Exter vs Punch vs Fronx : ఈ మూడింట్లో.. అధిక మైలేజ్​ ఇచ్చే సీఎన్జీ ఎస్​యూవీ ఏది?

దేశంలో సీఎన్జీ సెగ్మెంట్​కి డిమాండ్​ రోజురోజుకు పెరుగుతోంది. ఫలితంగా వినియోగదారులకు మంచి ఆప్షన్స్​ కూడా లభిస్తున్నాయి. హ్యుందాయ్​ ఎక్స్​టర్​ సీఎన్జీ, మారుతీ సుజుకీ ఫ్రాంక్స్​ సీఎన్జీ, టాటా పంచ్​ సీఎన్జీలకు ఆదరణ లభిస్తోంది. ఈ నేపథ్యంలో ఈ మూడింటినీ పోల్చి, మైలేజ్​ పరంగా ఏది బెస్ట్​? అనేది ఇక్కడ తెలుసుకుందాము..

హ్యుందాయ్ ఎక్స్​టర్​ సీఎన్జీ: ఇంజిన్, మైలేజ్

హ్యుందాయ్ ఎక్స్​టర్​ ఎస్​యూవీలో మొదటిసారిగా డ్యూయెల్ సిలిండర్ టెక్నాలజీని ప్రవేశపెట్టింది సంస్థ. అన్ని ఇతర హ్యుందాయ్ సీఎన్జీ కార్లలో సింగిల్ సిలిండర్లే ఉన్నాయి. మాన్యువల్ లేదా ఆటోమేటిక్ గేర్ బాక్స్​తో కనెక్ట్​ చేసిన అన్ని వేరియంట్లలో ఈ ఎస్​యూవీ 1.2-లీటర్ పెట్రోల్ ఇంజిన్​తో పనిచేస్తుంది. ఎక్స్​టర్​ సీఎన్జీ వెర్షన్లు బై-ఫ్యూయల్ (పెట్రోల్ విత్ సిఎన్జి) ఇంజిన్​ని 5-స్పీడ్ మాన్యువల్ ట్రాన్స్​మిషన్​తో కనెక్ట్​ చేస్తాయి. ఈ ఇంజిన్ గరిష్టంగా 68బిహెచ్​పీ పవర్, 95ఎన్ఎమ్ గరిష్ట టార్క్​ని జనరేట్​ చేస్తుంది. ఇది 82 బిహెచ్​పీ / 113 ఎన్ఎమ్ పెట్రోల్-ఓన్లీ వెర్షన్ల కంటే తక్కువ శక్తివంతమైనది.

మైలేజ్ పరంగా, హ్యుందాయ్ ఎక్స్​టర్​ సీఎన్జీ ఎస్​యూవీ ఎఆర్ఎఐ గణాంకాల ప్రకారం కిలోకు 27.1 కిలోమీటర్ల మైలేజ్ ఇవ్వగలదు. ఎస్ యూవీ పెట్రోల్ మాన్యువల్ వేరియంట్ లీటరుకు 19.4 కిలోమీటర్లు, ఆటోమేటిక్ వెర్షన్ 19.2 కిలోమీటర్ల మైలేజ్ ఇస్తుంది.

మారుతీ ఫ్రాంక్స్ సీఎన్జీ: ఇంజిన్, మైలేజ్

ఎక్స్​టర్​ మాదిరిగా కాకుండా, మారుతి సుజుకి ఫ్రాంక్స్ ఎస్​యూవీని రెండు ఇంజిన్ ఆప్షన్స్​తో అందిస్తుంది. ఎస్​యూవీ సీఎన్జీ వెర్షన్ 1.2-లీటర్ పెట్రోల్ ఇంజిన్​తో పనిచేస్తుంది. ఇది 5-స్పీడ్ మాన్యువల్ లేదా ఏఎమ్​టి గేర్ బాక్స్​తో జతచేయబడి ఉంటుంది. సీఎన్జీ వేరియంట్ కోసం, మారుతీ బై-ఫ్యూయల్ ఇంజిన్​తో కనెక్ట్​ చేసిన మాన్యువల్ ట్రాన్స్​మిషన్​ మాత్రమే అందిస్తుంది. ఫ్రాంక్స్ సీఎన్జీ 76 బిహెచ్​పీ పవర్​ని, 98 ఎన్ఎమ్ గరిష్ట టార్క్​ని ఉత్పత్తి చేయగలదు. ఇది ఎక్స్​టర్​ కంటే ఎక్కువ శక్తివంతమైనది.

మారుతి ఫ్రాంక్స్ సీఎన్జీ ఎక్స్​టర్​ సీఎన్జీ కంటే ఎక్కువ ఇంధన సామర్థ్యాన్ని కలిగి ఉంది. ఇది కిలోకు 28.51 కిలోమీటర్ల మైలేజ్ ఇస్తుంది. పెట్రోల్ ఓన్లీ వెర్షన్ మాన్యువల్ వేరియంట్లలో 21.79 కిలోమీటర్లు, ఆటోమేటిక్ వేరియంట్లలో 22.89 కిలోమీటర్ల మైలేజీని అందిస్తుంది.

టాటా పంచ్ సిఎన్జీ: ఇంజిన్, మైలేజ్

టాటా అతిచిన్న ఎస్​యూవీ పంచ్, ప్రస్తుతం అమ్మకాల పరంగా భారతదేశంలోని అన్ని కార్లలో అగ్రస్థానంలో ఉంది. ఈ ఎస్​యూవీలో 1.2-లీటర్ పెట్రోల్ ఇంజిన్ కలదు. ఇది మాన్యువల్, ఆటోమేటిక్ ట్రాన్స్​మిషన్​లతో కనెక్ట్​ చేసి ఉంటుంది. 2023లో ఆల్ట్రోజ్ హ్యాచ్​బ్యాక్​లో టాటా మోటార్స్ మొదటిసారి మార్కెట్లో ప్రవేశపెట్టిన డ్యూయెల్ సిలిండర్ టెక్నాలజీని కూడా ఇది అందిస్తుంది. మ్యాన్యువల్ గేర్ బాక్స్ ఆప్షన్​తో మాత్రమే లభించే పంచ్ సీఎన్జీ 72బిహెచ్​పీ పవర్, 103ఎన్ఎమ్ గరిష్ట టార్క్​ను ఉత్పత్తి చేస్తుంది.

టాటా పంచ్ సీఎన్జీ మూడు ప్రత్యర్థుల కంటే తక్కువ మైలేజీని అందిస్తుంది. ఈ ఎస్​యూవీ ఏఆర్ఏఐ సర్టిఫైడ్ ఇంధన సామర్థ్యం కిలోకు 26.9 కిలోమీటర్లు. ఇది ఎక్స్​టర్​ సీఎన్జీ కంటే కొద్దిగా తక్కువ. పెట్రోల్-ఓన్లీ వెర్షన్ల మైలేజ్ లీటరుకు 19 కిలోమీటర్ల నుంచి 20 కిలోమీటర్ల మధ్య ఉంటుంది.