Baojun Yep electric SUV : మరో బుడ్డి ఎలక్ట్రిక్​ వాహనం వచ్చేస్తోంది!

Baojun Yep electric SUV : చైనాకు చెందిన ఎస్​ఏఐసీ-జీం- వుల్లింగ్ (ఎస్​జీఎండబ్ల్యూ)​.. ఓ బుడ్డి ఎలక్ట్రిక్​ ఎస్​యూవీని తాజాగా ఆవిష్కరించింది. దీని పేరు బౌజున్​ యెప్​. చైనాలో దీని ప్రారంభ ఎక్స్​షోరూం ధర రూ. 11,300 యెన్​లుగా (సుమారు రూ. 9.3లక్షలు) ఉంది. ఇక ఈ మినీ ఈ- ఎస్​యూవీని ఎంజీ మోటర్​ త్వరలో ఇండియాలోకి తీసుకొస్తోంది. ఎంజీ కామెట్​ ఈవీని రూపొందించిన జీఎస్​ఈవీ (గ్లోబల్​ స్మాల్​ ఎలక్ట్రిక్​ వెహికిల్​) ప్లాట్​ఫామ్​పై ఈ బౌజున్​ యెప్​ సైతం తయారువుతుండటం విశేషం. ఈ నేపథ్యంలో ఈ కొత్త, చిన్న ఎస్​యూవీ వివరాలు ఇక్కడ తెలుసుకుందాము..

బౌజున్​ యెప్​ ఈవీ..

నగరాల్లో ప్రయాణాలను దృష్టిలో పెట్టుకుని రూపొందించిన ఎంజీ కామెట్​ ఈవీ ఇటీవలే ఇండియాలో లాంచ్​ అయ్యింది. ఈ మోడల్​కు మంచి డిమాండ్​ కనిపిస్తోంది. చైనాలో దీని పేరు వుల్లింగ్​ ఎయిర్​. ఎంజీ కామెట్​ సక్సెస్​తో బౌజున్​ యెప్​కు సైతం ఆదరణ లభిస్తుందని సంస్థ అశాభావం వ్యక్తం చేస్తోంది.

ఇదొక 3 డోర్​ ఎస్​యూవీ. ఫ్రెంట్​లో డీఆర్​ఎల్స్​తో కూడిన ఎల్​ఈడీ హెడ్​లైట్స్​, క్లామ్​షెల్​ బానెట్​, క్లోజ్​డ్​ ఆఫ్​ గ్రిల్​, బ్లాక్​డ్​ ఔట్​ రూఫ్​ రెయిల్స్​, ఇండికేటర్​ మౌంటెడ్​ ఓఆర్​వీఎంలు, ఫ్లేర్డ్​ వీల్​ ఆర్చీస్​, సైడ్​ స్టెప్పర్స్​, స్కిడ్​ ప్లేట్స్​, 15 ఇంచ్​ డిజైనర్​ అలాట్​ వీల్స్​ వస్తున్నాయి.

ఇదీ చూడండి:- How to take care of car in rainy season : వర్షాకాలం వచ్చేస్తోంది.. మీ కారు భద్రమేనా?

బౌజున్​ యెప్​ ఎస్​యూవీ- ఫీచర్స్​..

ఇక ఈ ఎలక్ట్రిక్​ ఎస్​యూవీ 4 సీటర్​ కేబిన్​లో డ్యూయెల్​ టోన్​ డాష్​బోర్డ్​, ఇంటిగ్రేడెట్​ ఏసీ వెంటస్​, మేన్యువల్​ ఏసీ, పవర విండోలు, 3 స్పోక్​ మల్టీఫంక్షనల్​ స్టీరింగ్​ వీల్​, డ్యూయెల్​ 10.25 ఇంచ్​ స్క్రీన్​, లేటెస్ట్​ కనెక్టివిటీ ఆప్షన్స్​ వంటివి లభిస్తున్నాయి. ప్యాసింజర్​ సేఫ్టీ కోసం ఈవీలో మల్టిపుల్​ ఎయిర్​బ్యాగ్స్​, ఏడీఏఎస్​ ఫంక్షన్స్​ వంటివి వస్తున్నాయి.

Baojun Yep EV : ఇక ఈ ఎలక్ట్రిక్​ వాహనంలో 28.1 కేడబ్ల్యూహెచ్​ బ్యాటరీ ప్యాక్​తో కూడిన ఎలక్ట్రిక్​ మోటార్​ ఉంటుంది. ఇది 67 హెచ్​పీ పవర్​ను, 140 ఎన్​ఎం టార్క్​ను జనరేట్​ చేస్తుంది. ఒక్కసారి ఛార్జ్​ చేస్తే.. ఈ ఈ-ఎస్​యూవీ.. 303కి.మీల వరకు ప్రయాణిస్తుందని సంస్థ చెబుతోంది.

ఇండియాలో ఈ బౌజున్​ యెప్​ ఈ- ఎస్​యూవీ ఎప్పుడు లాంచ్​ అవుతుంది? ధర ఎంత ఉంటుంది? వంటి ప్రశ్నలకు సంబంధించిన వివరాలు ఇంకా తెలియరాలేదు. దీనిపై సంస్థ త్వరలో ప్రకటన చేసే అవకాశం ఉంది.