Kia Sonet vs Mahindra XUV300 : ఈ రెండు ఎస్యూవీల్లో ఏది బెస్ట్?
05 March 2024, 7:22 IST
- Kia Sonet vs Mahindra XUV300 : కియా సోనెట్ వర్సెస్ మహీంద్రా ఎక్స్యూవీ300. ఈ రెండు ఎస్యూవీల్లో ఏది కొనాలి? ఏది బెస్ట్?
కియా సోనెట్ వర్సెస్ మహీంద్రా ఎక్స్యూవీ300..
Kia Sonet vs Mahindra XUV300 : ఇండియాలో బెస్ట్ సెల్లింగ్ కాంపాక్ట్ ఎస్యూవీల్లో ఒకటి కియా సోనెట్. సెల్టోస్ సక్సెస్ తర్వాత.. ఈ మోడల్ని ఇండియాలోకి తీసుకొచ్చింది దిగ్గజ ఆటోమొబైల్ సంస్థ. ఇక ఈ ఏడాది జనవరిలో కియా సోనెట్ ఫేస్లిఫ్ట్ వర్షెన్ని సైతం లాంచ్ చేసింది. ఫలితంగా.. సబ్ కాంపాక్ట్ ఎస్యూవీ సెగ్మెంట్లో పోటీ మరింత పెరిగింది. మరీ ముఖ్యంగా.. మహీంద్రా ఎక్స్యూవీ300కి కియా సోనెట్కి మధ్య పోటీ మరింత పెరిగింది. ఈ రెండిట్లో ఏది తీసుకోవాలి? అని కస్టమర్లు ఆలోచిస్తున్నారు. ఈ నేపథ్యంలో.. ఈ రెండిట్లో ఏది బెస్ట్? ఏది కొనాలి? వంటి వివరాలను ఇక్కడ తెలుసుకుందాము. కియా సోనెట్ - మహీంద్రా ఎక్స్ యువి 300 మధ్య ధర, స్పెసిఫికేషన్లు మరియు ఫీచర్ల ఆధారంగా పోలికను పరిశీలిద్దాం.
Stock Market News: శనివారమైనా రేపు స్టాక్ మార్కెట్ పని చేస్తుంది.. కారణం ఏంటంటే..?
Personal loan for business : వ్యాపారం కోసం పర్సనల్ లోన్ తీసుకుంటున్నాారా? తప్పు చేసినట్టే!
Stocks to buy today : ట్రేడర్స్ అలర్ట్.. ఈ రూ. 390 స్టాక్ని ట్రాక్ చేయండి- భారీ లాభాలు!
Mahindra XUV 3XO : గంటలో 50వేల బుకింగ్స్.. ఇదీ మహీంగ్స్ ఎక్స్యూవీ 3ఎక్స్ఓ క్రేజ్!
కియా సోనెట్ వర్సెస్ మహీంద్రా ఎక్స్ యూవీ300: స్పెసిఫికేషన్
కియా సోనెట్ ఎస్యూవీలో రెండు పెట్రోల్ ఇంజన్లు, ఒక డీజిల్ ఇంజిన్ ఆప్షన్ ఉంటాయి. పెట్రోల్ లైనప్లో 1.2 లీటర్ యూనిట్, 1.0 లీటర్ టర్బోఛార్జ్డ్ ఇంజిన్ ఉన్నాయి. 1.2-లీటర్ పెట్రోల్ ఇంజిన్ 5-స్పీడ్ మాన్యువల్ ట్రాన్స్మిషన్తో వస్తుంది. ఇది 82 బీహెచ్పీ పవర్ని, 115 ఎన్ఎం టార్క్ని జనరేట్ చేస్తుంది.
Kia Sonet on road price in Hyderabad : మరోవైపు, 1.0-లీటర్ టర్బోఛార్జ్డ్ పెట్రోల్ ఇంజన్ 6-స్పీడ్ ఐఎంటి లేదా 7-స్పీడ్ డీసీటీ గేర్బాక్స్తో కనెక్ట్ అయ్యి ఉంటుంది. ఈ ఇంజిన్ గరిష్టంగా 118బిహెచ్పీ పవర్, 172ఎన్ఎం టార్క్ని ప్రొడ్యూస్ చేస్తుంది. సోనెట్ డీజిల్ వేరియంట్.. 114 బీహెచ్పీ పవర్, 250 ఎన్ఎం టార్క్ని జనరేట్ చేస్తుంది. ఇది 6-స్పీడ్ మాన్యువల్, 6-స్పీడ్ ఐఎంటి లేదా 6-స్పీడ్ ఆటోమేటిక్ ట్రాన్స్ మిషన్తో లభిస్తుంది.
