Bajaj Pulsar N150 : బజాజ్​ నుంచి కొత్త బైక్​.. పల్సర్​ ఎన్​150 లాంచ్​- ధర ఎంతంటే!

Bajaj Pulsar N150 launch : దేశీయ దిగ్గజ ఆటోమొబైల్​ సంస్థ బజాజ్​ ఆటో.. సరికొత్త బైక్​ను తాజాగా ఇండియాలో లాంచ్​ చేసింది. ఈ బైక్​ పేరు బజాజ్​ పల్సర్​ ఎన్​150. ఈ మోడల్​.. యువతను ఆకర్షించే విధంగా ఉంది. ఈ నేపథ్యంలో ఈ 2 వీలర్​ ఫీచర్స్​, ధర వంటి వివరాలను ఇక్కడ తెలుసుకుందాము..

కొత్త బైక్​ ఎలా ఉందంటే..

పల్సర్​ లైనప్​లో వస్తున్న ఈ బైక్​ డిజైన్​లో చాలా మార్పులో చేసింది బజాజ్​ సంస్థ. పల్సర్​ ఎన్​160 స్ఫూర్తితో దీనిని రూపొందించిందని చెప్పుకోవాలి. ఇందులోని ఎల్​ఈడీ ప్రొజెక్టర్​ హెడ్​ల్యాంప్​ అగ్రెసివ్​ లుక్​ని ఇస్తోంది.​ పాత పలర్స్​ బైక్స్​లో ఐకానిక్​ ఓల్ఫ్​-ఐ హెడ్​ల్యాంప్​ డిజైన్​ ఉండేది. ఫ్యుయెల్​ ట్యాంక్​ మస్క్యులర్​గా కనిపిస్తోంది. రేసింగ్​ రెడ్​, ఇబోనీ బ్లాక్​, మెటాలిక్​ పర్ల్​ వైట్​ కలర్స్​లో ఈ బైక్​ అందుబాటులోకి వస్తోంది.

Bajaj Pulsar N150 price : ఇక ఈ బజాజ్​ పల్సర్​ ఎన్​150లో 149.68 సీసీ, 4 స్ట్రోక్​, సింగిల్​ సిలిండర్​-ఎఫ్​ఐ, ఎయిర్​-కూల్డ్​ ఇంజిన్​ ఉంటుంది. దీని 14.5 హెచ్​పీ పవర్​ను, 13.5 ఎన్​ఎం టార్క్​ను జనరేట్​ చేస్తుంది. 5 స్పీడ్​ మేన్యువల్​ గేర్​బాక్స్​ లభిస్తోంది. ఫ్రెంట్​లో టెలిస్కోపిక్​ యూనిట్స్​, రేర్​లో మోనో షాక్​ అబ్సార్బర్స్​ సస్పెషన్స్​ సెటప్​ ఈ బైక్​లో ఉంటుంది. ఇక ఫ్రెంట్​లో 240ఎంఎం డిస్క్​, రేర్​లో 120ఎంఎం డ్రమ్​ బ్రేక్స్​ వస్తున్నాయి. సింగిల్​ ఛానెల్​ ఏబీఎస్​ సెటప్​ కూడా ఉంది.

ఇదీ చూడండి:- Bajaj Auto electric scooters : బజాజ్​ ఆటో నుంచి రెండు కొత్త ఎలక్ట్రిక్​ స్కూటర్లు..!

ఈ బజాజ్​ పల్సర్​ ఎన్​150 మైలేజ్​ 45-50 కేఎంపీఎల్​ అని సంస్థ చెబుతోంది. పల్సర్​ 150 కూడా ఇదే మైలేజ్​ ఇచ్చేది. ఇక ఇందులో డిజిటల్​ ఇన్​స్ట్రుమెంట్​ క్లస్టర్​, స్పీడోమీటర్​, (ఫ్యూయెల్​ ట్యాంక్​పై) యూఎస్​బీ పోర్ట్​ వంటివి వస్తున్నాయి.

కొత్త బైక్​ ధర ఎంతంటే..

Bajaj Pulsar N150 price in Hyderabad : పల్సర్​ లైనప్​లో ఇప్పటికే బజాజ్​ పీ150, ఎన్​160, ఎన్​250, ఎఫ్​250 మోడల్స్​ ఉన్నాయి. ఇక కొత్త బైక్​ విషయానికొస్తే.. ఇండియాలో ఈ బజాజ్​ పల్సర్​ ఎన్​150 ఎక్స్​షోరూం ధర రూ. 1,17,677గా ఉంది.

పల్సర్​ మోడల్స్​కు ఇండియాలో మంచి డిమాండ్​ ఉంటుంది. ఇక ఈ కొత్త బైక్ కూడా భారతీయులను ఆకర్షిస్తుందని సంస్థ భావిస్తోంది. ముఖ్యంగా యువత నుంచి మంచి డిమాండ్​ లభిస్తుందని ఆశాభావం వ్యక్తం చేస్తోంది.