Vivo X Fold 4: వివో ఎక్స్ ఫోల్డ్ 4 కీలక స్పెసిఫికేషన్లు లీక్; లాంచ్ ఎప్పుడంటే?

Vivo X Fold 4: ఈ ఏడాది ప్రారంభంలో ఎక్స్ ఫోల్డ్ 3. ఎక్స్ ఫోల్డ్ 3 ప్రోలను వివో లాంచ్ చేసింది. ఇప్పుడు వివో తన ఫోల్డబుల్ లైనప్ లోకి మరో కొత్త స్మార్ట్ ఫోన్ ను తీసుకువస్తోంది. ఈ వివో ఎక్స్ ఫోల్డ్ 4 కు సంబంధించిన వివరాలు క్రమంగా బయటకు వస్తున్నాయి. విశ్వసనీయ టిప్ స్టర్ డిజిటల్ చాట్ స్టేషన్ (DCS) లేటెస్ట్ ఈ వివో ఎక్స్ ఫోల్డ్ 4 కు సంబంధించిన ముఖ్యమైన స్పెసిఫికేషన్లను లీక్ చేశాడు.

వివో ఎక్స్ ఫోల్డ్ 4: స్పెసిఫికేషన్స్ అండ్ ఫీచర్స్ (పుకార్లు)

ప్రముఖ టిప్ స్టర్ డిజిటల్ చాట్ స్టేషన్ (వీబో ద్వారా) వెల్లడించిన తాజా లీక్ ల ప్రకారం.. వివో ఎక్స్ ఫోల్డ్ 4 డిజైన్ లో గణనీయమైన అప్ గ్రేడ్ ఉంటుంది. అదనంగా, ఇందులో 6,000 ఎంఏహెచ్ బ్యాటరీ ఉంటుంది. వైర్లెస్ ఛార్జింగ్ ఫెసిలిటీ ఉంటుంది. ఈ ఫోల్డబుల్ స్మార్ట్ ఫోన్ ఐపీఎక్స్ 8 వాటర్ రెసిస్టెన్స్ ను కూడా కలిగి ఉంటుంది. భద్రత కోసం, ఎక్స్ ఫోల్డ్ 4 డ్యూయల్ అల్ట్రాసోనిక్ ఫింగర్ ప్రింట్ సెన్సార్లను ఇంటిగ్రేట్ చేస్తుంది. ఈ సెన్సార్లలో ఒకటి ఫ్రంట్ డిస్ప్లేలో, మరొకటి ఫోల్డబుల్ స్క్రీన్ పై ఉంటుంది. వివో ఎక్స్ ఫోల్డ్ 3 ప్రో లో కూడా ఫింగర్ ప్రింట్ సెన్సర్లు ఈ మాదిరిగానే ఉండేవి.

సర్క్యులర్ కెమెరా సెటప్

వివో (vivo) ఎక్స్ ఫోల్డ్ 4 లో శక్తివంతమైన మూడు 50 మెగాపిక్సెల్ సెన్సార్లు ఉన్న పెద్ద సర్క్యులర్ మాడ్యూల్ ఉంటుంది. ఇందులో ప్రామాణిక వైడ్ యాంగిల్ లెన్స్, 3ఎక్స్ పెరిస్కోప్ టెలిఫోటో లెన్స్, అల్ట్రా-వైడ్ లెన్స్ ఉన్నాయి. అదనంగా, వివో ప్రెజర్-సెన్సిటివ్, మూడు-దశల బటన్ ను ప్రవేశపెట్టనుంది. ఇలాంటి ఫీచర్ వివో స్మార్ట్ ఫోన్లలో కనిపించడం ఇదే మొదటిసారి.

2025 మార్చిలో లాంచ్

వివో ఎక్స్ ఫోల్డ్ 4 2025 మొదటి త్రైమాసికం చివరలో లాంచ్ అవుతుందని ఇంతకు ముందు వచ్చిన లీకులు సూచించాయి. అయితే డీసీఎస్ తాజా అప్డేట్ ప్రకారం లాంచ్ వాయిదా పడే సూచనలు కనిపిస్తున్నాయి. ఫలితంగా, ఎక్స్ ఫోల్డ్ 4 ఇప్పుడు 2025 రెండవ త్రైమాసికంలో అధికారికంగా లాంచ్ కావచ్చు. ఈ స్మార్ట్ ఫోన్ లో మునుపటి తరం స్నాప్డ్రాగన్ 8 జెన్ 2, 8 జెన్ 3 స్థానంలో, మరింత శక్తివంతమైన స్నాప్ డ్రాగన్ 8 ఇలైట్ చిప్సెట్ ఉంటుంది.