Nita Ambani: మనవడిని చూసేందుకు స్కూలుకు వెళ్లిన నీతా అంబానీ, ఆమె వేసుకున్న డ్రెస్ ఖరీదు ఎంతంటే..
Nita Ambani: నీతా అంబానీ తన మనవడు పృథ్వీ పాఠశాలకు వెళ్లారు. ఈ సందర్భంగా ఆమె వేసుకున్న డ్రెస్ అందరికీ ఎంతో నచ్చేసింది. ఎంబ్రాయిడరీ ఎథ్నిక్ పింక్ కుర్తా సెట్లో ఆమె అద్భుతంగా కనిపిస్తోంది.
నీతా అంబానీ తన కుటుంబం విషయంలో చాలా జాగ్రత్తగా, ప్రేమపూర్వకంగా, బాధ్యతగా ఉంటారు. ఆమె తన మనవడు పృథ్వీ అంబానీ చదువుతున్న పాఠశాలను సందర్శించారు. అక్కడ తన మనవడితో పాటూ తోటి విద్యార్థులతో ముచ్చటించారు. ఈ పర్యటనకు సంబంధించిన ఫొటోలు సోషల్ మీడియాలో వైరల్ గా మారాయి. ఇన్ స్టాగ్రామ్‌లో షేర్ చేసిన ఫోటోల్లో నీతా పిల్లలతో బృందంగా కూర్చొని వారికి మాట్లాడుతూ కనిపించింది. కరీనా కపూర్ కుమారుడు జహంగీర్ 'జెహ్' అలీ ఖాన్ కూడా పృథ్వీ క్లాసులోనే చదువుతున్నాడు.
నీతా అంబానీ తన క్లాసీ, సొగసైన డ్రెస్సింగ్ సెన్స్ ను కలిగి ఉంటారు. ఈ పాఠశాల సందర్శనంలో భాగంగా ఆమె అదిరిపోయే రాణి పింక్ కుర్తా ధరించారు. గ్లామరస్ గా, గ్రేస్ లుక్‌లో కనిపించారు. 60 ఏళ్ల వయసులో కూడా అద్భుతమైన ఫ్యాషన్ స్టేట్మెంట్‌కు చిరునామాలా నిలిచారు. ఆమె లుక్ ను డీకోడ్ చేసి చూద్దాం.
పింక్ కలర్ దుస్తుల్లో నీతా అంబానీ
నీతా అంబానీ పింక్ కలర్ షేడ్ లో అధునాతనతను ఆవిష్కరిస్తూ సొగసైన కుర్తా సెట్ ను ధరించారు. కుర్తాలో క్లిష్టమైన గోల్డెన్ ఎంబ్రాయిడరీతో అలంకరించిన చిక్ స్ప్లిట్ క్రూ నెక్లైన్ ఉంది, ఇది రాయల్టీగా కనిపించేలా చేస్తుంది. ఫుల్ స్లీవ్స్, గోల్డెన్ బోర్డర్స్ , సున్నితమైన సీక్విన్ వర్క్ తో అందంగా ఉంది ఆ డ్రెస్. గ్లామర్ టచ్ జోడించారు. కుర్తా మరీ టైట్ గా కాకుండా రిలాక్స్డ్ ఫిట్ తో ఉంది. ఆమె ఫిగర్ ను ఈ డ్రెస్ పర్ఫెక్ట్ గా నప్పింది. ఈ లుక్ ను పూర్తి చేయడానికి, ఆమె గోల్డెన్ బోర్డర్స్, మ్యాచింగ్ ప్యాంట్ లను కలిగి ఉన్న మ్యాచింగ్ ఆర్గాంజా దుపట్టాతో జతచేశారు. ఇది ట్రెండీగా ఉండే కోఆర్డినేటెడ్ ఎథ్నిక్ లుక్ ను ప్రదర్శిస్తుంది.
ఈ డ్రెస్ కు జోడీగా విలాసవంతమైన డైమండ్ స్టడ్ చెవిపోగులు, ట్రెండీ బ్రౌన్ సెయింట్ లూయిస్ టోట్ బ్యాగ్, ఎరుపు రంగు హై హీల్స్ జతతో ఆమె మరింత అందంగా ఉంది. మృదువైన గులాబీ రంగు ఐషాడో, ఐలైనర్, అందమైన కనుబొమ్మలు, బుగ్గలకు ఎరుపు రంగు, ప్రకాశవంతమైన హైలైటర్, నగ్న లిప్ స్టిక్ షేడ్ తో ఆమె మేకప్ సింపుల్ గా ఉంది. ఫ్రీగా ఆరబోసిన హెయిర్ స్టైల్ తో ఎథ్నిక్ లుక్ కు తగ్గట్టు ఉంది.
నీతా అంబానీ గురించి
వ్యాపారవేత్త నీతా అంబానీ ఆసియాలోనే అత్యంత ధనవంతుడైన ముఖేష్ అంబానీ భార్య. ఈమె రవీంద్రభాయ్, పూర్ణిమా దలాల్ దంపతుల కుమార్తె. నీతా అంబానీ, ముఖేష్ దంపతులకు ఇషా అంబానీ, ఆకాష్ అంబానీ, అనంత్ అంబానీ అనే ముగ్గురు పిల్లలు ఉన్నారు.
