2024 Hyundai Creta: 2024 హ్యుందాయ్ క్రెటా విషయంలో మీరు తప్పక తెలుసుకోవాల్సిన విషయాలు ఇవి..-2024 hyundai creta 5 things you should know ,బిజినెస్ న్యూస్
తెలుగు న్యూస్  /  బిజినెస్  /  2024 Hyundai Creta: 2024 హ్యుందాయ్ క్రెటా విషయంలో మీరు తప్పక తెలుసుకోవాల్సిన విషయాలు ఇవి..

2024 Hyundai Creta: 2024 హ్యుందాయ్ క్రెటా విషయంలో మీరు తప్పక తెలుసుకోవాల్సిన విషయాలు ఇవి..

HT Telugu Desk HT Telugu
May 31, 2024 09:07 PM IST

2024 Hyundai Creta: భారతదేశంలో ఎస్ యూవీలకు క్రేజ్ తీసుకువచ్చిన మోడల్స్ లో హ్యుందాయ్ క్రెటా ఒకటి. హ్యుందాయ్ నుంచి వచ్చిన అత్యంత సక్సెస్ ఫుల్ మోడల్స్ లో ఇది ఒకటి. లేటెస్ట్ గా, క్రెటా 2024 మోడల్ ను హ్యుందాయ్ మార్కెట్లోకి తీసుకు వచ్చింది. 2024 హ్యుందాయ్ క్రెటా మూడు ఇంజన్ ఆప్షన్లలో లభిస్తుంది.

2024 హ్యుందాయ్ క్రెటా
2024 హ్యుందాయ్ క్రెటా (HT Auto/Sabyasacha Dasgupta)

2024 Hyundai Creta: హ్యుందాయ్ మోటార్ ఇండియా లిమిటెడ్ భారత మార్కెట్లో 2024 మోడల్ క్రెటా ఫేస్ లిఫ్ట్ ను లాంచ్ చేసింది. ఈ మిడ్ సైజ్ ఎస్ యూవీకి కేవలం మూడు నెలల్లోనే లక్షకు పైగా బుకింగ్స్ వచ్చాయి. హ్యుందాయ్ క్రెటా ఎల్లప్పుడూ భారత మార్కెట్లో అత్యధికంగా అమ్ముడవుతున్న ఎస్యూవీలలో ఒకటిగా ఉంటుంది.

2024 హ్యుందాయ్ క్రెటా: రివైజ్డ్ ఎక్స్టీరియర్

అవుట్ గోయింగ్ క్రెటా డిజైన్ కొంచెం పోలరైజ్ గా ఉంది. కొత్తది మరింత చతురస్రాకారంగా ఉండటం వల్ల ఇది మరింత రగ్గ్ డ్ గా కనిపిస్తుంది. రోడ్ పై దీని లుక్ మరింత డైనమిక్ గా ఉంటుంది. 2024 మోడల్ క్రెటాలో ఎల్ఈడీ హెడ్ ల్యాంప్స్ తో పాటు కొత్త డీఆర్ఎల్ఎస్, ముందు భాగంలో లైట్ బార్ ఉన్నాయి. వెనుక భాగంలో లైట్ బార్ ద్వారా ఎల్ఈడి టెయిల్ ల్యాంప్స్ ను కనెక్ట్ చేశారు. ఈ రీ డిజైన్ క్రెటా 2024 మోడల్ ను మరింత ఆకర్షణీయంగా మార్చింది.

2024 హ్యుందాయ్ క్రెటా: పునరుద్ధరించిన ఇంటీరియర్

2024 హ్యుందాయ్ (Hyundai) క్రెటా ఇంటీరియర్ ఇప్పుడు పూర్తిగా కొత్త డ్యూయల్-టోన్ థీమ్ లో కనిపిస్తుంది. దీనివల్ల ఇంటీరియర్ కు లగ్జరీ లుక్ వచ్చింది. 2024 హ్యుందాయ్ క్రెటా (2024 Hyundai Creta) లో ఇన్ స్ట్రుమెంట్ క్లస్టర్, ఇన్ఫోటైన్ మెంట్ సిస్టమ్ ను ఇంటిగ్రేట్ చేసే కొత్త డ్యాష్ బోర్డ్ లే అవుట్ ను ఏర్పాటు చేశారు. 2024 హ్యుందాయ్ క్రెటాలో కూడా బూట్ వాల్యూమ్ 433 లీటర్లుగా కొనసాగించారు. వెనుక సీటులో ముగ్గురు కంఫర్టబుల్ గా కూర్చోవచ్చు. కానీ మధ్య సీట్ కు హెడ్ రెస్ట్ లేకపోవడం కొంత ఇబ్బందికరంగా ఉంటుంది.

