WhatsApp : మీ పడకగదిలోని మాటలను వాట్సాప్​ వింటోందట.. నిజమేనా?

WhatsApp microphone usage : సోషల్​ మీడియా దిగ్గజం వాట్సాప్​ లేకుండా ఒక్క రోజు కూడా గడవదు! మెసేజింగ్​, ఆడియో- వీడియో.. ఇలా అన్నింటికీ ఈ ఫేస్​బుక్​ (మెటా) ఆధారిత యాప్​ను వాడుతుంటాము. అయితే.. 'ప్రైవసీ' విషయంలో వాట్సాప్​పై అనేక ఆరోపణలు కూడా వస్తున్నాయి. ఈ ఆరోపణల జాబితాలో తాజాగా మరొకటి చేరింది. 'మీ పడకగది మాటలను వాట్సాప్​ వింటోంది.. జాగ్రత్త!' అంటూ పలువురు ఆరోపిస్తున్నారు!

నిద్రపోతున్నప్పుడు కూడా..!

వాట్సాప్​ మైక్రోఫోన్స్​పై వివాదం కొనసాగుతోంది. యూజర్లు నిద్రపోతున్నప్పుడు కూడా ఇవి యాక్టివ్​గా ఉంటున్నాయని పలువురు ఆరోపిస్తున్నారు. అపర కుబేరుడు ఎలాన్​ మస్క్​, భారత ఐటీశాఖ మంత్రి రాజీవ్​ చంద్రకేశేఖర్​లు సైతం ఇదే విధంగా స్పందిస్తున్నారు. "వాట్సాప్​ను అస్సలు నమ్మలేము," అని ఎలాన్​ మస్క్​ అన్నారు. వాట్సాప్​పై వచ్చిన ఆరోపణలను విచారిస్తున్నామని రాజీవ్​ స్పష్టం చేశారు.

WhatsApp microphone bug : యూజర్లకు సంబంధించిన అనేక ప్రైవసీ విషయాలు వాట్సాప్​ వద్ద ఉంటాయి. యాప్​నకు పర్మీషన్స్​ ఇస్తుండటంతో.. కాంటాక్ట్స్​, లొకేషన్​, మైక్రోఫోన్​, ఫొటోలు, వీడియోలు, కాల్​ లాగ్స్​, ఎస్​ఎంఎస్​లు, కెమెరాలపై వాట్సాప్​కు పట్టు లభిస్తోంది. ఈ స్థాయిలో యాక్సెస్​ లభిస్తుండటంతో ప్రజల ప్రైవసీకి ముప్పు ఉంటుందని పులువురు చెబుతున్నారు.

ట్విట్టర్​ ఇంజినీర్​ ఫోడ్​ డబిరి ప్రకారం.. యూజర్లు పడుకున్నప్పుడు, మెలుకుని ఉన్నప్పుడు యాప్​ను వాడకపోయినా ఆడియో రికార్డ్​ అవుతోంది.

WhatsApp latest news : "మైక్రోఫోన్​ను బ్యాక్​గ్రౌండ్​లో వాడుతోంది వాట్సాప్​. నేను పడుకున్నప్పుడు, లేచినప్పుడు కూడా రికార్డు చేస్తోంది. అసలేం జరుగుతోంది?" అని ఫోడ్​ డబిరి ట్వీట్​ చేశారు.

ఫోడ్​ ట్వీట్​ను ఎలాన్​ మస్క్​ రీ ట్వీట్​ చేస్తూ.. వాట్సాప్​పై తన అంసతృప్తిని వ్యక్తం చేశారు. వాట్సాప్​ను నమ్మలేమన్నారు.

ఈ ఆరోపణల్లో నిజమెంత..?

ఈ విషయంపై వాట్సాప్​ స్పందించింది. ఈ ఆరోపణల్లో నిజం లేదని కొట్టిపారేసింది. ఈ తరహా ఇబ్బందులు.. ఫోన్​పై ఆధారపడి ఉంటాయని పేర్కొంది. పిక్సెల్​ ఫోన్​లో ఆడియో బాక్​గ్రౌండ్​లో రికార్డ్​ అవుతోందని వివరించింది.

WhatsApp new features : "వాట్సాప్​పై ఆరోపణలు చేసిన ట్విట్టర్​ ఇంజినీర్​ను మేము కాంటాక్ట్​ అయ్యాము. పిక్సెల్​ ఫోన్​ వాడి ఆయన ట్వీట్​ చేశారు. పిక్సెల్​ ఫోన్​లో బగ్​ ఉందని మేము విశ్వసిస్తున్నాము. ప్రైవసీ డాష్​బోర్డ్​ను మైక్రోఫోన్​గా భావిస్తోంది ఈ గ్యాడ్జెట్​. దీనిని ఫిక్స్​ చేయాలని గూగుల్​కు చెప్పాము," అని వాట్సాప్​ ట్వీట్​ చేసింది.

"ఆండ్రాయిడ్​కు సంబంధించిన బగ్​ ఇది. వాట్సాప్​తో సంబంధం లేదు. గూగుల్​ను ఫిక్స్​ చేయామని చెప్పాము. మీ కాల్స్​, వాయిస్​ నోట్స్​కు పూర్తిస్థాయిలో రక్షణ ఉంది," అని మెటా డైరక్టర్- ఇండియా పబ్లిక్​ పాలసీ హెడ్​ శివ్​నాథ్​ థుక్రల్​ స్పష్టం చేశారు.

మైక్​ సెట్టింగ్స్​పై వాట్సాప్​ యూజర్లకు పూర్తి నియంత్రణ ఉంటుందని ఎఫ్​బీ ఆధారిత సంస్థ స్పష్టం చేసింది. కాల్​, రికార్డింగ్​, వీడియో సందర్భాల్లోనే మైక్​కు యాక్సెస్​ లభిస్తుందని తెలిపింది. పైగా.. ఈ సంభాషణలకు ఎండ్​ టు ఎండ్​ ఎన్క్రిప్షన్​ సదుపాయం కూడా ఉందని గుర్తుచేసింది.