ఇక మహీంద్రా ఎక్స్యూవీ300లో రెండు పెట్రోల్ ఇంజిన్లు, ఒక డీజిల్ ఇంజిన్ ఆప్షన్ ఉంటాయి. ఇందులోని 1.2 లీటర్ టర్బో పెట్రోల్ ఇంజిన్ గరిష్టంగా 108బీహెచ్పీ పవర్ని 200ఎన్ఎం టార్క్ని ప్రొడ్యూస్ చేస్తుంది. 1.2 లీటర్ టర్బోచార్జ్డ్ పెట్రోల్ ఇంజిన్ 128 బీహెచ్పీ పవర్ని, 250 ఎన్ఎం టార్క్ని ఉత్పత్తి చేస్తుంది. డీజిల్ వేరియంట్ 1.5 లీటర్ టర్బోఛార్జ్డ్ యూనిట్.. 115 బీహెచ్పీ పవర్, 300 ఎన్ఎమ్ టార్క్ను ఉత్పత్తి చేస్తుంది. ఎక్స్యూవీ 300 ఎస్యూవీలో 6-స్పీడ్ మ్యాన్యువల్ గేర్బాక్స్ , 6-స్పీడ్ ఏఎమ్టీ గేర్బాక్స్ ఆప్షన్స్ ఉన్నాయి.
కియా సోనెట్ వర్సెస్ మహీంద్రా ఎక్స్ యూవీ300: ఫీచర్స్..
ఎక్స్యూవీ300లో డ్యూయల్ జోన్ క్లైమేట్ కంట్రోల్, రెయిన్ సెన్సింగ్ వైపర్స్, ఆటోమేటిక్ హెడ్ ల్యాంప్స్, ఎలక్ట్రిక్ సన్రూఫ్ తదితర ఫీచర్లు ఉన్నాయి. భద్రత పరంగా, ఇది ఐసోఫిక్స్ చైల్డ్ సీట్ మౌంట్లు, ఏబీఎస్ విత్ ఈబీడీ, ఈఎస్పీ విత్ హిల్-హోల్డ్ అసిస్ట్తో పాటు అన్ని వేరియంట్లలో స్టాండర్డ్ త్రీ-పాయింట్ సీట్ బెల్ట్లు కలిగి ఉంది.
ఎక్స్యూవీ 300కి త్వరలోనే ఫేస్లిఫ్ట్ వర్షెన్ వస్తుందని సమాచారం. అప్డేటెడ్ మోడల్స్లో ఏడీఏఎస్ ఫీచర్లు, కొత్త భారీ ఇన్ఫోటైన్మెంట్ సిస్టమ్, డిజిటల్ ఇన్స్ట్రుమెంట్ క్లస్టర్, యాంబియంట్ లైటింగ్, వెంటిలేటెడ్ సీట్లు, 360 డిగ్రీల కెమెరాతో పాటు మరెన్నో ఫీచర్స్ ఉంటాయని తెలుస్తోంది.
Mahindra XUV300 on road price in Hyderabad : ఇక.. సోనెట్ లెవల్ 1 ఏడీఏఎస్ సహా కొత్త ఫీచర్లను ప్రవేశపెట్టింది. ఫార్వర్డ్ కొలిషన్ వార్నింగ్, లేన్ కీప్ అసిస్ట్, లేన్ డిపార్చర్ అసిస్ట్, డ్రైవర్ అటెన్షన్ వార్నింగ్, ఆటో హై బీమ్, లీడింగ్ వెహికల్ డిపార్చర్ అలర్ట్, ఫార్వర్డ్ కొలిషన్ అవాయిడెన్స్ అసిస్ట్లను కియా చేర్చింది. అదనంగా, కియా సోనెట్ వెనుక భాగంలో లైట్ బార్- సెల్టోస్లో కనిపించే మెరుగైన ఆల్-డిజిటల్ డ్రైవర్ డిస్ప్లేతో అప్డేట్ చేసింది.
కియా సోనెట్ వర్సెస్ మహీంద్రా ఎక్స్ యూవీ300: ధర
కియా సోనెట్ కాంపాక్ట్ ఎస్యూవీ ధర రూ.7.99 లక్షల నుంచి రూ.14.69 లక్షలు (ఎక్స్ షోరూమ్), మహీంద్రా ఎక్స్ యూవీ300 ధర రూ.7.99 లక్షల నుంచి రూ.13 లక్షల మధ్య (ఎక్స్ షోరూమ్) ఉంది.
రెండు ఎస్యూవీలు ఒకే ధరతో ప్రారంభమైనా.. సోనెట్ టాప్ ఎండ్ వేరియంట్ ధర ఎక్స్యూవీ 300 కంటే ఎక్కువగా ఉంది.