ChatGPT : ఇండియాలో చాట్ ​జీపీటీకి సూపర్​ క్రేజ్​.. యాప్​ స్టోర్​లో టాప్​ ఫ్రీ యాప్​ ఇదే!

ChatGPT App store : ఇప్పుడు ప్రపంచమంతా చాట్​ జీపీటీ గురించే మాట్లాడుకుంటోంది. ఇండియాలో ఇది ఇంకాస్త ఎక్కువగానే ఉంది! ఐఫోన్​, ఐప్యాడ్​కు చెందిన యాపిల్​ యాప్​ స్టోర్​లో టాప్​ ఫ్రీ యాప్స్​ లిస్ట్​లో మొదటి స్థానాన్ని దక్కించుకుంది. ఇన్​స్టాగ్రామ్​ను వెనక్కి నెట్టి మరీ, తక్కువ కాలంలో టాప్​ ప్లేస్​లోకి దూసుకెళ్లింది.

ఇండియాలో చాట్​ జీపీటీ ఐఓఎస్​ యాప్​ ఫ్రీగా లభిస్తుండటం అతిపెద్ద హైలైట్​. పైగా.. ఇందులో ఎలాంటి యాడ్స్​ కూడా ఉండటం లేదు. ఇందులో 'విస్పర్​ ఇంటిగ్రేషన్'​ వెసులుబాటు ఉండటంతో.. వాయిస్​ ఇన్​పుట్స్​ కూడా సులభంగా ప్రాసెస్​ అయిపోతుంది. మీ డివైజ్​లలోని వెబ్​ వర్షెన్​కు చెందిన హిస్టరీని ఇది సింక్​ చేస్తుంది. ఫలితంగా మీరు ఏ డివైజ్​ వాడినా, సెర్చ్​ హిస్టరీని యాక్సెస్​ చేసుకోవచ్చు.

చాట్​ జీపీటీ- ఐఓఎస్​ యాప్​..

ఐఓఎస్​లో చాట్​ జీపీటీని వినియోగిస్తే క్షణాల్లోనే మీకు సమాధానాలు వచ్చేస్తాయి. అయితే.. ఇందులో రియల్​ టైమ్​ డేటా ఉండదని గుర్తుపెట్టుకోవాలి.

ఈ చాట్​ జీపీటీ ఫ్రీ యాప్​తో మీరు వ్యాసాలు రాయవచ్చి. అదే సమయంలో పెద్ద పెద్ద వ్యాసాల సమ్మరీని పొందవచ్చు. ఇక ఉద్యోగాల్లో సెలవులకు అప్లై చేసుకోవచ్చు. కొత్త కొత్త భాషలు నేర్చుకోవచ్చు. క్రియేటివ్​ ఐడియాలు పొందవచ్చు.

ChatGPT: ప్రపంచమంతా ‘చాట్ జీపీటీ’పైనే చర్చ.. అసలు ఏంటీ టూల్.. ఉపయోగాలేంటి.. ఆందోళన ఎందుకు?

చాట్​ జీపీటీ ఐఓఎస్​ యాప్​ను అలా డౌన్​లోడ్​ చేసుకోండి..

యాప్​ స్టోర్​లో ChatGPT అని సెర్చ్​ చేయాల్సి ఉంటుంది. ఎన్నో యాప్స్​ మీకు దర్శనమిస్తాయి. అయితే ఈ యాప్​ సైజు 16.1ఎంబీ. దీనిని ఉచితంగా డౌన్​లోడ్​ చేసుకోవచ్చు. ఐఓఎస్​ 16.1 లేదా అంత కన్నా లేటెస్ట్​ వర్షెన్​లతో పని చేసే ఐఫోన్​, ఐప్యాడ్​లలో దీనిని ఉపయోగించుకోవచ్చు.

చాట్​ జీపీటీ ప్లస్​ను వినియోగించుకోవాలంటే.. నెలకు రూ. 1,999 చెల్లించాల్సి ఉంటుంది.

ChatGPT in India : ఇక యాప్​ను డౌన్​లోడ్​ చేసుకున్న తర్వాత. యాపిల్​/ గూగుల్​ ఐడీతో అకౌంట్​ తయారు చేసుకోవాలి. వెబ్​ నుంచి మీకు ముందే అకౌంట్​ ఉంటే.. సంబంధిత ఐడీతో లాగిన్​ అవ్వొచ్చు. ఆ తర్వాత మీ ఫోన్​కు ఒక ఓటీపీ వస్తుంది. ఇన్​-యాప్​ ఇన్​స్ట్రక్షన్స్​ తర్వాత మీకు చాట్​ జీపీటీకి యాక్సెస్​ లభిస్తుంది.

ఈ దేశాల్లో అందుబాటులోకి చాట్​ జీపీటీ..

చాట్​ జీపీటీ ఐఓఎస్​ యాప్​ ఇప్పటికే ఇండియాతో పాటు ఇరాక్​, అల్గేరియా, బొలీవియా, బ్రెజిల్​, అర్జెంటీనా, అజర్​బైజాన్​, కెనడా, చిలీ, లెబనాన్​, మారీషియస్​, కోస్టారికా, ఈక్వెడార్​, గానా, ఇజ్రాయెల్​, పెరు, జపాన్​, స్లోవీనియా, తునీషియా, పోలాండ్​, ఖజఖిస్తాన్​, జార్డన్​, మెక్సికో, కువైట్​, నమీబియా, మొరాకో, ఓమన్​, పాకిస్థాన్​, ఖతార్​, యూఏఈ వంటి దేశాల్లో అందుబాటులో ఉంది.