IPL 2023 stats: ఐపీఎల్ 2023 లీగ్ స్టేజ్‌లో నమోదైన పూర్తి రికార్డుల జాబితా ఇదే
IPL 2023 stats: ఐపీఎల్ 2023 లీగ్ స్టేజ్‌లో నమోదైన పూర్తి రికార్డుల జాబితా ఇదే. గతంలో ఎన్నడూ లేని విధంగా ఈసారి లీగ్ స్టేజ్ ముగిసే సమయానికే ఎన్నో గత రికార్డులు బ్రేకవడం విశేషం.
IPL 2023 stats: ఐపీఎల్ 2023 లీగ్ స్టేజ్ ఆదివారం (మే 21)తో ముగిసింది. మొత్తం 70 మ్యాచ్ లు జరిగాయి. మంగళవారం (మే 23) నుంచి ప్లేఆఫ్స్ ప్రారంభం కానున్నాయి.
ఈ నేపథ్యంలో లీగ్ స్టేజ్ లో నమోదైన రికార్డులను ఓసారి చూస్తే.. పరుగుల వరద పారిన ఈ సీజన్ లో లెక్కకు మిక్కిలిగా రికార్డులు బ్రేకయ్యాయి. సిక్స్‌లు, 200+ స్కోర్లు, సెంచరీల పరంగా గత రికార్డులు బ్రేకయ్యాయి.
ఐపీఎల్ 2023 లీగ్ స్టేజ్‌లో బ్రేకయిన రికార్డులు
- 7263 పరుగులతో ఐపీఎల్ చరిత్రలో అత్యధిక పరుగులు చేసిన బ్యాటర్ గా విరాట్ కోహ్లి నిలిచాడు.
- ఐపీఎల్ 2023 లీగ్ స్టేజ్ లోనే 11 సెంచరీలు నమోదయ్యాయి. ఒక ఐపీఎల్ సీజన్ లో నమోదైన అత్యధిక సెంచరీలు ఇవే. ఐపీఎల్ 2022లో 8 సెంచరీలతో ఉన్న రికార్డు బ్రేయింది.
- ముంబై ఇండియన్స్ ఈ ఏడాది నాలుగుసార్లు 200కుపైగా లక్ష్యాలను ఛేదించింది. ఒక సీజన్ లో ఒక టీమ్ అత్యధికసార్లు 200కుపైగా స్కోర్లను చేజ్ చేసిన ఘనతను సొంతం చేసుకుంది.
- ఆర్సీబీ ఈ సీజన్ లో ఐదుసార్లు 200కుపైగా రన్స్ సమర్పించుకుంది. ఒక సీజన్ లో ఒక టీమ్ అత్యధికసార్లు 200కుపైగా స్కోర్లు ఇచ్చిన రికార్డు ఇదే.
- ఈ ఏడాది ఇప్పటికే 35సార్లు ఒక ఇన్నింగ్స్ లో 200కుపైగా స్కోర్లు నమోదయ్యాయి. 2022లో 18సార్లతో ఉన్న రికార్డు బ్రేకయింది.
- ఈ ఏడాది విరాట్ కోహ్లి 2 సెంచరీలు చేశాడు. దీంతో ఐపీఎల్లో మొత్తం 7 సెంచరీలతో అత్యధిక సెంచరీలు చేసిన ప్లేయర్ గా నిలిచాడు.
- ఈ ఏడాది లీగ్ స్టేజ్ లోనే 1066 సిక్స్ లు నమోదయ్యాయి. ఒక సీజన్ లో నమోదైన అత్యధిక సిక్స్ ల రికార్డు ఇదే. 1062 సిక్స్ లతో 2022 సీజన్ పేరిట ఉన్న రికార్డు బ్రేకయింది.
- యశస్వి జైస్వాల్ 625 రన్స్ చేశాడు. ఒక సీజన్ లో అంతర్జాతీయ క్రికెట్ ఆడని ప్లేయర్ చేసిన అత్యధిక పరుగులు ఇవే.
- జోస్ బట్లర్ ఈ ఏడాది ఐదుసార్లు డకౌటయ్యాడు. ఒక సీజన్ లో అత్యధిక డకౌట్లు అతడివే.
- దినేష్ కార్తీక్ 17సార్లు డకౌటయ్యాడు. ఐపీఎల్ చరిత్రలో అత్యధికసార్లు డకౌటైన రికార్డు కార్తీక్ దే. రోహిత్ శర్మ 16 డకౌట్లతో రెండోస్థానంలో ఉన్నాడు.
- యుజువేంద్ర చహల్ 187 వికెట్లతో ఐపీఎల్ హిస్టరీలో అత్యధిక వికెట్లు తీసిన బౌలర్ గా నిలిచాడు.
- యశస్వి జైస్వాల్ 13 బంతుల్లోనే హాఫ్ సెంచరీ చేశాడు. ఐపీఎల్లో అత్యంత వేగంగా హాఫ్ సెంచరీ చేసిన ప్లేయర్ గా నిలిచాడు.
- వరుసగా రెండో ఏడాది కూడా గుజరాత్ టైటన్స్ టేబుల్లో టాప్ లో నిలిచింది. ముంబై ఇండియన్స్ (2019, 2020) తర్వాత ఈ ఘనత సాధించిన రెండో టీమ్ గా నిలిచింది.
సంబంధిత కథనం