Save Money : మాల్స్‌లో షాపింగ్‌కు వెళ్తే తక్కువ ఖర్చుతో బయటకు రావొచ్చు.. ఇలా ప్లాన్ చేసేయండి బాస్
Save Money In Malls : షాపింగ్ మాల్స్ వెళ్తే.. ఏదో ఒకటి తీసుకోవాలని అనుకుంటాం. కానీ అక్కడకు వెళ్లిన తర్వాత తీసుకునే లెక్కే మారిపోతుంది. ఖర్చు తడిసిమోపెడవుతుంది. అందుకే సరిగా ప్లాన్ చేయాలి. అప్పుడే డబ్బులు తక్కువ ఖర్చు అవుతాయి.
భారతదేశంలోని షాపింగ్ మాల్‌లు ఫ్యాషన్ దుస్తులు, ఎలక్ట్రానిక్స్ నుండి కిరాణా, వినోదం వరకు మీకు అవసరమైన ప్రతిదానికీ ఉపయోగపడతాయి. కానీ అక్కడకు వెళ్తే నిరంతరం ఎక్కువ ఖర్చు అవుతుంది. అయితే ఇకపై భయపడవద్దు.. కొంచెం ప్లాన్ చేసి.. కొన్ని తెలివైన వ్యూహాలతో తక్కువ ఖర్చుతో బయటకు రావొచ్చు.
మీ షాపింగ్ ట్రిప్‌ని ప్లాన్ చేయడం నుండి అమ్మకాల వ్యూహాల నుంచి బయటపడేందుకు ప్లాన్ చేయాలి. మిమ్మల్ని కొనాలి.. కొనాలి అనిపించే ప్రేరణ కలుగుతుంది. కానీ డబ్బు ఆదా చేయడానికి అవసరమైన చిట్కాలను పాటించాలి. మీరు నెక్ట్స్ టైమ్ మాల్‌కు వెళ్లినప్పుడు, చేయవలసినవి, చేయకూడనివి గుర్తుంచుకోండి.
చేయాల్సినవి
ప్లాన్ చేయండి
మీరు షాపింగ్ మాల్ వెళ్లేటప్పుడు అవసరమైన వాటి జాబితాను రూపొందించండి. బడ్జెట్‌ను సెట్ చేయండి. మీ జాబితాకు కట్టుబడి ఉండండి. మిమ్మల్ని కొనాలని అని ప్రేరేపించే వాటి జోలికి వెళ్లకండి.
యాప్స్ చూడండి..
భారతదేశంలోని చాలా మాల్స్ స్టోర్ డైరెక్టరీలు, సేల్స్ ఫ్లైయర్‌లు, కూపన్‌లతో వారి స్వంత యాప్‌ను కలిగి ఉన్నాయి. మీరు వెళ్లే ముందు ఉత్తమమైన డీల్‌లను కనుగొనడానికి దీన్ని డౌన్లోడ్ చేయండి. మీరు మెుదటిసారి డౌన్లోడ్ చేస్తే.. మీకు కూపన్స్ వచ్చే అవకాశం ఉంది. అంతేకాదు మీరు మీ ద్వారా ఇంకొకరిని రిఫరల్ కోడ్‌తో యాప్ డౌన్లోడ్ చేసేలా చేస్తే మీకు కూపన్స్ రావొచ్చు.
క్యాష్ ఈజ్ కింగ్
మీరు షాపింగ్ మాల్ వెళ్లినప్పుడు కార్డులు తీసుకెళ్లకండి. మీ కార్డ్‌ని స్వైప్ చేసినప్పుడు ఖర్చు అనుకోకుండానే పెరిగిపోతుంది. మీ బడ్జెట్‌ను గుర్తుంచుకోవడానికి నగదును ఉపయోగించాలి.
సహనం ఉండాలి
ధర ట్యాగ్ ద్వారా మోసపోకండి. ముఖ్యంగా పండుగ సీజన్‌లు లేదా క్లియరెన్స్ పీరియడ్‌లలో విక్రయాల కోసం వేచి ఉండండి.
వీకెండ్స్ వద్దు
వారాంతపు రోజుల్లో మాల్స్‌లోకి జనాలు విపరీతంగా వస్తారు. ఉదయం తరచుగా తక్కువ మందిని కలిగి ఉంటారు. మీరు మెల్లగా ధరలు చూసుకుంటూ కొనుగులో చేసేందుకు వారంలో మధ్యలో వెళ్లండి. ధరలను సరిపోల్చడానికి టైమ్ ఉంటుంది.
చేయకూడనివి
సేల్ సైరన్
ఏదైనా అమ్మకానికి ఉన్నప్పుడు అది మీకు అవసరమా అని చూసుకోండి. ఇది నిజమైన తగ్గింపా లేదా పాత స్టాక్‌ను క్లియర్ చేయడానికి ఒక వ్యూహమా అని మిమ్మల్ని మీరు ప్రశ్నించుకోండి.
స్టోర్ కార్డ్‌ల పట్ల జాగ్రత్త
స్టోర్ క్రెడిట్ కార్డ్‌ల కోసం షాప్ వాళ్లు చాలా రకాల వ్యూహాలు చేస్తారు. ఆ మాయలో పడిపోవద్దు. ఇది చూసేందుకు తక్కువ ధరలోనే కదా అని మనకు అనిపించవచ్చు. దాని వెనక కిటుకు వేరే ఉంటుంది. ఎక్కువగా కొనేలా చేస్తుంది. నెలాఖరున బిల్లు తడిసిమోపెడవుతుంది.
ఆకలితో షాపింగ్
మాల్స్‌లో తరచుగా ఫుడ్ కోర్ట్‌లు ఉంటాయి. ఇవి మిమ్మల్ని ప్రలోభపెట్టడానికి వ్యూహాత్మకంగా రుచికరమైన వాసనలు వచ్చేలా ఉంటాయి. మీరు షాపింగ్ చేసే ముందు తిని వెళ్లండి. తిండికి ఏ ఖర్చూ ఉండదు.
వదిలేయండి
స్నేహితులతో షాపింగ్ చేయడం సరదాగా ఉంటుంది. కానీ అది తెలియకుండానే ఒత్తిడికి, అనవసరమైన ఖర్చులకు దారితీయవచ్చు. వారి ముందు బిల్డప్ ఇచ్చేందుకు షాపింగ్ కోసం ఎక్కువ ఖర్చు చేస్తాం. తర్వాత తల పట్టుకుంటాం.
షాపింగ్ మాల్ వెళ్లినప్పుడు పైన చెప్పిన చేయవలసినవి, చేయకూడనివి అనుసరించాలి. తద్వారా మీరు సరిగా షాపింగ్ చేస్తారు. మీ మాల్ అనుభవాన్ని ఆనందదాయకంగా, బడ్జెట్ స్నేహపూర్వకంగా చేయడంలో కొంచెం ప్రణాళిక, స్వీయ నియంత్రణ చాలా అవసరం.