iPhone 15 sale : యాపిల్​ లవర్స్​కు గుడ్​ న్యూస్​.. కేవలం 10 నిమిషాల్లోనే ఐఫోన్​ 15 డెలివరీ!

iPhone 15 sale : ఐఫోన్​ 15 సిరీస్​కు ఇండియాలో భారీ డిమాండ్​ కనిపిస్తోంది. దేశంలో ఈ స్మార్ట్​ఫోన్స్​ సేల్​ శుక్రవారం ప్రారంభమవ్వగా.. ముంబై, దిల్లీలోని యాపిల్​ స్టోర్స్​కు కస్టమర్లు భారీ సంఖ్యలో తరలివెళ్లారు. అర్ధరాత్రి నుంచే క్యూలో నిలబడిన దృశ్యాలు సోషల్​ మీడియాలో వైరల్​గా మారాయి. దీనితో ఇతర యాపిల్​ లవర్స్​లో ఆందోళన మొదలైంది. కొత్త గ్యాడ్జెట్స్​ తమ చేతికి రావేమో అన్న బాధ మొదలైంది. ఈ నేపథ్యంలో బ్లింకిట్​.. ఒక క్రేజీ న్యూస్​ చెప్పింది. కొత్త గ్యడ్జెట్స్​ను కేవలం 10 నిమిషాల్లోనే డెలివరీ చేస్తామని ప్రకటించింది!

ఈ రెండు మోడల్స్​..

ఐఫోన్​ 15 సిరీస్​లో ఐఫోన్​ 15, ఐఫోన్​ 15 ప్లస్​, ఐఫోన్​ 15 ప్రో, ఐఫోన్​ 15 ప్రో మ్యాక్స్​ మోడల్స్​ ఉన్నాయి. వీటిల్లో.. ఐఫోన్​ 15, ఐఫోన్​ 15 ప్లస్​ డివైజ్​లను బ్లింకిట్​లో ఆర్డర్​ చేస్తే.. 10 నిమిషాల్లో డెలివరీ చేస్తామని సంస్థ చెబుతోంది.

iPhone 15 Blinkit : "యూనికార్న్​ఏపీఆర్​తో భాగస్వామ్యం ఏర్పరచుకున్నాము. ఆల్​-న్యూ ఐఫోన్​ 15.. ఇప్పుడు బ్లింకిట్​లో అందుబాటులో ఉంది. ప్రస్తుతానికి దిల్లీ ఎన్​సీఆర్​, ముంబై, పూణె ప్రాంతాల్లో కేవలం 10 నిమిషాల్లోనే ఐఫోన్​ 15ను డెలివరీ చేస్తాము," అని బ్లికింట్​ సీఈఓ అల్బిందర్​ ధిన్​డ్సా ట్విట్టర్​లో తెలిపారు.

ఐఫోన్​ 15 ధరలు ఇలా..

ఇండియాలో.. ఐఫోన్​ 15 128జీబీ స్టోరేజ్​ వేరియంట్​ ధర రూ. 79,900గా ఉంది. ఇక ఐఫోన్​ 15 ప్లస్​ ధర రూ. 89,900. ఐఫోన్​ 15 ప్రో 128జీబీ స్టోరేజ్​ వేరియంట్​ ధర రూ. 1,34,900. అదే సమయంలో టాప్​ ఏండ్​ వేరియంట్​.. ఐఫోన్​ 15 ప్రో మ్యాక్స్​ 256 జీబీ స్టోరేజ్​ వేరియంట్​ ధర రూ. 1,59,900.

iPhone 15 pro max price in India : లాంచ్​ సమయం నుంచే ఐఫోన్​ 15 సిరీస్​కు బీభత్సమైన డిమాండ్​ కనిపిస్తోంది. మరీ ముఖ్యంగా టాప్​ ఎండ్​ మోడల్స్​పై కస్టమర్లలో విపరీతమైన క్రేజ్​ ఉంది. అయితే డిమాండ్​కు తగ్గ సప్లై లేకపోవడం గమనార్హం. అందుకే.. ఈ టాప్​ ఎండ్​ మోడల్స్​.. కస్టమర్ల చేతికి నవంబర్​ చివర్లో వస్తుందని టాక్​ నడుస్తోంది.