iQOO 12 launch : ఇంకొన్ని రోజుల్లో ఐకూ 12 లాంచ్​.. ఫీచర్స్​, ధర వివరాలివే!

iQOO 12 launch in India : ఐకూ సంస్థ నుంచి సరికొత్త ఫ్లాగ్​షిప్​ స్మార్ట్​ఫోన్​ లాంచ్​కు సిద్ధమవుతోంది. దీని పేరు ఐకూ 12. ఈ మోడల్​.. డిసెంబర్​ 12న ఇండియాలో అడుగుపెడుతుంది. ఈ నేపథ్యంలో.. ఐకూ 12 ఫీచర్స్​, ధరపై ఇప్పటివరకు ఉన్న వివరాలను ఇక్కడ తెలుసుకుందాము..

ఐకూ 12 ఫీచర్స్​ ఇవే..!

ఐకూ 12 స్మార్ట్​ఫోన్​లో 144 హెచ్​జెడ్​ రిఫ్రెష్​ రేట్​తో కూడిన 6.78 ఇంచ్​ 1.5కే ఎల్​టీపీఓ అమోలెడ్​ డిస్​ప్లే ఉండనుంది. 3000 నిట్స్​ పీక్​ బ్రైట్​నెస్​ ఉంటుంది. ఆండ్రాయిడ్​ 14 ఆధారిత ఫన్​టచ్​ఓస్​ సాఫ్ట్​వేర్​పై ఈ మొబైల్​ పనిచేస్తుంది. గూగుల్​ పిక్సెల్​ లైనప్​ కాకుండా.. ఆండ్రాయిడ్​ 14 వాడుతున్న తొలి స్మార్ట్​ఫోన్​ ఈ ఐకూ 12 కావడం విశేషం.

iQOO 12 price in India : ఇక ఈ గ్యాడ్జెట్​లో స్నాప్​డ్రాగన్​ 8 జెన్​ 3 ఎస్​ఓసీ ప్రాసెసర్​ ఉండనుంది. ఇండియాలో ఈ స్పెసిఫికేషన్​తో లాంచ్​ అవుతున్న తొలి గ్యాడ్జెట్​ ఇదే! షావోమీ 14, వన్​ప్లస్​ 12లో కూడా ఇదే చిప్​సెట్​ ఉన్నా.. అవి ఇంకా ఇండియాలోకి రాలేదు.

ఇక ఐకూ 12లో 50ఎంపీ ప్రైమరీతో కూడిన ట్రిపుల్​ రేర్​ కెమెరా ఉండనుంది. సెల్ఫీ వీడియో కాల్స్​ కోసం 16ఎంపీ ఫ్రెంట్​ కెమెరా వస్తోంది. 5,000ఎంఏహెచ్​ బ్యాటరీ, 120వాట్​ ఫాస్ట్​ ఛార్జర్​, 50వాట్​ వయర్​లెస్​ ఛార్జింగ్​, 100వాట్​ రివర్స్​ వయర్​లెస్​ ఛార్జింగ్​ సపోర్ట్​ ఈ మొబైల్​కి లభిస్తుంది.

ఈ స్మార్ట్​ఫోన్​ ధర ఎంతంటే..!

iQOO 12 features : అమెరిజాలో.. ఈ ఐకూ 12 స్మార్ట్​ఫోన్​ ఇప్పటికే లిస్ట్​ అయ్యింది. 12జీబీ ర్యామ్​- 256జీబీ స్టోరేజ్​ వేరియంట్​ ధర రూ. 52,999గా ఉంది. ఇక 16జీబీ ర్యామ్​- 512జీబీ స్టోరేజ్​ ధర రూ. 57,999గా ఉంది. అయితే.. ఈ మొబైల్​ ధరలపై క్లారిటీ రావాల్సి ఉంది. త్వరలోనే ఈ విషయంపై ఓ స్పష్టత వస్తుంది.

ఐకూ జెడ్​7 ప్రో ఫీచర్స్​ చూశారా..?

ఇండియా స్మార్ట్​ఫోన్​ మార్కెట్​లోకి ఇటీవలే ఓ మిడ్​-రేజ్​ మొబైల్​ను లాంచ్​ చేసింది ఐకూ సంస్థ. ఈ గ్యాడ్జెట్​ పేరు ఐకూ జెడ్​7 ప్రో. ఐకూ జెడ్​7 ప్రోలో అట్రాక్టివ్​ డిజైన్​ ఉంటుంది. 120 హెచ్​జెడ్​ రిఫ్రెష్​ రేట్​తో కూడిన 6.78 ఇంచ్​ అమోలెడ్​ డిస్​ప్లే ఉంటుంది. మీడియాటెక్​ డైమెన్సిటీ 7200 ప్రాసెసర్​ దీని సొంతం. 8జీబీ ర్యామ్​- 128జీబీ స్టోరేజ్​, 8జీబీ ర్యామ్​- 256జీబీ స్టోరేజ్​ వేరియంట్స్​ ఉంటాయి. పూర్తి వివరాల కోసం ఇక్కడ క్లిక్​ చేయండి.