Adani crisis : 'అదానీ'తో పెట్టుబడిదారులకు రూ. 10 ట్రిలియన్​ నష్టం!

Adani group crisis : హిన్​డెన్​బర్గ్​- అదానీ వ్యవహారం ఇప్పుడు సర్వత్రా చర్చనీయాంశంగా మారింది. అదానీ గ్రూప్​పై దర్యాప్తు చేపట్టాలని దేశవ్యాప్తంగా నిరసనలు వ్యక్తమవుతున్నాయి. అయితే.. ఈ పూర్తి వ్యవహారంలో పెట్టుబడిదారులు భారీగా నష్టపోయినట్టు కనిపిస్తోంది! హిన్​డెన్​బర్గ్​ నివేదిక బయటకి వచ్చిన నాటి నుంచి సోమవారం వరకు ఇన్​వెస్టర్లు ఇప్పటికే రూ. 10 ట్రిలియన్​ సంపదను పోగొట్టుకున్నట్టు తెలుస్తోంది.

హిన్​డెన్​బర్గ్​ ఎఫెక్ట్​..

అదానీ గ్రూప్​ కంపెనీల్లో ఆర్థిక వ్యవస్థ దారుణంగా ఉందని, ఆ సంస్థ స్టాక్​ మేన్యుపులేషన్​కు పాల్పడుతోందని గత నెల 24న ఆరోపించింది హిన్​డెన్​బర్గ్​ అనే యూఎస్​ రీసెర్చ్​ సంస్థ. తాము అదానీ స్టాక్స్​ను షార్ట్​ సెల్​ చేసినట్టు పేర్కొంది. ఈ నివేదికతో అదానీ గ్రూప్​ స్టాక్స్​లో మొదలైన రక్తపాతం.. ఇప్పటికీ కొనసాగుతోంది. సోమవారం ట్రేడింగ్​ సెషన్​ ముగిసే సమయానికి అదానీ గ్రూప్​ మార్కెట్​ వాల్యూ రూ. 8.98ట్రిలియన్​కు పడిపోయింది. కొన్ని రోజుల క్రితం వరకు ఇది ఎన్నో రెట్లు ఎక్కువగా ఉండేది. ఈ క్రమంలోనే మదుపర్ల నష్టం రూ. 10 ట్రిలియన్​ దాటిందని సమాచారం.

ఇదీ చదవండి : అదానీ వ్యవహారంపై నాయకుడి 'మౌనం'.. దేనికి సంకేతం?

అదానీ గ్రూప్​ స్టాక్స్​కు సంబంధించిన వెయిటేజ్​ను తగ్గించుకుంటున్నట్టు ఎంఎస్​సీఐ ప్రకటించడంతో మదుపర్ల సెంటిమెంట్​ మరింత నెగిటివ్​గా మారింది. ఫలితంగా అదానీ స్టాక్స్​లో అమ్మకాల తీవ్రత మరింత పెరిగింది. ఒక్క సోమవారం ట్రేడింగ్​ సెషన్​లోనే అదానీ ఎంటర్​ప్రైజెస్​ 7శాతం, అదానీ పోర్ట్స్​ 5.27శాతం పతనమయ్యాయి. ఇక అదానీ టోటల్​ గ్యాస్​, అదానీ పవర్​, అదానీ గ్రీన్​, అదానీ ట్రాన్స్​మిషన్​ స్టాక్స్​.. 5శాతం లోవర్​ సర్క్యూట్​ను టచ్​ చేశాయి.

"ఎంఎస్​సీఐలో వెయిటేజ్​ తగ్గడంతో అదానీ గ్రూప్​ స్టాక్స్​లో కరెక్షన్​ వస్తుందని ముందే భావించాము. అదానీ గ్రూప్​ స్టాక్స్​ భారీగా పడ్డాయి. అదానీ పోర్ట్స్​, ఏసీసీ, అంబుజా సిమెంట్స్​పై కొన్ని ఫండ్స్​ ఫోకస్​ చేస్తున్నాయి. వాటి వాల్యుయేషన్స్​ ప్రస్తుతం మెరుగ్గా ఉన్నాయి. ఆయా స్టాక్స్​ ఇంకాస్త పడితే.. ఫండ్స్​ వాటిని కొనుగోలు చేయడం మొదలుపెట్టొచ్చు," అని ఓ ఫండ్​ మేనేజర్​ వివరించారు.

ఇదీ చదవండి: అదానీకి దక్కిన 'అమృత కాలం'తో బీజేపీకి నష్టం తప్పదా?

అదానీ స్టాక్స్​.. ఢమాల్​..!

Adani Group stocks crash : అదానీ ఎంటర్​ప్రైజెస్​ స్టాక్​ ప్రస్తుతం రూ. 1706 వద్ద ఉంది. నెల రోజుల వ్యవధిలో 52శాతం పతనమైంది. ఇక రూ. 553 వద్ద ఉన్న అదానీ పోర్ట్స్​ స్టాక్​.. నెల రోజుల్లో దాదాపు 30శాతం పడింది. అదానీ టోటల్​ గ్యాస్​ షేరు ధర రూ. 1,192 వద్ద ఉండగా.. నెల రోజుల్లో ఇది ఏకంగా 68శాతం నష్టపోయింది.