Seltos vs Creta vs Elevate : ఈ మూడు ఎస్​యూవీల్లో ఏది ఎక్కువ మైలేజ్​ ఇస్తుంది?

ఇండియా ఆటోమొబైల్​ మార్కెట్​లోని ఎస్​యూవీ సెగ్మెంట్​కి ఉన్న డిమాండ్​ గురించి ప్రత్యకంగా చెప్పుకోవాల్సిన అవసరం లేదు. అయితే కియా సెల్టోస్​, హ్యుందాయ్​ క్రేటా, కొత్తగా మార్కెట్​లోకి వచ్చిన హోండా ఎలివేట్​లకు మంచి ఆదరణ లభిస్తోంది. ఎస్​యూవీ కొనుగోలు చేయాలని భావిస్తున్న వారి లిస్ట్​లో ఈ మూడు వెహికిల్స్​ కచ్చితంగా ఉంటున్నాయి. ఫీచర్స్​ మాత్రమే కాదు మైలేజ్​కి ప్రాధాన్యత ఇచ్చేవారు సైతం ఈ మూడు ఎస్​యూవీలపై ఫోకస్​ చేస్తున్నారు. ఈ నేపథ్యంలో మైలేజ్​ పరంగా ఈ మూడు ఎస్​యూవీల్లో ఏది బెస్ట్​? ఏది కొంటే బెటర్​? అన్నది ఇక్కడ చూద్దాము..

కియా సెల్టోస్, హ్యుందాయ్ క్రెటా ఎస్​యూవీలు రెండూ పెట్రోల్, డీజిల్ ఇంజన్ ఆప్షన్లలో లభిస్తుండగా, హోండా ఎలివేట్ 1.5-లీటర్ 4 సిలిండర్​ నేచురల్ ఆస్పిరేటెడ్ పెట్రోల్ మోటార్​తో అందుబాటులో ఉంటుంది. ఈ ఇంజిన్​ని హోండా సిటీ నుంచి తీసుకోవడం జరిగింది. సెల్టోస్​, క్రేటాలు గతేడాది అప్​డేట్​ అయ్యాయి. హోండా ఎలివేట్​ చాలా కొత్త ఎస్​యూవీ.

కియా సెల్టోస్ వర్సెస్ హ్యుందాయ్ క్రెటా వర్సెస్ హోండా ఎలివేట్: ఇంజిన్​..

కియా సెల్టోస్ 1.5-లీటర్ పెట్రోల్ మోటార్​తో పాటు డీజిల్ ఇంజిన్​ని కలిగి ఉంది. ఇది 6-స్పీడ్ మేన్యువల్, సీవీటీ గేర్​బాక్స్​ ఆప్షన్స్​తో లభిస్తుంది. సెల్టోస్ గరిష్టంగా 113బీహెచ్​పీ పవర్, 144ఎన్ఎమ్ టార్క్​ను జనరేట్​ చేస్తుంది. హ్యుందాయ్ క్రెటాలోని 1.5-లీటర్ పెట్రోల్ ఇంజిన్ అదే పవర్​, టార్క్ గణాంకాలను ఉత్పత్తి చేస్తుంది. ఈ ఎస్​యూవీ ట్రాన్స్​మిషన్ ఆప్షన్స్​ కియా సెల్టోస్ మాదిరిగానే ఉంటాయి.

ఇదీ చూడండి:- Cars to launch in August: టాటా కర్వ్ నుంచి థార్ రాక్స్ వరకు.. ఈ ఆగస్టులో లాంచ్ అవుతున్న 8 కార్లు ఇవే..

హోండా ఎలివేట్ ఏకైక 1.5-లీటర్ పెట్రోల్ ఇంజిన్​తో వస్తుంది. ఇది 6-స్పీడ్ మేన్యువల్ గేర్​బాక్స్, సీవీటీ ట్రాన్స్​మిషన్ ఆప్షన్స్​తో లభిస్తుంది. 1.5-లీటర్ నేచురల్ ఆస్పిరేటెడ్ ఇంజిన్ 120 బీహెచ్​పీ పవర్​, 145 ఎన్ఎమ్ టార్క్​ను ఉత్పత్తి చేస్తుంది.

కియా సెల్టోస్ వర్సెస్ హ్యుందాయ్ క్రెటా వర్సెస్ హోండా ఎలివేట్: ఫ్యూయెల్ ఎకానమీ

కియా సెల్టోస్ పెట్రోల్ వేరియంట్ వివిధ ట్రాన్స్​మిషన్-అమర్చిన వేరియంట్లను బట్టి లీటరుకు 17.7 కిలోమీటర్ల నుంచి 17.9 కిలోమీటర్ల మధ్య మైలేజ్ ఇస్తుంది. హ్యుందాయ్ క్రెటా పెట్రోల్ మోడల్.. వేరియంట్లను బట్టి లీటరుకు 17.4 కిలోమీటర్ల నుంచి 18.4 కిలోమీటర్ల మైలేజ్ ఇస్తుంది. ఇక హోండా ఎలివేట్ ఎస్​యూవీ వివిధ వేరియంట్లను బట్టి లీటరుకు 15.31 కిలోమీటర్ల నుంచి 16.92 కిలోమీటర్ల మధ్య మైలేజ్ ఇస్తుంది.

అంటే.. మైలేజ్​ పరంగా కియా సెల్టోస్​ బెస్ట్​ అని స్పష్టమవుతోంది. ఆ తర్వాతి స్థానాల్లో హ్యుందాయ్​ క్రేటా, హోండా ఎలివేట్​లు ఉన్నాయి.

మరి ఈ మూడింట్లో మీరు ఏది బెస్ట్​ అనుకుంటున్నారు?

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్​లో అందుబాటులో ఉంది. ఆటోమొబైల్​ పరిశ్రమకు సంబంధించిన లేటెస్ట్​ అప్​డేట్స్​ తెలుసుకునేందుకు హెచ్​టీ తెలుగు వాట్సాప్​ ఛానెల్​ని ఫాలో అవ్వండి.