2024 హ్యుందాయ్ క్రెటా: భద్రతా ఫీచర్లు

2024 హ్యుందాయ్ క్రెటా (2024 Hyundai Creta) లో ఏడీఏఎస్, ఆరు ఎయిర్ బ్యాగులు, బ్లైండ్ వ్యూ మానిటర్, 360 డిగ్రీల కెమెరా, టైర్ ప్రెజర్ మానిటరింగ్ సిస్టమ్, ఆటో హోల్డ్ తో ఎలక్ట్రానిక్ పార్కింగ్ బ్రేక్, హిల్ హోల్డ్ కంట్రోల్, స్టెబిలిటీ కంట్రోల్, ఎమర్జెన్సీ స్టాప్ సిగ్నల్ వంటి ఎన్నో భద్రతా ఫీచర్స్ ఉన్నాయి.

2024 హ్యుందాయ్ క్రెటా: ఇంజన్, ట్రాన్స్ మిషన్ ఎంపికలు

2024 హ్యుందాయ్ క్రెటా మూడు ఇంజన్ ఆప్షన్స్ తో లభిస్తుంది. అవి న్యాచురల్ ఆస్పిరేటెడ్ పెట్రోల్ ఇంజన్, టర్బోచార్జ్డ్ పెట్రోల్ ఇంజన్, డీజిల్ ఇంజన్ ఉన్నాయి. ఈ మూడింటి సామర్థ్యం 1.5 లీటర్లు. 2024 హ్యుందాయ్ క్రెటా 6-స్పీడ్ మాన్యువల్, ఐవీటీ (ఇంటెలిజెంట్ వేరియబుల్ ట్రాన్స్మిషన్), ఏడు-స్పీడ్ డీసీటీ (డ్యూయల్ క్లచ్ ట్రాన్స్మిషన్), 6-స్పీడ్ టార్క్ కన్వర్టర్ ఆటోమేటిక్ ట్రాన్స్మిషన్ తో వస్తుంది.

2024 హ్యుందాయ్ క్రెటా: ప్రత్యర్థులు

2024 హ్యుందాయ్ క్రెటాకు భారత మార్కెట్లో కియా సెల్టోస్, ఫోక్స్ వ్యాగన్ టైగన్, స్కోడా కుషాక్, మారుతి సుజుకి గ్రాండ్ విటారా, టయోటా అర్బన్ క్రూయిజర్ హైరైడర్, మహీంద్రా ఎక్స్యూవీ 700 లు ప్రత్యర్థులుగా ఉన్నాయి.

2024 హ్యుందాయ్ క్రెటా: ధర, వేరియంట్లు

2024 హ్యుందాయ్ క్రెటా ఏడు వేరియంట్లలో లభిస్తుంది. అవి ఈ, ఈఎక్స్, ఎస్, ఎస్(ఓ), ఎస్ఎక్స్, ఎస్ఎక్స్ టెక్, ఎస్ఎక్స్(ఓ) వేరియంట్లు. వీటి ధర రూ.11 లక్షల నుంచి ప్రారంభమై రూ.20.15 లక్షల వరకు ఉంటుంది. హ్యుందాయ్ క్రెటా ఎన్ లైన్ వెర్షన్ కూడా ఉంది. ఇది ఎన్ 8, ఎన్ 10 అనే రెండు వేరియంట్లలో మాత్రమే లభిస్తుంది. క్రెటా ఎన్ లైన్ ధర రూ .16.82 లక్షల నుండి రూ .20.45 లక్షల మధ్య ఉంటుంది. ఇక్కడ పేర్కొన్న అన్ని ధరలు ఎక్స్-షోరూమ్.

WhatsApp channel