Ferrari Purosangue : ఇండియాలోకి ఫెరారీ తొలి ఎస్​యూవీ.. ధర తెలిస్తే షాక్​!

Ferrari Purosangue price in India : లగ్జరీ వాహనాల తయారీ సంస్థ ఫెరారీ నుంచి తొలి ఎస్​యూవీ.. తాజాగా ఇండియాలో లాంచ్​ అయ్యింది. దీని పేరు ఫెరారీ పురోసాంగ్యూ. ఈ మోడల్​ ఫీచర్స్​, ధర వంటి వివరాలను ఇక్కడ తెలుసుకుందాము..

పురోసాంగ్యూ ఇండియా లాంచ్​..

పురోసాంగ్యూలో మస్క్యులర్​ బానెట్​, బంపర్​ మౌంటెడ్​ ఎల్​ఈడీ హెడ్​లైట్స్​, స్ల్పిట్ టైప్​ డీఆర్​ఎల్స్​, భారీ గ్రిల్​, సూసైడ్​ స్టైల్​ రేర్​ డోర్స్​, డిజైనర్​ వీల్స్​, స్లీక్​ ఎల్​ఈడీ టెయిల్​లైట్స్​ వంటివి వస్తున్నాయి.

Ferrari Purosangue price : ఇదొక 4 సీటర్​ ఎస్​యూవీ. ఈ ఫెరారీ లగ్జరీ ఎస్​యూవీ కేబిన్​లో ప్రీమియం లెథర్​ అప్​హోలిస్ట్రీ, ఎలక్ట్రోక్రోమిక్​ గ్లాస్​ రూఫ్​, పాడిల్​ షిఫ్టర్స్​, 10.25 ఇంచ్​ ఇన్ఫోటైన్​మెంట్​ సిస్టెమ్​, మల్టిపుల్​ ఎయిర్​బ్యాగ్స్​ వంటివి లభిస్తున్నాయి.

ఈ ఫెరారీ పురోసాంగ్యూ ఎస్​యూవీని కస్టమైజ్​ చేసుకునే వెసులుబాటును కూడా ఇచ్చింది ఫెరారీ సంస్థ. సైడ్స్​లో ఫెరారీ షీల్డ్స్​, అప్​గ్రేడెడ్​ వీల్స్​, పైంటెడ్​ బ్రేక్​ కాలిపర్స్​, కాన్​ట్రాస్టింగ్​ ఇంటీరియర్​ స్టిచింగ్​, రెండు యాగ్సిల్స్​కి సస్పెన్షన్​ లిఫ్ట్​ ఫంక్షన్స్​ని యాడ్​ చేసుకోవచ్చు.

ఇదీ చూడండి:- New Cars launch in March: ఈ మార్చి నెలలో లాంచ్ కానున్న కొత్త కార్లు ఇవే..

Ferrari Purosangue interior : ఈ ఫెరారీ పురోసాంగ్యూలో 6.5 లీటర్​, నేచురల్లీ ఆస్పిరేటెడ్​, వీ12 ఇంజిన్​ ఉంటుంది. ఈ ఇంజిన్​.. 715 హెచ్​పీ పవర్​ని, 716 ఎన్​ఎం టార్క్​ని జనరేట్​ చేస్తుంది. 8 స్పీడ్​ డీసీటీ గేర్​బాక్స్​ దీనికి లభిస్తుంది. ఇదొక.. 4 వీల్​ డ్రైవ్​ సిస్టెమ్​.

ఫెరారీ పురోసాంగ్యూ ధర ఎంతంటే..

ఇండియాలోకి వచ్చిన ఫెరారీ తొలి ఎస్​యూవీ పురోసాంగ్యూ ఎక్స్​షోరూం ధర రూ. 10.5 కోట్లు! బెంగళూరులో మొదటి ఎస్​యూవీని ఇటీవలే డెలివరీ చేసింది సంస్థ.

Ferrari Purosangue India : అయితే.. ఈ ఫెరారీ పురోసాంగ్యూకి క్రేజీ డిమాండ్​ కనిపిస్తోంది! ఎంతలా అంటే.. 2026 వరకు అప్పుడే ఆర్డర్​ బుక్స్​ని సంస్థ మూసేసింది! ఓపెన్​ అయిన తర్వాత.. ఈ లగ్జరీ ఎస్​యూవీ ధర కనీసం 20శాతం పెరిగే అవకాశం ఉందని తెలుస్తోంది.

ఈ ఎస్​యూవీకి సూపర్​ క్రేజ్​ లభిస్తోంది! ఆర్డర్​ బుక్​ని మూసేసినా పర్లేదు, ఓపెన్​ అయ్యేంత వరకు ఎదురుచూసి, ఈ ఎస్​యూవీని కచ్చితంగా కొంటామని కస్టమర్లు అంటున్నారట!

ఇండియాలో ఎస్​యూవీ సెగ్మెంట్​కు మంచి డిమాండ్​ ఉన్న విషయం తెలిసిందే.. ఇక ఈ ఫెరారీ కొత్త వెహికిల్​తో.. లగ్జరీ ఎస్​యూవీలకు కూడా క్రేజ్​ ఉందని స్పష్టమైంది. ఇది లగ్జరీ వాహనాల తయారీ సంస్థలకు గుడ్​ న్యూస్​ అవుతుంది. రానున్న రోజుల్లో మరిన్ని వెహికిల్స్​ లాంచ్​ అయ్యే అవకాశాలు పెరుగుతాయి.