MG Comet EV bookings : ఎంజీ కామెట్​ ఈవీ కొంటున్నారా? ఇలా బుక్​ చేసుకోండి..

MG Comet EV bookings : దేశ ఎలక్ట్రిక్​ వాహనాల సెగ్మెంట్​లో ఎంజీ కామెట్​ ఈవీ ఇప్పుడు హాట్​ టాపిక్​గా మారింది. ఈ ఈవీకి సర్వత్రా మంచి రివ్యూలు లభిస్తున్నాయి. ఇక ఇప్పుడు కామెట్​ ఈవీ బుకింగ్స్​ను ప్రారంభించింది ఎంజీ మోటార్​. దేశంలోనే అతి చౌకైన ఎలక్ట్రిక్​ వాహనాన్ని రూ. 11వేల టోకెన్​ అమౌంట్​తో రిజర్వ్​ చేసుకోవచ్చు.

గత నెలలో ఎంజీ కామెట్​ ఫీచర్స్​, ధరను రివీల్​ చేసింది సంస్థ. ఈ ఈవీ ఇంట్రొడక్టరీ ఎక్స్​షోరూం ధర రూ. 7.98లక్షలుగా ఉంది. ఈ ఈవీ మొత్తం మూడు వేరియంట్లలో అందుబాటులోకి రానుంది. అవి పేస్​, ప్లే, ప్లష్​. టాప్​ ఎండ్​ మోడల్​ ఎక్స్​షోరూం ధర రూ. 9.98లక్షలుగా ఉంది.

MG Comet EV on road price Hyderabad : తొలి 5వేల బుకింగ్స్​కు మాత్రమే ఈ ఇంట్రొడక్టరీ ప్రైజ్​ వర్తిస్తుందని సంస్థ స్పష్టం చేసింది. అందుకే.. ఆసక్తి ఉన్న వారు ఈ ఈవీని వెంటనే బుక్​ చేసుకోవాలి. సంస్థ అధికారి వెబ్​సైట్​ లేదా సమీప డీలర్​షిప్​ షోరూమ్​లో ఈ ఎంజీ కామెట్​ ఈవీని బుక్​ చేసుకోవచ్చు. 5వేల బుకింగ్స్​ తర్వాత ఈ ఈవీ ధర కచ్చితంగా పెరుగుతుంది! దిగ్గజ ఆటోమొబైల్​ సంస్థ టాటా మోటార్స్​.. టియాగో ఈవీతోనూ ఇదే చేసింది. తొలుత ఇంట్రొడక్టరీ ప్రైజ్​ను ప్రకటించింది. అనంతరం వాహన ధరలను దాదాపు రూ. 70వేల వరకు పెంచింది.

ఆన్​లైన్​లో ఇలా బుక్​ చేసుకోండి..

స్టెప్​ 1:- ముందుగా ఎంజీ మోటార్​ ఇండియా అధికారిక వెబ్​సైట్​లోకి వెళ్లిండి.

స్టెప్​ 2:- 'ఈ బుక్​ యువర్​ ఎంజీ' ఆప్షన్​ మీద క్లిక్​ చేయండి.

How to book MG Comet EV :స్టెప్​ 3:- మీకు నచ్చిన వేరియంట్​ను ఎంచుకోండి.

స్టెప్​ 4:- టోకెన్​ అమౌంట్​ను ఆన్​లైన్​లో పే చేయండి.

ఇదీ చదవండి:- MG comet EV vs Citroen eC3 : ఎంజీ కామెట్​ ఈవీ వర్సెస్​ సిట్రోయెన్​ ఈసీ3.. ఏది బెస్ట్​?

కామెట్​ ఈవీని బుక్​ చేసుకున్న వారు తమ బుకింగ్స్​ను ట్రాక్​ చేసుకునే వెసులుబాటును కల్పించింది ఎంజీ మోటార్​. ఇందుకోసం.. మైఎంజీ యాప్​ను డౌన్​లోడ్​ చేసుకోవాలి. అందులో ట్రాక్​ అండ్​ ట్రేస్​ ఫీచర్​ను చూస్తూ ఉండాలి. రియల్​టైమ్​ అప్డేట్స్​ ఇస్తామని సంస్థ చెబుతోంది. మేన్యుఫ్యాక్చరింగ్​ దశ నుంచి డీలర్​షిప్​ షోరూమ్​ దశ వరకు అన్ని అప్డేట్స్​ ఇస్తామని స్పష్టం చేసింది.

తాజాగా బుకింగ్స్​ మొదలవ్వగా.. డెలివరీ ప్రక్రియ ఈ నెల 22 నుంచి ప్రారంభమవుతుందని సంస్థ చెబుతోంది.

ఎంజీ కామెట్​ ఈవీ విశేషాలు..

ఎంజీ కామెట్​ ఈవీలో 17.3 కేడబ్ల్యూహెచ్​ లిథియం ఐయాన్​ బ్యాటరీ ప్యాక్​ ఉంటుంది. దీనిపై గరిష్ఠంగా 8ఏళ్లు లేదా 1.20లక్షల కి.మీల వారెంటీ లభిస్తోంది. ఒక్కసారి ఛార్జ్​ చేస్తే ఈ ఈవీ 230కి.మీ దూరం ప్రయాణిస్తుందని సంస్థ చెబుతోంది. ఇందులో ఎలక్ట్రిక్​ ఇంజిన్​ 41 హెచ్​పీ పవర్​ను, 110 ఎన్​ఎం టార్క్​ను జనరేట్​ చేస్తుంది. ఈ ఈవీ స్పీడ్​ 100కేఎంపీహెచ్​. ఈకో, నార్మల్​, స్పోర్ట్​ వంటి డ్రైవింగ్​ మోడ్స్​ ఇందులో ఉన్నాయి. ఎంజీ కామెట్​ ఈవీ రివ్యూ కోసం ఇక్కడ క్లిక్​ చేయండి.