India's first self driving car : ఇది దేశంలోనే మొదటి సెల్ఫ్​ డ్రైవింగ్​ కారు..!

India's first self driving car : అమెరికాతో పాటు ఇతర దేశాల్లో సెల్ఫ్​ డ్రైవింగ్​ కార్లు రోడ్ల మీద దూసుకెళుతున్నాయి. కానీ ఇండియాలో ఇప్పటికీ అది ఒక కలగానే ఉంది. ఇక ఇప్పుడు ఆ కలని నిజం చేస్తూ.. దేశంలోనే మొదటి సెల్ఫ్​ డ్రైవింగ్​ కారును ఆవిష్కరించింది ఓ స్టార్టప్​ సంస్థ. బెంగళూరుకు చెందిన ఆ సంస్థ పేరు మైనస్​ జీరో. ఇక ఆ వాహనం పేరు 'జెడ్​పాడ్'​. మరి ఈ కారు విశేషాలు చూసేద్దామా..!

దేశంలో మొదటి సెల్ఫ్​ డ్రైవింగ్​ కారు..

ఈ జెడ్​పాడ్​ సైజు చిన్నగా ఉంది. అయితే ఈ వాహనం దేశంలో ఏ పరిస్థితుల్లోనైనా డ్రైవ్​ చేయగలదని మైనస్​ జీరో చెబుతోంది. ఇందులో స్టీరింగ్​ వీల్​ లేకపోవడం విశేషం! స్టీరింగ్​ వీల్​ బదులుగా ఇందులో అనేక హై- రిసొల్యూషన్​ కెమెరాలు ఉంటాయి. ఇవి ట్రాఫిక్​తో పాటు డ్రైవింగ్​ కండీషన్లను ఎనలైజ్​ చేస్తాయి. ఇదొక లెవల్​ 5 అటానమీతో కూడుతున్న సెల్ఫ్​ డ్రైవింగ్​ కారు అని సంస్థ చెబుతోంది. లెవల్​ 5 పొందితే.. అసలు మనుషుల ప్రమేయం లేకుండానే వాహనం సొంతంగా డ్రైవ్​ చేసుకుంటూ వెళ్లిపోతుంది!

ఈ జెడ్​పాడ్​లోని కెమెరా సెన్సార్​లు.. వాహనం పరిసరాలకు చెందిన రియల్​ టైమ్​ ఇమేజ్​లను క్యాప్చర్​ చేయగలవు. వాటిని కృత్రిమ మేథస్సు (ఏఐ) కలిగిన సిస్టెమ్​కు చేరవేస్తాయి. ఈ ఏఐ.. ఆ ఫొటోలను ఎనలైజ్​ చేసి.. వెహికిల్​ని నావిగేట్​ చేస్తుంది. అవసరమైనప్పుడు స్పీడ్​ పెంచుతుంది, అడ్డంకులు వస్తే వాహనాన్ని ఆపుతుంది.

ఇదీ చదవండి:- Baojun Yep electric SUV : మరో బుడ్డి ఎలక్ట్రిక్​ వాహనం వచ్చేస్తోంది!

లాంచ్​ ఎప్పుడు..?

ఈ ఆటోనోమస్​ కారు ప్రస్తుతానికి క్యాంపస్​, పెద్ద రెసిడెన్షియల్​ కాంప్లెక్స్​వంటి క్లోజ్​డ్​ ఏరియాల్లో ఉపయోగించుకునేందుకు సిద్ధంగా ఉన్నాయని మైనస్​ జీరో వెల్లడించింది. ఈ సంస్థను గుర్​సిమ్రన్​ కాల్రా.. 2021లో స్థాపించారు. టెస్లా, గూగుల్​ రూపొందిస్తున్న ఫుల్లీ- ఆటోనోమస్​ వాహనాలకు ధీటుగా ఇండియాలోనూ సెల్ఫ్​ డ్రైవింగ్​ కార్లను తీసుకురావాలన్న లక్ష్యంతో సంస్థ కృషిచేస్తోందని ఆయన వివరించారు. తమ టెక్నాలజీని ఇతర కంపెనీలకు కూడా ఇస్తున్నామని, ఫలితంగా వారి వాహనాల్లో ఏడీఏఎస్​ సేఫ్టీ ఫీచర్స్​ పెరుగుతున్నాయని అన్నారు.

zPod self driving car : ఇండియా రోడ్లకు తగ్గట్టుగా ఆటోనోమస్​ కార్లను రూపొందించేందుకు ఏఐ మీద ఆధారపడుతోంది ఈ మైనస్​ జీరో. రానున్న రెండేళ్లల్లో విదేశాల్లోనూ తమ వ్యాపారాన్ని విస్తరించాలని ప్లాన్​ చేస్తోంది. ఇక ఇండియాలో ఈ సెల్ఫ్​ డ్రైవింగ్​ జెడ్​పాడ్​ ఎప్పుడు అందుబాటులోకి వస్తుందనే విషయంపై ప్రస్తుతం స్పష్టత లేదు.