Hyundai IONIQ 7 : 400కి.మీ రేంజ్​తో హ్యుందాయ్​ ఐయానిక్​ 7.. లాంచ్​కు రెడీ!

Hyundai IONIQ 7 : సరికొత్త ఎలక్ట్రిక్​ ఎస్​యూవీని లాంచ్​ చేసేందుకు హ్యుందాయ్​ సంస్థ ఏర్పాట్లు చేసుకుంటోంది. దీని పేరు ఐయానిక్​ 7. టెస్ట్​ రన్​ దశలో ఉన్న ఈ మోడల్​కు సంబంధించిన ఫొటోలు ఆన్​లైన్​లో లీక్​ అయ్యాయి. ఆ వివరాలను ఇక్కడ తెలుసుకుందాము..

హ్యుందాయ్​ ఐయానిక్​ 7 విశేషాలు..

హ్యుందాయ్​ కొత్త ఎలక్ట్రిక్​ వెహికిల్​.. ఓ త్రీ- రో ఎస్​యూవీ అని తెలుస్తోంది. ఈ ఈవీ.. కియా ఈవీ9ని పోలి ఉంటుందని టాక్​ నడుస్తోంది. 2021లోనే దీని కాన్సెప్ట్​ వర్షెన్​ను రివీల్​ చేసింది సంస్థ. ఇక టెస్ట్​ రన్​ దశలో ఉంది కాబట్టి.. ఈ హ్యుందాయ్​ ఐయానిక్​ 7.. 2024లోనే లాంచ్​ అవుతుందని మార్కెట్​ వర్గాలు భావిస్తున్నాయి.

Hyundai IONIQ 7 price in India : ఈ కొత్త ఈవీ డిజైన్​.. ఐయానిక్​ 5ని పోలి ఉంది. మస్క్యులర్​ హుడ్​, స్లెండర్​ ఎల్​ఈడీ డేటైమ్​ రన్నింగ్​ లైట్స్​, వర్టికల్లీ అరెంజ్​డ్​ ఎల్​ఈడీ హెడ్​లైట్స్​ వంటివి కనిపిస్తాయి. అదనంగా.. రూఫ్​ రెయిల్స్​, బ్లాక్​డ్​ ఔట్​ రూఫ్​, వైడ్​ వీల్​ ఆర్చీస్​, బాడీ కలర్డ్​ ఓఆర్​వీఎంలు, ఇంటిగ్రేటెడ్​ టర్న్​ సిగ్నల్స్​ వంటివి కూడా లభిస్తున్నాయి. ఇక రేర్​లో మినిమలిస్ట్​ డిజైన్​ కనిపిస్తోంది. వర్టికల్లీ ఎల్​ఈడీ టెయిల్​లైట్స్​, రిసెస్డ్​ డోర్​ హ్యాండిల్స్​ వంటివి ఉంటాయి.

ఇదీ చూడండి:- Hyundai Kona Jayde : హ్యుందాయ్​ నుంచి సరికొత్త ఎలక్ట్రిక్​ ఎస్​యూవీ.. సూపర్​ డిజైన్​తో!

హ్యుందాయ్​ ఐయానిక్​ 7 రేంజ్​ ఎంత?

హ్యుందాయ్​ కొత్త ఈవీని ఈ-జీఎంపీ ఎలక్ట్రిక్​ ప్లాట్​ఫామ్​పై నిర్మిస్తోంది సంస్థ. ఐయానిక్​ 5తో పాటు కియా ఈవీ6, ఈవీ9లు కూడా ఇదే ప్లాట్​ఫామ్​ని షేర్​ చేసుకుంటున్నాయి. ఇక కొత్త ఎలక్ట్రిక్​ ఎస్​యూవీలో మల్టిపుల్​ వేరియంట్స్​ ఉంటాయి. బేస్​ వేరియంట్​కి మాత్రం 76.1 కేడబ్ల్యూహెచ్​ బ్యాటరీ వస్తుందని సమాచారం. ఇక టాప్​ ఎండ్​ వేరియంట్​కి 99.8 కేడబ్ల్యూహెచ్​ బ్యాటరీ ఉంటుందని టాక్​ నడుస్తోంది. ఇదే నిజమైతే.. ఈ బ్యాటరీని ఒక్కసారి ఛార్జ్​ చేస్తే.. 400కి.మీల వరకు ప్రయాణించవచ్చు!

Hyundai IONIQ 7 release date : ఇక హ్యుందాయ్​ ఐయానిక్​ 7 కేబిన్​ ఫీచర్స్​, ధర వంటి వివరాలపై క్లారిటీ లేదు. లాంచ్​ డేట్​పైనా స్పష్టత లేదు. వీటిపై సంస్థ అధికారికంగా ప్రకటించాల్సి ఉంది. అంతర్జాతీయ లాంచ్​ తర్వాత.. కొన్ని నెలల్లోనే, ఈ మోడల్​ ఇండియాలోకి అడుగుపెడుతుందని మార్కెట్​ వర్గాలు భావిస్తున్నాయి. ఇండియాలో ప్రస్తుతం ఉన్న ఐయానిక్​ ఈవీలకు మంచి డిమాండ్​ ఉన్న విషయం తెలిసిందే.