Garlic Water Benefits : పొద్దుపొద్దున్నే వెల్లుల్లి నీరు తాగితే కలిగే ప్రయోజనాలు.. కచ్చితంగా రోజూ తీసుకోండి-super health benefits of drinking garlic water on empty stomach know in details ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Garlic Water Benefits : పొద్దుపొద్దున్నే వెల్లుల్లి నీరు తాగితే కలిగే ప్రయోజనాలు.. కచ్చితంగా రోజూ తీసుకోండి

Garlic Water Benefits : పొద్దుపొద్దున్నే వెల్లుల్లి నీరు తాగితే కలిగే ప్రయోజనాలు.. కచ్చితంగా రోజూ తీసుకోండి

Anand Sai HT Telugu
Jun 18, 2024 12:30 PM IST

Garlic Water Benefits In Telugu : వెల్లుల్లితో ఆరోగ్యానికి అనేక ప్రయోజనాలు ఉన్నాయి. దీనిని తీసుకోవడం వలన శరీరానికి చాలా మంచి జరుగుతుంది. అలాగే వెల్లుల్లి నీటిని రోజూ ఉదయం ఖాళీ కడుపుతో తీసుకోవాలి.

వెల్లుల్లి నీటి ప్రయోజనాలు
వెల్లుల్లి నీటి ప్రయోజనాలు (Unsplash)

వెల్లుల్లి వంటలో విస్తృతంగా ఉపయోగించే ఒక సాధారణ పదార్థం. దానితో పాటు అనేక వ్యాధులను నయం చేసే ఔషధ గుణాలు దీనికి ఉన్నాయని మనకు తెలుసు. ఆరోగ్య నిపుణుల అభిప్రాయం ప్రకారం, వెల్లుల్లిని పచ్చిగా లేదా ఉడికించి తినడం కంటే నీటిలో వెల్లుల్లిని వేసుకుని తాగడం చాలా ప్రయోజనకరంగా ఉంటుంది.

గుండె జబ్బులు

ఒక గ్లాసు నీటిలో రెండు వెల్లుల్లి రెబ్బలు వేసి ప్రతిరోజూ ఉదయం తాగాలి. దీన్ని తాగడం వల్ల గుండెపోటు, రక్తపోటు, కొలెస్ట్రాల్, గుండె జబ్బులతో పాటు అనేక వ్యాధులు నయమవుతాయి. వైరల్ వ్యాధుల సమయంలో వెల్లుల్లి నీరు తాగాలి. ఎందుకంటే వెల్లుల్లిలో విటమిన్ బి1, బి6, విటమిన్ సి, యాంటీ ఆక్సిడెంట్లు వంటి పోషకాలు ఉంటాయి. వైరస్‌లు, బాక్టీరియాలకు వ్యతిరేకంగా పోరాడే సామర్థ్యం ఉంది.

కడుపు సమస్యలు

జీర్ణ సమస్యలు ఉన్నవారు రోజూ వెల్లుల్లిపాయ నీరు తాగితే మంచి మెరుగుదల కనిపిస్తుంది. అజీర్ణం, కడుపునొప్పి, గ్యాస్ క్రాంప్స్, మలబద్ధకం, కడుపు ఉబ్బరం వంటి సమస్యలు పూర్తిగా నయమవుతాయి. మహిళలకు పీరియడ్స్ సమయంలో కడుపునొప్పి ఎక్కువగా ఉంటుంది. అలాంటి సమయాల్లో ఉదయాన్నే వెల్లుల్లిపాయల నీరు తాగాలి. ఇది రక్త ప్రసరణను నియంత్రిస్తుంది. కడుపు నొప్పిని తగ్గిస్తుంది.

బ్యాక్టీరియాతో పోరాడుతుంది

వెల్లుల్లికి యాంటీబయాటిక్ లక్షణాలు ఉన్నాయని అనేక అధ్యయనాలు నిర్ధారిస్తాయి, ఇవి వైరస్లు, బ్యాక్టీరియా, శిలీంధ్రాలకు వ్యతిరేకంగా పోరాడటానికి సహాయపడతాయి. వెల్లుల్లిలో డయల్ సల్ఫైడ్ అనే సమ్మేళనం ఉంటుంది. రెండు ప్రసిద్ధ యాంటీబయాటిక్స్ కంటే కాంపిలోబాక్టర్ బ్యాక్టీరియాతో పోరాడడంలో ఇది 100 రెట్లు ఎక్కువ ప్రభావవంతంగా ఉంటుంది.

పేగు ఆరోగ్యం

ఈ క్యాంపిలోబాక్టర్ బ్యాక్టీరియా ప్రధానంగా ఆహారం ద్వారా పేగు ఇన్ఫెక్షన్లకు కారణమవుతుంది. వెల్లుల్లిలోని యాంటీబయాటిక్ లక్షణాల నుండి మీరు ప్రయోజనం పొందడం వల్ల మీ గట్‌లో బ్యాక్టీరియా చర్యను నిరోధించడంలో ఒక కప్పు వెల్లుల్లి నీరు సహాయపడుతుంది.

దగ్గు, జలుబు

అదేవిధంగా దగ్గు, జలుబులను నివారించడానికి లేదా చికిత్స చేయడానికి కొన్నిసార్లు వెల్లుల్లి నీటిని ఉపయోగిస్తారని నిపుణులు అంగీకరిస్తున్నారు. వెల్లుల్లిని క్రమం తప్పకుండా ఉపయోగించడం వల్ల పెద్దలలో జలుబు ఫ్రీక్వెన్సీ తగ్గుతుందని ఒక అధ్యయనం నివేదించింది.

రోగనిరోధక శక్తికి

రోగనిరోధక శక్తిని పెంచేందుకు ఈ వెల్లుల్లి నీరు ఎంతగానో ఉపయోగపడుతుంది. ఇది యాంటీ ఫంగల్, యాంటీవైరల్, యాంటీ బాక్డీరియల్ లక్షణాలను కలిగి ఉంటుంది. ఇది వ్యాధులతో పోరాడటంలో సాయపడుతుంది. వెల్లుల్లి నీటిని తాగడం వలన జలుబు, దగ్గు సమస్యకు పరిష్కారం దొరుకుతుంది.

ఎప్పుడు తాగాలి?

మీరు వెల్లుల్లిని నీటిలో చాలా సేపు నానబెట్టి తాగవచ్చు. లేదంటే ఒక గ్లాసు నీటిలో రెండు, మూడు వెల్లుల్లి రెబ్బలు వేసి బాగా మరిగించుకోవాలి. ఇందులో కావాలంటే.. నల్ల ఉప్పు, మిరియాలు వేసుకోవచ్చు. అనేక పోషక విలువలు ఉన్న ఈ నీటిని ఉదయమే ఖాళీ కడుపుతో తాగాలి. ఇలా చేస్తేనే మరింత మేలు జరుగుతుంది. అయితే ఏదైనా అలెర్జీలాంటి సమస్యలు ఉన్నవారు వైద్యులను సంప్రదించిన తర్వాతే ఈ నీరు తాగాలి. కొందరికి వెల్లుల్లి పడదు. అలాంటివారు కూడా దూరంగా ఉండాలి.

WhatsApp channel