Samsung Price Drop | గెలాక్సీ ఏ13 మోడల్ స్మార్ట్‌ఫోన్‌ ధరలను తగ్గించిన శాంసంగ్!

సౌత్ కొరియన్ టెక్ దిగ్గజం Samsung కొన్ని నెలల కిందట భారత మార్కెట్లో Galaxy A13 అనే మిడ్-రేంజ్ స్మార్ట్‌ఫోన్‌ను విడుదల చేసింది. ర్యామ్, స్టోరేజ్ ఆధారంగా ఈ ఫోన్ మూడు వేరియంట్లో విడుదల చేసింది. అయితే తాజాగా ఈ ఫోన్ ధరలను కంపెనీ తగ్గించింది. శాంసంగ్ ఈ ఫోన్‌ను రూ. 20 వేల బడ్జెట్ రేంజ్ లో విడుదల చేసింది. అయితే తాజా తగ్గింపు ఈ ఫోన్ ఇప్పుడు రూ. 15 వేల బడ్జెట్ శ్రేణిలోకి వచ్చి చేరింది. సుమారు రూ. 1500 వరకు తగ్గింపు ప్రకటించింది.

ఈ Galaxy A13 స్మార్ట్‌ఫోన్‌ 4GB/64GB వేరియంట్ పాత ధర రూ. 14,999/- కాగా ఇప్పుడు ఇది రూ. 13,999కి లభ్యమవుతుంది. అలాగే 4GB/128GB వేరియంట్ పాత ధర రూ. 15,999/- కాగా, ఇప్పుడు ధర రూ. 14,999/-కు తగ్గింది. అంటే ఈ రెండింటిపై సుమారు రూ. 1000 తగ్గింది. అలాగే 6GB/128GB వేరియంట్ పాత ధర రూ. 17,999/- పై ఇప్పుడు రూ. 1500 తగ్గింది. ఈ ఫోన్ ఇప్పుడు 16,499కి లభిస్తుంది.

అదనంగా ఎక్స్చేంజ్ ఆఫర్లు, బ్యాంక్ ఆఫర్లు ఉన్నాయి.

ఈ స్మార్ట్‌ఫోన్‌ ఫీచర్లు, స్పెసిఫికేషన్లను ఒకసారి పరిశీలించండి.

Samsung A13 స్మార్ట్‌ఫోన్‌ ఫీచర్స్, స్పెసిఫికేషన్స్

• 6.6 అంగుళాల ఫుల్ HD డిస్‌ప్లే
• ర్యామ్- స్టోరేజ్ కాన్ఫిగరేషన్స్: 4GB/64GB, 4GB/128 GB అలాగే 6GB/128GB
• ఎగ్జినోస్ 850 ప్రాసెసర్
• వెనకవైపు 50 మెగా పిక్సెల్ కెమెరా + 2MP డెప్త్ సెన్సార్; ముందు భాగంలో 8MP సెల్ఫీ షూటర్‌
• ఆండ్రాయిడ్ 12 ఆపరేటింగ్ సిస్టమ్
• 5000 mAh బ్యాటరీ సామర్థ్యం, 25W ఫాస్ట్ ఛార్జర్

ఈ స్మార్ట్‌ఫోన్‌ ఫ్లిప్‌కార్ట్‌లో అందుబాటులో ఉంది. ఆసక్తి గల వినియోగదారులు కొనుగోలు చేయవచ్చు.

కొద్దిరోజుల కిందట గెలాక్సీ A33 అనే 5G మోడల్ స్మార్ట్‌ఫోన్‌ పై కూడా శాంసంగ్ కంపెనీ రూ. 3 వేల డిస్కౌంట్ ప్రకటించింది.