iPhone 15 sale : ఇండియాలో ఐఫోన్​ 15 సేల్​ షురూ.. క్యూ కట్టిన యాపిల్​ లవర్స్​!

iPhone 15 sale : యాపిల్​ లవర్స్​కు క్రేజీ న్యూస్​! సంస్థ ఇటీవలే లాంచ్​ చేసిన ఐఫోన్​ 15 సిరీస్​కు సంబంధించిన సేల్​.. ఇండియాలో శుక్రవారం మొదలైంది. సంస్థకు చెందిన అధికారిక వెబ్​సైట్​తో పాటు అఫీషియల్​ స్టోర్స్​లో కొత్త ఐఫోన్​ను కొనుగోలు చేసుకోవచ్చు. ఈ నేపథ్యంలో ముంబై, దిల్లీలోని యాపిల్​ స్టోర్స్​కు ప్రజలు ఉదయం నుంచే క్యూ కట్టారు. ఈ దృశ్యాలు వైరల్​గా మారాయి.

ఐఫోన్​ 15 సిరీస్​..

తొలి దశలో భాగంగా.. ఇండియాతో పాటు మొత్తం మీద 40 దేశాల్లో ఐఫోన్​ 15 సిరీస్​ సేల్​కు వెళ్లింది. ఈ సిరీస్​లో ఐఫోన్ 15, ఐఫోన్​ 15 ప్లస్​​, ఐఫోన్​ 15 ప్రో, ఐఫోన్​ 15 ప్రో మ్యాక్స్​ వంటి మోడల్స్​ ఉన్నాయి. మొదటి రెండు గ్యాడ్జెట్స్​.. 128జీబీ, 256జీబీ, 512జీబీ స్టోరేజ్​ కెపాసిటీతో అందుబాటులో ఉన్నాయి. పింక్​, యెల్లో, గ్రీన్​, బ్లూ, బ్లాక్​ కలర్​ ఆప్షన్స్​ లభిస్తున్నాయి.

iPhone 15 sale in India : ఇండియాలో.. ఐఫోన్​ 15 128జీబీ స్టోరేజ్​ వేరియంట్​ ధర రూ. 79,900గా ఉంది. ఇక ఐఫోన్​ 15 ప్లస్​ ధర రూ. 89,900. ఐఫోన్​ 15 ప్రో 128జీబీ స్టోరేజ్​ వేరియంట్​ ధర రూ. 1,34,900. అదే సమయంలో టాప్​ ఏండ్​ వేరియంట్​.. ఐఫోన్​ 15 ప్రో మ్యాక్స్​ 256 జీబీ స్టోరేజ్​ వేరియంట్​ ధర రూ. 1,59,900.

లాంచ్​ సమయం నుంచే ఐఫోన్​ 15 సిరీస్​కు బీభత్సమైన డిమాండ్​ కనిపిస్తోంది. మరీ ముఖ్యంగా టాప్​ ఎండ్​ మోడల్స్​పై కస్టమర్లలో విపరీతమైన క్రేజ్​ ఉంది. అయితే డిమాండ్​కు తగ్గ సప్లై లేకపోవడం గమనార్హం. అందుకే.. ఈ టాప్​ ఎండ్​ మోడల్స్​.. కస్టమర్ల చేతికి నవంబర్​ చివర్లో వస్తుందని టాక్​ నడుస్తోంది.

క్యూ కట్టిన యాపిల్​ ఫ్యాన్స్​..!

ముంబై బీకేసీలో యాపిల్​ స్టోర్​ను సంస్థ లాంచ్​ చేసిన విషయం తెలిసిందే. ఇక ఐఫోన్​ 15 సిరీస్​ సేల్​ నేపథ్యంలో ఇక్కడ కస్టమర్ల తాకిడి ఒక్కసారిగా పెరిగింది. చాలా మంది.. గురువారం అర్ధరాత్రి నుంచే స్టోర్​ బయట ఎదురుచూడటం మొదలుపెట్టారు!

BKC Apple store Mumbai : "ఐఫోన్​ 15 ప్రో మ్యాక్స్​ కోసం శుక్రవారం తెల్లవారుజామున 4 గంటలకే వచ్చాను. అప్పటికే ఇక్కడ క్యూ ఉంది. ఏదైతే ఏంటీ.. ఐఫోన్​ 15 ప్రో మ్యాక్స్​ కొనేశాను. చాలా మంచి అనుభూతి. నాకు టాప్​ ఎండ్​ మోడల్స్​ అంటే ఇష్టం. ఐఫోన్​ 13 ప్రో మ్యాక్స్​, ఐఫోన్​ 14 ప్రో మ్యాక్స్​ కూడా ఉన్నాయి. ఇప్పుడు ఐఫోన్​ 15 ప్రో మ్యాక్స్​ కూడా వచ్చింది. ఈసారి.. అందరికన్నా ముందే నేను తీసుకోవడం చాలా హ్యాపీగా ఉంది," అని బీకేసీ స్టోర్​ వద్ద గంటల తరబడి క్యూలో వెయిట్​ చేసిన రాహుల్​ అనే కస్టమర్​ మీడియాకు తెలిపారు.

మరో వ్యక్తి అయితే ఏకంగా.. 17 గంటల పాటు క్యూలో నిలబడ్డాడు!

"నేను అహ్మదాబాద్​ నుంచి ఇక్కడి నిన్న సాయంత్రం 3 గంటలకే వచ్చాను. అప్పటి నుంచి క్యూలోనే ఉన్నాను. 17 గంటల తర్వాత.. ఐఫోన్​ కొన్నాను. ఇండియాలోనే తొలి యాపిల్​ స్టోర్​ నుంచి తొలి ఐఫోన్​ను కొనేందుకే వెయిట్​ చేశాను," అని యాపిల్​ లవర్​ వివేక్​ చెప్పారు.