Murauri Recipe: ముల్లంగితో చేసే ఈ వంటకాన్ని ఒకసారి రుచి చూశారంటే.. మళ్లీ మళ్లీ కావాలని అడుగుతారు!
Murauri Recipe: ముల్లంగితో తయారు చేసే ఈ ప్రత్యేక పదార్థాన్ని బీహార్, యూపీ ప్రజలు చాలా ఇష్టంగా తింటారు. ఈ రుచికరమైన వంటకాన్ని మీరూ ఒకసారి తిన్నారంటే మళ్లీ మళ్లీ కావాలని అడుగుతారు. ముల్లంగి అంటే నచ్చని వారికి కూడా ఇది బాగా నచ్చుతుంది. దీన్ని ఇంట్లోనే సులభంగా తయారు చేసుకోవచ్చు.
మీరు రోజువారీ ఆహారంతో విసుగు చెంది, కొత్తగా ఏదైనా తినాలనుకుంటే ముల్లంగితో ఓ వంటకాన్ని తయారుచేసుకోవచ్చు. ముల్లంగి, బియ్యంపిండితో తయారు చేసే ఈ పదార్థాలన్నిుయుపీ, బీహార్ ప్రజలు చాలా ఇష్టంగా తింటారు. అక్కడి ప్రసిద్ధ వంటకమైన ఈ పదార్థం పేరు మురౌరీ. కొత్త టేస్టుతో బ్రేక్ ఫాస్ట్ లేదా స్నాక్స్ తినాలని మీరు కానీ మీ ఇంట్లో వాళ్లు కానీ కోరుకుంటే మీకు మురౌరీ బెస్ట్ ఛాయిస్. ఈ వంటకం కచ్చితంగా మీకు నచ్చుతుంది. ముల్లంగి ఆరోగ్యానికి ఎంత మేలు చేస్తుందో మీకు ప్రత్యేకంగా చెప్పాల్సిన పనిలేదు. కానీ చాలా మందికి ముల్లంగి తినడం నచ్చదు. అలాంటి వారికి ముల్లంగి, బియ్యంపిండి కలిపి ఈ రెసిపీ చేశారంటే ముల్లంగి నచ్చని వారు కూడా మళ్లీ మళ్లీ కావాలని అడుగుతారు. ఉదయం టిఫిన్ లా, సాయంత్రం స్నాక్స్ లా కెచప్ లేదా కప్పు ఛాయ్ తో దీన్ని చక్కగా ఆస్వాదించవచ్చు. ఆలస్యం చేయకుండా ఆ రెసిపీ ఏంటో తెలుసుకుందామా..
ముల్లంగితో మురౌరీ ఎలా తయారు చేయాలో ఇక్కడ చూద్దాం..
కావాలసిన పదార్థాలు:
- తురిమిన ముల్లంగి - రెండు కప్పు
- నీరు- అరకప్పు
- ఉప్పు- రుచికి తగినంత
- బియ్యం పిండి - మూడు కప్పులు
- జీలకర్ర - ఒక టీ స్పూన్
- కలోంజి గింజలు- ఒక టీ స్పూన్
- అల్లం - ఒక టీ స్పూన్
- పసుపు- అరటీస్పూన్
- ధనియాల పొడి- అర టీస్పూన్
- ఎండుమిర్చి పొడి- అర టీస్పూన్
- పచ్చిమిర్చి మూడు
- నూనె- తగినంత
- కొత్తిమీర - పిడికెడు
మురౌరి తయారీ విధానం:
- ముందుగా ఒక వెడల్పాటి ప్యాన్ తీసుకుని పొయి మీద పెట్టాలి.
- దాంట్లో నీరు పోసి ఉప్పు వేయాలి.
- ప్యాన్లో నీరు మరగుతున్నప్పుడు ముందే శుభ్రంగా తొక్కతీసి తురిమి పెట్టుకున్న ముల్లంగి తురుమును దాంట్లో వేయాలి.
- ఈ మిశ్రమాన్ని బాగా కలిపిన తర్వాత మూత పెట్టి మీడియం ఫ్రేములో ముల్లంగిని ఉడకనివ్వాలి.
- ఐదు నుంచి ఆరు నిమిషాల వరకూ ముల్లంగి ఉడికిన తర్వాత దాంట్లో మసాలా దినుసులు,తురిమిన పచ్చిమిర్చి, అల్లం పేస్ట్, తురిమిన కొత్తిమీర ఆకులను వేయాలి. ఇవన్నీ కలిసిపోయేలా పిండిని బాగా కలపాలి.
- తరువాత దీంట్లో బియ్యం పిండిని వేస్తే కలుపుతూ ఉండాలి. కలపకపోతే పిండి వుండలు, వుండలుగా మిగిలిపోతుంది.పిండి అంతా బాగా కలిసిన తర్వాత స్టవ్ ఆఫ్ చేసి చల్లారేవరకూ పక్కక్కు పెట్టాలి.
- పిండి చల్లారిన తర్వాత వేరే ఏదైనా గిన్నోలోకి తీసుకుని చక్కగా పిసకండి.
- పిండి చేతికి అంటుకోకూండా ఉండేందుకు కాస్త పొడిపిండిని తీసుకుని దీంట్లో కలపాలి.
- తరువాత చేతులకు కాస్త నూనె అంటించుకుని చిన్న చిన్న ఉండలుగా చేసి టిక్కీలుగా తయారుచేయాలి.
- ఈ టిక్కీలను మీడియం ఫ్రేములో డీప్ ఫ్రే చేయాలి.
- బంగారు రంగు వచ్చేంతవరకూ వీటిని ఫ్రై చేసి బయటకు తీసి టిష్యూలో వెయ్యాలి. అంతే టేస్టీ అండ్ క్రిస్పీ మురౌరీ తయారయినట్లే.
- వీటిని ఏదైనా చట్నీతో లేదా సాస్ తో కలిపి తినచ్చు. ఛాయ్ కి తోడుగా తినేయచ్చు.
సంబంధిత కథనం