీలో 6.79 ఇంచ్​ ఫుల్​ హెచ్​డీ+ డిస్ప్లే, 90 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్ ఉన్నాయి. ఈ స్మార్ట్​ఫోన్​కు గొరిల్లా గ్లాస్ 3 ప్రాసెసర్​ను అందించారు. క్వాల్కం స్నాప్​డ్రాగన్ 4 జెన్ 2 ఎస్ ఓసీ ప్రాసెసర్​ దీని సొంతం. ఈ బడ్జెట్​ ఫ్రెండ్లీ స్మార్ట్​ఫోన్​ ఆండ్రాయిడ్ 13 ఆధారిత ఎంఐయూఐ 14 ఆపరేటింగ్ సిస్టంపై పనిచేస్తుంది.2 మేజర్ ఓఎస్ అప్ డేట్స్, 3 ఏళ్ల సెక్యూరిటీ అప్​డేట్స్​తో వస్తుంది.

పోకో ఎం6 ప్రో 5జీ వెనుక భాగంలో డ్యూయెల్ కెమెరా సెటప్​తో వస్తుంది. వీటిలో 50 మెగాపిక్సెల్ ఏఐ సెన్సార్, 2 మెగాపిక్సెల్ డెప్త్ సెన్సార్ ఉన్నాయి. ముందు భాగంలో 8 మెగాపిక్సెల్ కెమెరా డిస్​ప్లే పై భాగంలో హోల్ పంచ్ కట్ అవుట్​లో ఉంది. సెల్ఫీలు వీడియో కాల్స్ కోసం ఉపయోగపడుతుంది.

మోటో జీ24 పవర్:

గ్రాఫిక్స్ ఇంటెన్సివ్ పనుల కోసం మాలి జీ-52 ఎంపీ2 జీపీయూతో జత చేసిన మీడియాటెక్ హీలియో జీ85 ప్రాసెసర్​పై మోటో జీ24 పవర్ పనిచేస్తుంది. ఈ స్మార్ట్​ఫోన్​ 8 జీబీ వరకు ర్యామ్, 128 జీబీ వరకు స్టోరేజ్​తో లభిస్తుంది.

6.56 ఇంచ్​ హెచ్డీ+ ఐపీఎస్ ఎల్​సీడీ డిస్ప్లే, 90 హెర్ట్జ్ రిఫ్రెష్ రేట్, 537 నిట్స్ పీక్ బ్రైట్​నెస్​ సపోర్ట్​ వంటివి ఈ బడ్జెట్ స్మార్ట్ఫ్​ఫోన్​​ ప్రత్యేకతలు. ఇందులో ముందు భాగంలో పంచ్ హోల్ నాచ్ డిజైన్​ కలిగి ఉంది. స్ప్లాష్, డస్ట్ రెసిస్టెన్స్ కోసం ఐపీ 52 సర్టిఫికేషన్​తో వస్తుంది.

ఆప్టిక్స్ విషయానికొస్తే, మోటో జీ24 పవర్ వెనుక భాగంలో డ్యూయెల్ కెమెరా సెటప్​తో వస్తుంది. 50 మెగాపిక్సెల్ ప్రైమరీ సెన్సార్, మాక్రో షాట్స్ తీయడానికి 2 మెగాపిక్సెల్ సెన్సార్. సెల్ఫీ, వీడియో కాల్ సంబంధిత అవసరాలన్నింటినీ నిర్వహించడానికి ఈ స్మార్ట్​ఫోన్​ 16 మెగాపిక్సెల్ ఫ్రెంట్ ఫేసింగ్ సెన్సార్ కూడా ఉంది.

4. రియల్​మీ సీ53:

రియల్​మీ సీ53 స్మార్ట్​ఫోన్​లో 6.74 ఇంచ్​ 90 హెర్ట్జ్ డిస్​ప్లే, 90.3 శాతం స్క్రీన్ టు బాడీ రేషియో, 560 నిట్స్ పీక్ బ్రైట్నెస్ ఉన్నాయి. స్క్రీన్ 180 హెర్ట్జ్ టచ్ శాంప్లింగ్ రేటును అందిస్తుంది. ఏఆర్ఎం మాలి-జీ57 జీపీయూ, 12ఎన్ఎం, 1.82గిగాహెర్ట్జ్ సీపీయూతో ఆక్టాకోర్ చిప్సెట్​తో ఈ ఫోన్ పనిచేస్తుంది.

రియల్​మీ స్మార్ట్​ఫోన్​ వెనుక భాగంలో ట్రిపుల్ కెమెరా ఉంది. 108 మెగాపిక్సెల్ అల్ట్రా క్లియర్ కెమెరా, 1080 పి / 30 ఎఫ్పిఎస్, 720 పి / 30 ఎఫ్పిఎస్స, 480 పి / 30 ఎఫ్పిఎస్ వరకు వీడియో రికార్డింగ్ సపోర్ట్​ని కలిగి ఉంది.

సెల్ఫీలు, వీడియో కాల్స్ కోసం రియల్​మీ సీ53లో 8 మెగాపిక్సెల్ ఏఐ సెల్ఫీ కెమెరా ఉంది. ఫ్రంట్ కెమెరా 720 పి / 30 ఎఫ్పిఎస్ వీడియో రికార్డింగ్​కు మద్దతు ఇస్తుంది. వీడియో, పోర్ట్రెయిట్ మోడ్, బ్యూటీ మోడ్, హెచ్డీఆర్, ఫేస్ రికగ్నిషన్, ఫిల్టర్, బోకే ఎఫెక్ట్ కంట్రోల్ వంటి కెమెరా ఫీచర్లు ఇందులో ఉన్నాయి.

5. రెడ్​మీ 13సీ

ఈ స్మార్ట్​ఫోన్​లో 6.74 ఇంచ్​ హెచ్డీ+ డిస్ప్లే, 600×720 పిక్సెల్స్ రిజల్యూషన్, 90 హెర్ట్జ్ రిఫ్రెష్ రేట్, 450 నిట్స్ పీక్ బ్రైట్నెస్ ఉన్నాయి. గ్రాఫిక్స్ ఇంటెన్సివ్ అవసరాలను తీర్చడానికి మాలి-జీ57 ఎంపీ 2 జీపీయూతో కనెక్ట్​ చేసిన ఆక్టా-కోర్ మీడియాటెక్ హీలియో జి 85 చిప్సెట్​తో ఈ స్మార్ట్​ఫోన్​ పనిచేస్తుంది. 8 జీబీ వరకు ర్యామ్, 8 జీబీ వర్చువల్ ర్యామ్, 256 జీబీ వరకు యూఎఫ్ఎస్ 2.2 స్టోరేజ్, మైక్రో ఎస్డీ కార్డ్ స్లాట్ ద్వారా 1 టీబీ వరకు పెంచుకోవచ్చు.

ఆప్టిక్స్ విషయానికి వస్తే, రెడ్​మీ 13సీ 50 మెగాపిక్సెల్ ప్రైమరీ సెన్సార్, 2 మెగాపిక్సెల్ మాక్రో లెన్స్, మరో 2 మెగాపిక్సెల్ లెన్స్​తో ట్రిపుల్ కెమెరా సెటప్​తో వస్తుంది. వినియోగదారుల సెల్ఫీ, వీడియో కాలింగ్ అవసరాలను తీర్చడానికి ఈ స్మార్ట్​ఫోన్​లో 5 మెగాపిక్సెల్ ఫ్రంట్ ఫేసింగ్ కెమెరా ఉంది.