Honda electric scooter : ఈ హోండా బుడ్డి ఎలక్ట్రిక్​ స్కూటర్​ని చూశారా?

Honda Motocompacto electric scooter : మన స్కూటర్​ని సూట్​కేస్​లాగా ఫోల్డ్​ చేసుకోగలిగితే ఎలా ఉంటుంది? పార్కింగ్​ సమస్యలు లేకుండా ప్రశాంతంగా ఉండొచ్చని అనిపిస్తోంది కదా! జపాన్​కు చెందిన దిగ్గజ ఆటోమొబైల్​ సంస్థ హోండా.. ఇలాంటి ఒక ఎలక్ట్రిక్​ స్కూటర్​నే రూపొందించింది. దీని పేరు హోండా మోటోకాంపాక్టో ఈ-స్కూటర్​. ఈ మోడల్​ని ఇటీవలే రివీల్​ చేసింది. ఈ నేపథ్యంలో ఈ స్కూటర్​ విశేషాలను ఇక్కడ తెలుసుకుందాము.

హోండా మోటోకాంపాక్టో విశేషాలు..

1980 దశకంలోనే.. మోటోకాంపో అనే ఫోల్డెబుల్​ స్కూటర్​ని రూపొందించింది హోండా. అప్పట్లో అదొక సంచలనం. కారులోని బూట్​ స్పేస్​లో సింపుల్​గా పట్టేసే విధంగా ఈ స్కూటర్​ ఉండేది. కారును తీసుకువెళ్లలేని ప్రదేశాలకు.. ఈ స్కూటర్​ వెళ్లేదు. మోయడానికి కూడా చాలా లైట్​గా ఉండేది ఈ వెహికిల్​. ఇక నాటి మోడల్​ స్ఫూర్తితోనే కొత్త ఎలక్ట్రిక్​ స్కూటర్​ని రూపొందిచింది హోండా సంస్థ.

Honda Motocompacto EV : ఈ హోండా మోటోకాంపాక్టో బరువు 19 కేజీలు. చేతులతోనే దీనిని మోసుకుని వెళ్లొచ్చు. నగరాల్లో ఉండే వారికి ఈ బండి బాగా ఉపయోగపడుతుంది. క్యాంపస్​లలో తిరిగేందుకు చక్కని ఆప్షన్​ అవుతుంది. ఫోల్డ్​ చేసినప్పుడు.. దీని పొడవు 742ఎంఎం. వెడల్పు 94ఎంఎం. ఎత్తు 536ఎంఎం. రైడ్​ మోడ్​లో ఉన్నప్పుడు.. ఈ ఈ-స్కూటర్​ పొడవు 968ఎంఎం. వీల్​బేస్​ 742ఎంఎం.

ఒక మనిషి నడిచే సగటు వేగం కన్నా.. ఈ మోటోకాంపాక్టో స్పీడ్​ 3 రెట్లు అధికం. దీని టాప్​ స్పీడ్​ 24కేఎంపీహెచ్​. 7 సెకన్లలో టాప్​ స్పీడ్​ అందుకోగలదు. ఒక సీటు మాత్రమే ఉంటుంది. 120కేజీల వరకు బరువు మోయగలదు ఈ స్కూటర్​.

Honda Motocompacto price : ఈ మోటోకాంపాక్టో ఎలక్ట్రిక్​ స్కూటర్​లో ఫ్రెంట్​ వీల్​ మోటార్​ ఉంటుంది. ఇది 0.6 బీహెచ్​పీ పవర్​ని, 16 ఎన్​ఎం టార్క్​ను జనరేట్​ చేస్తుంది. ఇందులో అనేక వాటర్​ రెసిస్టెన్స్​ ఫీచర్స్​ ఉన్నాయి. ఇందులోని 6.8 ఏహెచ్​ బ్యాటరీని ఒక్కసారి ఛార్జ్​ చేస్తే.. 20కి.మీల వరకు ప్రయాణించవచ్చని సంస్థ చెబుతోంది. సాధారణంగా వాడే 110వీ ఛార్జర్​తో ఈ వెహికిల్​ను పూర్తిగా ఛార్జ్​ చేసేందుకు కనీసం 3 గంటల 30 నిమిషాల సమయం పడుతుందట!

ఈ మోడల్​ లాంచ్​ డేట్​పై ప్రస్తుతం క్లారిటీ లేదు. ఇండియాలో ఎప్పుడు లాంచ్​ అవుతుంది? అన్న విషయంపైనా స్పష్టత లేదు. దీనిపై త్వరలోనే సంస్థ స్పందించే అవకాశం ఉంది.

హోండా కొత్త ఎలక్ట్రిక్​ స్కూటర్​ని చూశారా?

దిగ్గజ ఆటోమొబైల్​ సంస్థ హోండా నుంచి సరికొత్త ఎలక్ట్రిక్​ స్కూటర్​ రాబోతోంది. దీని పేరు హోండా ఎస్​సీ ఈ. ఈ మోడల్​కి సంబంధించిన కాన్సెప్ట్​ వర్షెన్​ని.. 2023 జపాన్​ మొబిలిటీ షోలో ఇటీవలే ప్రదర్శించింది హోండా. పూర్తి వివరాల కోసం ఇక్కడ క్లిక్​ చేయండి.