Honor 80 GT : హానర్​ 80 సిరీస్​ నుంచి మరో స్మార్ట్​ఫోన్​! లాంచ్​ ఎప్పుడంటే..

Honor 80 GT lanuch : చైనాలో హానర్​ 80 సిరీస్​ను ఇటీవలే లాంచ్​ చేసింది ఈ స్మార్ట్​ఫోన్​ తయారీ సంస్థ. హానర్​ 80, హానర్​ 80 ఎస్​ఈ, హానర్​ 80 ప్రో స్మార్ట్​ఫోన్స్​.. ఈ సిరీస్​లో ఉన్నాయి. ఇక ఇప్పుడు.. ఈ హానర్​ 80 సిరీస్​లో మరో స్మార్ట్​ఫోన్​ వచ్చి చేరుతోందని సమాచారం. హానర్​ 80 జీటీని.. సంస్థ లాంచ్​ చేయడానికి ఏర్పాట్లు చేస్తున్నట్టు తెలుస్తోంది. అన్ని అనుకున్నట్టు జరిగితే.. ఈ ఏడాది డిసెంబర్​లోనే ఈ హానర్​ 80 జీటీ స్మార్ట్​ఫోన్​ లాంచ్​ అయ్యే అవకాశం ఉంది.

ఓ చైనీస్​ టిప్​స్టర్​ ప్రకారం.. హానర్​ 80 జీటీకి ఫ్లాట్​ డిస్​ప్లే ఉంటుంది. హానర్​ 80, హానర్​ 80 ఎస్​ఈ, హానర్​ 80 ప్రో స్మార్ట్​ఫోన్స్​కు ఓఎల్​ఈడీ ప్యానెల్స్​తో కూడిన కర్వడ్​ ఎడ్జ్​లు ఉన్నాయి.

హానర్​ 80 జీటీ ఫీచర్స్​..

Honor 80 GT specification : ప్రత్యేకంగా గేమింగ్​ ఎక్స్​పీరియన్స్​ కోసం ఈ స్మార్ట్​ఫోన్​ సిరీస్​ను రూపొందించింది హానర్​ సంస్థ. ఇక ఈ హానర్​ 80 జీటీలో స్నాప్​డ్రాగన్​ 8 ప్లస్​ జెన్​ 1 ఉండే అవకాశం ఉంది. దీనికి మించి.. ఈ స్మార్ట్​ఫోన్​ ఫీచర్స్​కు సంబంధించిన వివరాలు ఇంకా తెలియరాలేదు.

అయితే.. హానర్​ ఎక్స్​40 జీటీలో ఉన్న రేర్​ డిజైనే.. ఈ హానర్​ 80 జీటీకి కూడా వచ్చే అవకాశం ఉంది. రానున్న రోజుల్లో ఈ హానర్​ 80 జీటీ ఫీచర్స్​పై మరింత సమాచారం అందుబాటులోకి రావొచ్చు.

Honor 80 series : హానర్​ 80 ప్రోలో స్నాప్​డ్రాగన్​ 8 ప్లస్​ జెన్​ 1 చిప్​సెట్​ ఉంటుంది. ఇందులో 6.7 ఇంచ్​ ఓఎల్​ఈడీ డిస్​ప్లే, 1224X2700 పిక్సెల్స్​ రిసొల్యూషన్​తో కూడిన కర్వడ్​ ఎడ్జ్​ స్క్రీన్​ ఉంది. మేజిక్​ యూఐ7 ఆధారిత ఆండ్రాయిడ్​ 12 దీని సొంతం. ఇందులో 12జీబీ ర్యామ్​, 512జీబీ ఇంటర్నల్​ స్టోరేజ్​ ఉంటుంది. 50ఎంపీ+2ఎంపీ డ్యూయెల్​ సెల్ఫీ కెమెరా సెటప్​.. ఈ హానర్​ 80 ప్రోలో ఉంది. రేర్​లో.. 160ఎంపీ మెయిన్​ కెమెరా, 50ఎంపీ అల్ట్రా వైడ్​ లెన్స్​, 2ఎంపీ డెప్త్​ సెన్సార్​లు కూడా ఉన్నాయి. ఈ స్మార్ట్​ఫోన్​ బ్యాటరీ కెపాసిటీ 4,800ఎంఏహెచ్​.