Kia EV6 facelift : కియా ఈవీ6 ఫేస్​లిఫ్ట్​.. మరింత స్టైలిష్​గా- మరింత పవర్​ఫుల్​గా!

Kia EV6 facelift launch in India : రిఫ్రెష్ చేసిన ఈవీ6 లగ్జరీ ఎలక్ట్రిక్​ కారును.. దక్షిణ కొరియాలో ఆవిష్కరించింది దిగ్గజ ఆటోమొబైల్​ సంస్థ కియా మోటార్స్​. ఈవీ స్టైల్​, పర్ఫార్మెన్స్​ని పెంచే అనేక అప్డేట్స్​ ఇచ్చింది. ఈ ఈవీ6 ఫేస్​లిఫ్ట్​​లో గణనీయమైన డిజైన్ మార్పులు, ఇంటీరియర్ మార్పులతో పాటు కొత్త, మరింత శక్తివంతమైన బ్యాటరీ వంటివి కనిపిస్తున్నాయి.

ఈవీ6 ఫేస్​లిఫ్ట్​లో అత్యంత ముఖ్యమైన మార్పులు ముందు భాగంలో ఉన్నాయి. ట్రెడిషనల్​ హెడ్ లైట్ల స్థానంలో ఈవీ3, ఈవీ4 కాన్సెప్ట్​ల స్ఫూర్తితో యాంగ్యులర్​ ఎల్​ఈడీ డేటైమ్ రన్నింగ్ లైట్లు, హెడ్​ల్యాంప్స్ తో పాటు ఈవీ6, ఈవీ9 ప్రొడక్షన్ మోడళ్లు ఉన్నాయి. ఫ్రంట్ ఫ్యాసియాని పూర్తిగా రీడిజైన్ చేసింది సంస్థ. ఇందులో బంపర్, లోయర్ గ్రిల్ ప్రాంతానికి అప్డేట్స్​ వచ్చాయి.

19 ఇంచ్​, 20 ఇంచ్​ సైజుల్లో స్టైలిష్ కొత్త బ్లాక్ అండ్ సిల్వర్ వీల్స్ అందుబాటులోకి రావడం మినహా మిగిలిన బాహ్య భాగాలు చాలావరకు అలాగే ఉన్నాయి. వెనుక భాగంలో ఈవీ6 సిగ్నేచర్ డిజైన్ ఎలిమెంట్​ని మెయిన్​టైన్ చేస్తూ, వాహనం వెడల్పును విస్తరించే విలక్షణమైన సింగిల్ ఎల్ఈడీ లైట్ బార్​ని కలిగి ఉంది.

ఇంటీరియర్ మార్పులు..

Kia EV6 facelift 2025 : ఈవీ6 ఫేస్​లిఫ్ట్​ ఎలక్ట్రిక్​ వెహికిల్​ లోపలి భాగంలో అనేక ముఖ్యమైన అప్​గ్రేడ్​లను కలిగి ఉంది. ఇంటీరియర్ కేంద్ర బిందువు కొత్తగా రూపొందించిన కర్వ్డ్ పనోరమిక్ స్క్రీన్. ఇది డిజిటల్ ఇన్స్ట్రుమెంట్ క్లస్టర్, ఇన్ఫోటైన్మెంట్ డిస్ప్లే రెండింటినీ ఏకీకృతం చేస్తుంది. కియా టూ-స్పోక్ స్టీరింగ్ వీల్​ను పునరుద్ధరించింది. ఫింగర్ ప్రింట్ రీడర్​ను జోడించింది. ఇది డ్రైవర్లు కీని ఉపయోగించకుండా వాహనాన్ని ప్రారంభించడానికి వీలు కల్పిస్తుంది. అంతేకాక, అప్డేటెడ్​ మోడల్ ఇప్పుడు వైర్లెస్ యాపిల్ కార్​ప్లే, ఆండ్రాయిడ్ ఆటోను సపోర్ట్ చేస్తుంది.

ఓవర్ ది ఎయిర్ అప్డేట్స్ కోసం కియా ఈవీ6 సపోర్ట్ను కూడా విస్తరించింది. ఇంతకు ముందు నావిగేషన్​కు మాత్రమే పరిమితమైన ఈ అప్డేట్​.. ఇప్పుడు ప్రధాన ఎలక్ట్రానిక్ నియంత్రణ వ్యవస్థలకు విస్తరించాయి. ఇది ఎలక్ట్రిక్​ వెహికిల్​ అడాప్టబిలిటీ, లైఫ్​ని పెంచుతుంది. ఇంటీరియర్ అప్​గ్రేడ్​లలో డిజిటల్ రియర్ వ్యూ మిర్రర్, మెరుగైన హెడ్-అప్ డిస్​ప్లే, ప్రస్తుత జెనెసిస్ మోడళ్లలో కనిపించే ఆగ్మెంటెడ్ రియాలిటీ నావిగేషన్ సిస్టమ్ ఉన్నాయి.

కియా ఈవీ6 పవర్​..

Kia EV6 facelift release date : కియా ఈవీ6 ఫేస్​లిఫ్ట్ ఎలక్ట్రిక్​ వెహికిల్​​ మునుపటి 77.4 కిలోవాట్ల ప్యాక్ స్థానంలో హ్యుందాయ్ మోటార్ గ్రూప్ తాజా 84 కిలోవాట్ల బ్యాటరీని కలిగి ఉంది. ఈ అప్​గ్రేడ్ రియర్ వీల్ డ్రైవ్ మోడల్ రేంజ్​ని 475 కిలోమీటర్ల నుంచి 494 కిలోమీటర్లకు విస్తరించింది. కొత్త బ్యాటరీ 350 కిలోవాట్ల డీసీ ఫాస్ట్ ఛార్జింగ్​కు మద్దతు ఇస్తుంది. ఇది కేవలం 18 నిమిషాల్లో 10-80 శాతం ఛార్జ్ చేయగలదు.

స్టాండర్డ్ రియర్ వీల్ డ్రైవ్ మోడళ్లు.. 225 బీహెచ్​పీ పవర్, 350 ఎన్ఎమ్ టార్క్​ను ఉత్పత్తి చేస్తాయి. డ్యూయెల్ మోటార్ వర్షెన్లు 320బీహెచ్​పీ పవర్, 605ఎన్ఎమ్ టార్క్​ను జనరేట్​ చేస్తాయి. రైడ్ సౌకర్యాన్ని పెంచడానికి, మోటారు శబ్దాన్ని తగ్గించడానికి, భద్రతను మెరుగుపరచడానికి.. కియా ఈవి 6 ఫ్రీక్వెన్సీ-సెలెక్టివ్ డ్యాంపర్లను చక్కగా ట్యూన్ చేసింది.