iQOO Z7 Pro : ఐకూ జెడ్​7 ప్రో లాంచ్​.. ధర ఎంతంటే!

iQOO Z7 Pro : ఇండియా స్మార్ట్​ఫోన్​ మార్కెట్​లోకి మరో మిడ్​-రేజ్​ మొబైల్​ను లాంచ్​ చేసింది ఐకూ సంస్థ. ఈ గ్యాడ్జెట్​ పేరు ఐకూ జెడ్​7 ప్రో. ఈ మోడల్​ ధర, వివరాలను ఇక్కడ తెలుసుకుందాము..

కొత్త స్మార్ట్​ఫోన్​ ఫీచర్స్​ ఇవే..

ఐకూ జెడ్​7 ప్రోలో అట్రాక్టివ్​ డిజైన్​ ఉంటుంది. 120 హెచ్​జెడ్​ రిఫ్రెష్​ రేట్​తో కూడిన 6.78 ఇంచ్​ అమోలెడ్​ డిస్​ప్లే ఉంటుంది. మీడియాటెక్​ డైమెన్సిటీ 7200 ప్రాసెసర్​ దీని సొంతం. 8జీబీ ర్యామ్​- 128జీబీ స్టోరేజ్​, 8జీబీ ర్యామ్​- 256జీబీ స్టోరేజ్​ వేరియంట్స్​ ఉంటాయి.

iQOO Z7 Pro price India : ఫొటోల కోసం రేర్​లో 64ఎంపీ ప్రైమరీ, 2ఎంపీ డెప్త్​ సెన్సార్ కెమెరా సెటప్​ వస్తోంది. ఇక సెల్ఫీ, వీడియో కాల్స్​ కోసం 16 ఎంపీ కెమెరా లభిస్తోంది. ఆడ్రాయిడ్​ 13 ఆధారిత ఫన్​టచ్​ ఓఎస్​ 13పై ఈ మోడల్​ పనిచేస్తుంది.

ఈ ఐకూ జెడ్​7 ప్రోలో వై-ఫై 6, బ్లూటూత్​ 5.3 వంటి కనెక్టివిటీ ఫీచర్స్​ ఉన్నాయి. 4,600ఎంఏహెచ్​ బ్యాటరీ, 66వాట్​ ఫాస్ట్​ ఛార్జర్​ వంటివి లభిస్తున్నాయి. సెక్యూరిటీ కోసం ఇన్​-డిస్​ప్లే ఫింగర్​ప్రింట్​ స్కానర్​ వస్తోంది.

ఈ స్మార్ట్​ఫోన్​ ధర ఎంత?

iQOO Z7 Pro features : ఐకూ జెడ్​7 ప్రో 8జీబీ ర్యామ్​- 128జీబీ స్టోరేజ్​ వేరియంట్​ ధర రూ. 23,999. 8జీబీ ర్యామ్​- 256జీబీ స్టోరేజ్​ వేరియంట్​ ధర రూ. 24,999. ఈ ఫోన్​.. ఈ నెల 5న మధ్యాహ్నం 12 గంటలకు సేల్​కు వెళ్లనుంది. సంస్థ అధికారిక వెబ్​సైట్​తో పాటు అమెజాన్​లో ఈ మోడల్​ను కొనుగోలు చేసుకోవచ్చు. బ్లూ లగూన్​ కలర్​ ఆప్షన్​లో వస్తోంది.

ఈ ఐకూ జెడ్​7 ప్రో.. వన్​ప్లస్​ నార్డ్​ సీఈ 3, గూగుల్​ పిక్సెల్​ 6ఏకు గట్టిపోటీనిస్తుందని మార్కెట్​లో అంచనాలు ఉన్నాయి.

త్వరలోనే ఐకూ జెడ్​8 సిరీస్..?

iQOO Z8 series : ఐకూ నుంచి రానున్న జెడ్​8 స్మార్ట్​ఫోన్​ సిరీస్​పై బజ్​ నెలకొంది. ఇందులో ఐకూ జెడ్​8, జె8 ఎక్స్​ వంటి మోడల్స్​ ఉంటాయని వార్తలు వినిపిస్తున్నాయి. ఈ నేపథ్యంలో ఈ మొబైల్​ చుట్టూ పలు లీక్స్​ కూడా బయటకు వచ్చాయి. ఇందులోని టాప్​ ఎండ్​ వర్షెన్​లో 12జీబీ ర్యామ్​- 512 జీబీ స్టోరేజ్​ ఉంటుందని సమాచారం. ఈ జెడ్​8లోని గ్యాడ్జెట్స్​ మూడు రంగుల్లో అందుబాటులో ఉంటాయి. అవి.. బ్లాక్​, బ్లూ, ఐల్​ ఆఫ్​ మ్యాన్​ (గ్రీన్​). పూర్తి వివరాల కోసం ఇక్కడ క్లిక్​ చేయండి.