iPhone 16 price : ఐఫోన్​ 15 కన్నా ఐఫోన్​ 16 ధర తక్కువే!

iPhone 16 leaks : యాపిల్​ ఐఫోన్​ 15 లాంచ్​తో ఇప్పుడు ఐఫోన్​ 16పై ఫోకస్​ పెరిగింది. 2024 సెప్టెంబర్​లో ఈ సిరీస్​ లాంచ్​ అవ్వాల్సి ఉండగా.. ఇప్పటికే రూమర్స్​ మొదలయ్యాయి. ఈ నేపథ్యంలో ఈ ఐఫోన్​ 16 ఫీచర్స్​, ధర వంటి వివరాలను ఇక్కడ తెలుసుకుందాము..

కొత్త ఐఫోన్​ సిరీస్​ ఫీచర్స్​ ఇవే..!

మాక్​రూమర్స్​ రిపోర్ట్​ ప్రకారం.. ఐఫోన్​ 16 బరువు.. ఐఫోన్​ 15 కన్నా 2 గ్రాములు అధికంగా ఉంటుంది. అంటే దీని బరువు 173 గ్రాములుగా ఉండొచ్చు! ఐఫోన్​ 16 ప్లస్​ బరువు 203 గ్రాములుగా ఉండొచ్చు. ఇక ఐఫోన్​ 16 ప్రో, 16 ప్రో మ్యాక్స్​ డిస్​ప్లేలు కాస్త ఎక్కువగానే ఉండే అవకాశం ఉంది. ఐఫోన్​ 16 ప్రోలో 6.27 ఇంచ్​, ప్రో మ్యాక్స్​లో 6.85 ఇంచ్​ డిస్​ప్లే ఉండొచ్చు.

ఇక ఐఫోన్​ 16లో 48ఎంపీ ప్రైమర, 12ఎంపీ అల్ట్రా-వైడ్​ డ్యూయెల్​ సెన్సార్​లు ఉంటాయని తెలుస్తోంది. ప్రో మ్యాక్స్​ మోడల్​లో సరికొత్త 'సూపర్​ టెలిఫొటో' పెరిస్కోప్​ లెన్స్​ రావొచ్చు. దీని పేరు టెట్రాప్రిస్మ్​.

iPhone 16 launch date : టెక్​ రాడర్​ నివేదిక ప్రకారం.. ఐఫోన్​ 16 సిరీస్​లో సరికొత్త క్యాప్చర్​ బటన్​ ఉండనుంది. కానీ దీని పని ఏంటి? అన్న విషయంపై క్లారిటీ లేదు. ఐఫోన్​ 15 సిరీస్​లో ఏ17 ప్రో చిప్​సెట్​ ఉండగా.. ఐఫోన్​ 16 ప్రోలో ఏ18 ప్రో/బయానిక్​ ప్రాసెసర్​లు ఉండొచ్చు. యూఎస్​బీ- టైప్​ సీ పోర్ట్​ లభిసంచే అవకాశం ఉంది.

ఇదీ చూడండి:- iPhone 16 Pro : ఐఫోన్​ 16 ప్రో.. యాపిల్​ లవర్స్​కు మంచి కిక్​ ఇచ్చే వార్త ఇది!

లాంచ్​ డేట్​.. ధర వివరాలు..

ప్రతి యేటా సెప్టెంబర్​లో యాపిల్​ ఈవెంట్​ ఉంటుంది. ఈ సంప్రదాయాన్నే కొనసాగిస్తే.. ఐఫోన్​ 16 సిరీస్​.. 2024 సెప్టెంబర్​లో లాంచ్​ అవుతుంది. కాగా.. సేల్​ మాత్రం సెప్టెంబర్​ చివరిలో మొదలయ్యే అవకాశం ఉంటుంది.

iPhone 16 price in India : ఇక వచ్చే ఏడాది లాంచ్​కానున్న ఐఫోన్​ 16 సిరీస్​ ధర.. ఐఫోన్​ 15 కన్నా తక్కువగా ఉండే అవకాశం ఉందని ఊహాగానాలు జోరుగా సాగుతున్నాయి. యాపిల్​ మేన్యుఫ్యాక్చరింగ్​ ప్రక్రియలో వచ్చే ఏడాదిలో భారీ మార్పులే జరగనున్నాయి. ఈ మార్పులు పూర్తిగా అమలైతే.. చాలా విభాగాల్లో ఖర్చులు మిగిలే అవకాశం ఉంది. అందుకే ఐఫోన్​ 16 సిరీస్​ ధర తగ్గొచ్చని వార్తలు వినిపిస్తాయి.

అయితే.. ఇవన్నీ ప్రస్తుతం రూమర్స్​ మాత్రమే. వీటిపై క్లారిటీ రావాలంటే.. ఇంకో ఏడాది కాలం ఆగాల్సిందే!