Watermelon Iced Tea | హాట్​ సమ్మర్​కి పర్​ఫెక్ట్ టీ.. మీరు ట్రై చేయండి-watermelon iced tea is perfect tea in hot summer recipe is here ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Watermelon Iced Tea | హాట్​ సమ్మర్​కి పర్​ఫెక్ట్ టీ.. మీరు ట్రై చేయండి

Watermelon Iced Tea | హాట్​ సమ్మర్​కి పర్​ఫెక్ట్ టీ.. మీరు ట్రై చేయండి

HT Telugu Desk HT Telugu
Apr 05, 2022 01:23 PM IST

సమ్మర్​లో టీలు తాగలేము. పోనీ కూల్ డ్రింక్స్ తాగుదామంటే లేనిపోని రోగాల భయం. ఇంట్లో ఏమైనా తయారు చేసుకోవాలంటే వాటి తయారీ చాలాకష్టం. ఇలా అనుకునే వారికోసం ఇక్కడ ఓ చల్లని టీ రెసిపీ ఎదురు చూస్తుంది. వేసవి వేడిని తగ్గించేందుకు ఈ టీ మీకు బాగా ఉపయోగపడుతుందంటే తయారు చేసుకోకుండా ఉండగలరా?

సమ్మర్ డ్రింక్
సమ్మర్ డ్రింక్

Perfect Tea For Hot Summer | ఎండలో తిరిగివచ్చిన వారికైనా.. లేదా శరీరంలోని వేడితో ఇబ్బందులు ఎదుర్కొంటున్న వారికైనా ఈ వాటర్ మిలన్ ఐస్డ్ టీ ఓ వరమని చెప్పవచ్చు. పైగా దీనిని ఇంట్లోనే తయారు చేసుకోవడం వల్ల కేలరీల ఇబ్బందులు కూడా ఉండవు. శరీరానికి చలువ చేసే దీనిని తాగకుండా ఉండలేము. మీరు కూడా దీనిని తయారీ తెలుసుకుని.. ట్రై చేయండి.

కావాల్సిన పదార్థాలు

* నీళ్లు- అరలీటర్

* గ్రీన్​ టీ లీవ్స్ - 2 లేదా 3 చెంచాలు

* వాటర్ మిలన్ - 250 గ్రాములు

* నిమ్మకాయలు - 2

* షుగర్ - స్పూన్ (వేసుకోవాలనిపిస్తే..)

* చాట్ మసాల- 2 టేబుల్ స్పూన్స్

* పుదీనా ఆకులు- కొన్ని

తయారీ విధానం

ముందుగా స్టవ్ వెలిగించి.. గిన్నె పెట్టి దానిలో నీరుపోయాలి. వెంటనే గ్రీన్ టీ లీవ్స్ వేసి మరింగించాలి. సిద్ధమైన గ్రీన్​ టీని వడకట్టి గది ఉష్ణోగ్రత వద్ద చల్లార్చాలి. అది పూర్తిగా చల్లారిన తర్వాత మిక్సీ జార్​లో తీసుకోవాలి. దానిలో కట్ చేసి పెట్టుకున్న పుచ్చకాయ ముక్కలను వేసుకోవాలి. నిమ్మరసం, పంచదార, చాట్ మసాల, పుదీనా ఆకులు వేసి మిక్సీ చేయాలి. ఈ పూర్తి మిశ్రమాన్ని వడకట్టి.. పల్ప్ వేరు చేయాలి.

ఒక ప్లేట్​లో ఉప్పు కారం కలిపి.. గ్లాస్​ అంచుల చివర నిమ్మరసం రాసి.. ఉప్పు, కారం పట్టించాలి. గ్లాసులో ఐస్​ క్యూబ్​లు వేసుకుని.. వాటర్ మిలన్ టీని వేసుకోవాలి. నిమ్మకాయ స్లైస్, పుదీనాతో దానిని గార్నిష్ చేసుకుని చల్లగా తాగాలి. వేసవి వేడి నుంచి ఉపశమనం కోరుకునే వారు దీనిని కచ్చితంగా ట్రై చేయవచ్చు. శరీరంలోని వేడిని తరిమికొట్టి.. ఈ టీ మంచి చల్లదనాన్ని ఇస్తుంది.

WhatsApp channel

సంబంధిత కథనం

టాపిక్