Tata Punch EV news : ఇదిగో టాటా పంచ్​ ఈవీ.. 300కి.మీ రేంజ్​? లాంచ్​ ఎప్పుడు?-tata punch ev spotted for the first time check full details and latest updates here ,బిజినెస్ న్యూస్
తెలుగు న్యూస్  /  Business  /  Tata Punch Ev Spotted For The First Time Check Full Details And Latest Updates Here

Tata Punch EV news : ఇదిగో టాటా పంచ్​ ఈవీ.. 300కి.మీ రేంజ్​? లాంచ్​ ఎప్పుడు?

Sharath Chitturi HT Telugu
May 14, 2023 09:20 AM IST

Tata Punch EV news : టాటా పంచ్​ ఈవీ ప్రస్తుతం టెస్టింగ్​ దశలో ఉంది. ఈ మోడల్​కు సంబంధించిన ఫోటోలు​ లీక్​ అయ్యాయి.

ఇదిగో టాటా పంచ్​ ఈవీ..
ఇదిగో టాటా పంచ్​ ఈవీ.. (instagram/ Photulogy)

Tata Punch EV specifications : దేశ ఎలక్ట్రిక్​ వాహనాల రంగంలో రారాజుగా కొనసాగుతున్న టాటా మోటార్స్​.. తన ఈవీ పోర్ట్​ఫోలియోను పెంచుకునేందుకు ఎప్పటికప్పుడు ప్రణాళికలు రచిస్తూనే ఉంటుంది. ఇందులో భాగంగానే.. బెస్ట్​ సెల్లింగ్​ మోడల్​గా ఉన్న టాటా పంచ్​కు ఈవీ వర్షెన్​ను తీసుకోస్తోందని గత కొంతకాలంగా వార్తలు వస్తున్నాయి. ఈ వార్తలను నిజం చేస్తూ.. టాటా పంచ్​ ఈవీ తాజాగా దర్శనమిచ్చింది! టెస్టింగ్​ దశలో ఉన్న ఈ ఈవీకి సంబంధించిన ఫొటోలు ఆన్​లైన్​లో చక్కర్లు కొడుతున్నాయి. వీటి ద్వారా మనకి లభిస్తున్న వివరాలను ఇప్పుడు తెలుసుకుందాము..

ట్రెండింగ్ వార్తలు

టాటా పంచ్​ ఈవీ..

స్టాండర్డ్​ ఎస్​యూవీతో పోల్చుకుంటే టాటా పంచ్​ ఈవీ కాస్మొటిక్స్​లో కొన్ని మార్పులు జరిగే సూచనలు కనిపిస్తున్నాయి. ఈవీ టచ్​ ఇచ్చే విధంగా ఇవి ఉండొచ్చు. టియాగో ఈవీ, టిగోర్​ ఈవీల్లో ఉన్నట్టుగా.. పంచ్​ ఈవీకి బ్లూ యాక్సెంట్స్​, ఎయిరో వీల్స్​తో పాటు ఆనేక మార్పులు చేయవచ్చు. ఇక ఫ్యూయెల్​ ట్యాంక్​ లిడ్​ స్థాంలో ఛార్జింగ్​ పోర్ట్​ వచ్చే అవకాశం ఉంది.

Tata Punch EV news : టెస్టింగ్​లో ఉన్న టాటా పంచ్​ ఈవీ రేర్​లో డిస్క్​ బ్రేక్స్​ ఉన్నాయి. పెట్రోల్​ వర్షెన్​లో అక్కడ డ్రమ్​ బ్రేక్స్​ ఉంటాయి. రోటరీ డయల్​, ఎలక్ట్రానిక్​ పార్కింగ్​ బ్రేక్​లు కూడా వస్తున్నట్టు తెలుస్తోంది. ఆటో హోల్డ్​, వయర్​లెస్​ ఛార్జింగ్​తో పాటు పలు ఇతర ఫీచర్స్​ ఈ ఎలక్ట్రిక్​ ఎస్​యూవీలో రావొచ్చు.

డాష్​బోర్డు లేఅవుట్​ మాత్రం.. పెట్రోల్​ వర్షెన్​నే పోలి ఉంది. హర్మాన్​ 7 ఇంచ్​ టచ్​స్క్రీన్​ ఇన్ఫోటైన్​మెంట్​ సిస్టెమ్​ వస్తోంది. ఆండ్రాయిడ్​ ఆటో, యాపిల్​ కార్​ప్లే, ఆటోమెటిక్​ క్లైమేట్​ కంట్రోల్​, ఫ్లాట్​ బాటమ్​ స్టీరింగ్​ వీల్​, ప్రీమియం అప్​హోలిస్ట్రీ వంటివి ఈ ఈవీతో వస్తాయని అంచనాలు ఉన్నాయి.

టాటా పంచ్​ ఈవీ- ఎలక్ట్రిక్​ మోటార్​..

Tata Punch EV on road price Hyderabad : టాటా పంచ్​ ఈవీ ఎలక్ట్రిక్​ మోటార్​, బ్యాటరీ ప్యాక్​పై ప్రస్తుతం ఎలాంటి సమాచారం లేదు. కాగా.. ప్రస్తుతం ఉన్న టియాగో ఈవీలోని వాటినే ఇందులోనూ వాడొచ్చని తెలుస్తోంది. 24కేడబ్ల్యూహెచ్​ బ్యాటరీ ప్యాక్​ను వినియోగిస్తే.. ఒక్క ఛార్జ్​తో సుమారు 300కి.మీల దూరం ప్రయాణిస్తుంది ఈ ఈవీ. ఇదే బ్యాటరీ ప్యాక్​ వాడుతున్న టియాగో ఈవీ 315కి.మీల రేంజ్​ను ఇస్తోంది.

సిట్రోయెన్​ ఈసీ3కి గట్టిపోటీనిచ్చే విధంగా ఈ టాటా పంచ్​ ఈవీ మార్కెట్​లోకి అడుగుపెట్టే అవకాశం ఉంది. ప్రస్తుతం సిట్రోయెన్​ ఈసీ3 ఎక్స్​షోరూం ధర రూ. 11.50లక్షలు- రూ. 12.43లక్షల మధ్యలో ఉంది. టాటా పంచ్​ ఈవీ ధర కూడా ఇంచుమించు ఇదే రేంజ్​లో ఉండొచ్చని మార్కెట్​ వర్గాలు భావిస్తున్నాయి.

Tata Punch EV price : టాటా పంచ్​ లాంచ్​ డేట్​పై క్లారిటీ లేదు. లాంచ్​పై స్పష్టత వస్తే.. ఫీచర్స్​, బ్యాటరీ ప్యాక్​ వంటి వివరాలు తెలుస్తాయి. మరోవైపు.. టాటా మోటార్స్​ ఈవీ పోర్ట్​ఫోలియో మరింత పెరనుంది! టాటా పంచ్​ ఈవీ తర్వాత.. హ్యారియర్​ ఈవీ, సరికొత్త కర్వ్​ ఈవీ మోడల్స్​ను కూడా లాంచ్​ చేసే యోచనలో సంస్థ ఉన్నట్టు తెలుస్తోంది.

WhatsApp channel

సంబంధిత కథనం