iQOO Z8 : త్వరలోనే ఐకూ జెడ్​8 సిరీస్​ లాంచ్​.. ఫీచర్స్​ లీక్​!

iQOO Z8 : ఐకూ నుంచి రానున్న జెడ్​8 స్మార్ట్​ఫోన్​ సిరీస్​పై బజ్​ నెలకొంది. ఇందులో ఐకూ జెడ్​8, జె8 ఎక్స్​ వంటి మోడల్స్​ ఉంటాయని వార్తలు వినిపిస్తున్నాయి. ఈ నేపథ్యంలో ఈ మొబైల్​ చుట్టూ పలు లీక్స్​ కూడా బయటకు వచ్చాయి. ఆ వివరాలపై ఇప్పుడు ఓ లుక్కేద్దాము..

స్మార్ట్​ఫోన్​ ఫీచర్స్​ ఇవేనా..?

ఈ ఐకూ జెడ్​8 సిరీస్​.. ఈ నెలలో లాంచ్​ అవుతుందని గత కొంతకాలంగా రూమర్స్​ వచ్చాయి. అయితే.. ఈ మోడల్​ లాంచ్​కి సంబంధించి తాజాగా ఓ వార్త బయటకొచ్చింది. చైనాలో సెప్టెంబర్​ తొలినాళ్లల్లో ఈ జెడ్​8 సిరీస్​ లాంచ్​ అవుతుందని తెలుస్తోంది. ఇందులోని టాప్​ ఎండ్​ వర్షెన్​లో 12జీబీ ర్యామ్​- 512 జీబీ స్టోరేజ్​ ఉంటుందని సమాచారం. ఈ ఏడాది తొలినాళ్లల్లో చైనాలో లాంచ్​ అయిన ఐకూ జెడ్​7 స్మార్ట్​ఫోన్​లో 12జీబీ ర్యామ్​- 256జీబీ స్టోరేజ్​ మాత్రమే ఉండటం గమనార్హం.

ప్రముఖ టిప్​స్టర్స్​ ప్రకారం.. ఈ జెడ్​8లోని గ్యాడ్జెట్స్​ మూడు రంగుల్లో అందుబాటులో ఉంటాయి. అవి.. బ్లాక్​, బ్లూ, ఐల్​ ఆఫ్​ మ్యాన్​ (గ్రీన్​). జెడ్​7 సిరీస్​లోని ఆరెంజ్​ కలరను ఈ మూడో రంగు రిప్లేస్​ చేసే సూచనలు కనిపిస్తున్నాయి.

ఇదీ చూడండి:- Xiaomi Mix Fold 3 : షావోమీ మిక్స్​ ఫోల్డ్​ 3 లాంచ్​.. ధర, ఫీచర్స్​ ఇవే!

iQOO Z8 release date : పలు నివేదికల ప్రకారం.. ఈ డివైజ్​లో 6.64 ఇంచ్​ ఐపీఎస్​ ఎల్​సీడీ ప్యానెల్​ ఉంటుంది. 120హెచ్​జెడ్​ రిఫ్రెష్​ రేట్​, ఫుల్​ హెచ్​డీ ప్లస్​ రిసొల్యూషన్​ దీని సొంతం. సైడ్​ ఫేసింగ్​ ఫింగర్​ప్రింట్​ స్కానర్​ ఇందులో ఉండనుంది. ఆరిజిన్​ఓఎస్​ 3.0 ఆధారిత ఆండ్రాయిడ్​ 13 సాఫ్ట్​వేర్​పై ఇది పనిచేస్తుంది.

ఈ మొబైల్​లో డైమెన్సిటీ 8200 చిప్​సెట్​ ఉంటుందని ఊహాగానాలు ఉన్నాయి. ఇందులో 5000ఎంఏహెచ్​ బ్యాటరీ, 120వాట్​ ఫాస్ట్​ ఛార్జింగ్​ సపోర్ట్​ వంటివి ఉంటాయి. ఫొటోగ్రఫీ కోసం 64ఎంపీతో కూడిన రేర్​ కెమెరా లభించొచ్చు. ఫ్రెంట్​ కెమెరాపై క్లారిటీ లేదు.

iQOO Z8 price : ఐకూ జెడ్​8 సిరీస్​పై ప్రజల్లో ఆసక్తి నెలకొంది. అయితే.. ఈ మోడల్​కు సంబంధించిన ఇతర ఫీచర్స్​, ధర, లాంచ్​ డేట్​ వంటి అంశాలపై ప్రస్తుతం క్లారిటీ లేదు. త్వరలోనే వీటికి సంబంధించి, సంస్థ ఓ ప్రకటన చేసే అవకాశం లేకపోలేదు!