Hyundai Exter SUV : వావ్​ అనిపిస్తున్న హ్యుందాయ్​ ఎక్స్​టర్​.. డిజైన్​ రివీల్​!

Hyundai Exter SUV : హ్యుందాయ్​ మోటార్స్​ తీసుకొస్తున్న సరికొత్త ఎస్​యూవీ 'ఎక్స్​టర్'పై ఇప్పటికే మార్కెట్​లో భారీ అంచనాలు ఉన్నాయి. ఇప్పుడు ఆ అంచనాలను నెక్స్ట్​ లెవల్​కి తీసుకెళుతూ.. హ్యుందాయ్​ ఎక్స్​టర్​ ఎస్​యూవీ డిజైన్​ రెండర్​ను ఆవిష్కరించింది హెచ్​ఎంఐఎల్​ (హ్యుందాయ్​ మోటార్​ ఇండియా లిమిటెడ్​). రెండర్​లో కనిపిస్తున్న ఫ్రెంట్​ డిజైన్​.. చాలా బోల్డ్​గా, అత్యంత ఆకర్షణీయంగా ఉంది అని అనడంలో ఎలాంటి సందేహం లేదు. ఎక్స్​టర్​ ఎస్​యూవీ ఫ్రెంట్​లో 'హెచ్​' ఆకారంలో ఉన్న ఎల్​ఈడీ డీఆర్​ఎల్స్​ హైలైట్​గా నిలుస్తున్నాయి. గ్రిల్​ మీద పారామెట్రిక్​ పాటర్న్​ వస్తోంది.

హ్యుందాయ్​ ఎక్స్​టర్​ ఎస్​యూవీ..

Hyundai Exter design revealed : ఈ కొత్త ఎస్​యూవీపై హ్యుందాయ్​ మోటార్​ ప్రత్యేక దృష్టిపెట్టినట్టు తెలుస్తోంది. ముఖ్యంగా యువతను ఆకర్షించే విధంగా దీనిని రూపొందించాలని సంస్థ భావిస్తున్నట్టు సమాచారం. కొత్తగా ఓ ఎస్​యూవీ కొనాలని భావించే కస్టమర్లకు తమ ఎస్​యూవీ మంచి ఆప్షన్​ అవుతుందని ధీమా వ్యక్తం చేశారు హ్యుందాయ్​ మోటార్​ ఇండియా సీఓఓ తరుణ్​ గర్గ్​.

హ్యుందాయ్​ ఎక్స్​టర్​ ఎస్​యూవీ లాంచ్​పై సర్వత్రా ఆసక్తి నెలకొంది. కాగా.. పెట్రోల్​- ఓన్లీ వేరియంట్​ మరికొన్ని వారాల్లోనే ఇండియాలోకి అడుగుపెట్టనున్నట్టు తెలుస్తోంది. మేన్యువల్​, ఆటోమెటిక్​ వంటి ట్రాన్స్​మిషన్​ ఆప్షన్స్​ ఉండొచ్చు. కస్టమైజేషన్​లో ఐఎంటీ ట్రాన్స్​మిషన్​ని కూడా సంస్థ యాడ్​ చేసే సూచనలు కనిపిస్తున్నాయి. వివిధ కనెక్టింగ్​ టెక్నాలజీలు, భారీ ఇన్ఫోటైన్​మెంట్​ స్క్రీన్​తో పాటు అనేక ఫీచర్స్​తో ఈ ఎస్​యూవీ మార్కెట్​లో అడుగుపెడుతుందని అంచనాలు ఉన్నాయి. ఇక హ్యుందాయ్​ పోర్ట్​ఫోలియోలో.. గ్రాండ్​ ఐ10 నియోస్​- వెన్యూ వాహనాల మధ్యలో ఈ ఎక్స్​టర్​ ఎస్​యూవీ చేరే అవకాశం ఉంది.

ఇదీ చదవండి:- Maruti Suzuki Fronx : మారుతీ సుజుకీ ఫ్రాంక్స్​ లాంచ్​.. ధర ఎంతంటే!

టాటా పంచ్​కు పోటీగా..

Hyundai Exter SUV launch date in India : రానున్న వారాల్లో ఈ ఎక్స్​టర్​ ఎస్​యూవీ ఎక్స్​టీరియర్​, స్పెసిఫికేషన్స్​, ఫీచర్స్​, ధర వంటి వివరాలను హ్యుందాయ్​ సంస్థ వెల్లడించే అవకాశం ఉంది. లాంచ్​ తర్వాత.. ఈ కొత్త వెహికిల్​.. హ్యుందాయ్​ వెన్యూ, క్రేటా, అల్కజార్​, కోనా ఎలక్ట్రిక్​, టుక్సాన్​, ఐయానిక్​ 5 సరసన నిలువనుంది.

Hyundai Exter SUV price in India : ఇక హ్యుందాయ్​ ఎక్స్​టర్​ ఎస్​యూవీ లాంచ్​తో టాటా పంచ్​, సిట్రోయెన్​ సీ3, మారుతీ సుజుకీ ఇగ్నిస్​, నిస్సాన్​ మాగ్నైట్​, రెనాల్ట్​ కైగర్​ వంటి మోడల్స్​కు గట్టిపోటీనిస్తుందని మార్కెట్​ వర్గాలు భావిస్తున్నాయి.