కేవలం రూ. 7 వేల ధరకే ఐఫోన్ 13 ప్రో లాంటి డిజైన్‌తో LeTV Y2 Pro స్మార్ట్‌ఫోన్‌!

ఆపిల్ ఐఫోన్ కొనుక్కోవాలని చాలా మందికి ఉంటుంది. కానీ దాని ధర చూస్తే దిమ్మతిరిగి బొమ్మ కనిపిస్తుంది. కానీ అచ్ఛంగా ఐఫోన్ మాదిరిగా కనిపించేటువంటి ఫోన్‌లను, అతి తక్కువ ధరలకే చైనీస్ స్మార్ట్‌ఫోన్ బ్రాండ్ LeTV మార్కెట్లో ఒక్కొక్కటిగా విడుదల చేస్తుంది. తాజాగా ఈ కంపెనీ LeTV Y2 Pro అనే స్మార్ట్‌ఫోన్‌ను విడుదల చేసింది. ఇది ఐఫోన్ 13 ప్రో డిజైన్‌ను కలిగి ఉంది. అయితే క్వాలిటీ విషయంలో ఐఫోన్‌తో పోల్చాల్సిన అవసరం లేనప్పటికీ, LeTV Y2 Proలో మెరుగైన ఫీచర్లే ఉన్నాయి.

ఈ ఫోన్‌లో కంపెనీ Huawei HMS కోర్ క్లౌడ్ సేవలు అలాగే ఇతర మొబైల్ అప్లికేషన్లును పొందవచ్చు. ఇంకా ట్రిపుల్ రియర్ కెమెరా, ఫింగర్ ప్రింట్, ఫేస్ రికగ్నిషన్ అన్‌లాక్‌లు, AI ఫీచర్లు, ఫ్రాస్టెడ్ గ్లాస్ బ్యాక్, ఆక్టా-కోర్ ప్రాసెసర్ ఉన్నాయి.

అదనంగా LeTV Y2 Pro స్మార్ట్‌ఫోన్‌లో ఎలాంటి ఫీచర్లు, స్పెసిఫికేషన్లు ఉన్నాయి? ధర ఎంత? ఇతర వివరాలకు సంబంధించిన పూర్తి సమాచారం ఈ కింద చూడండి.

LeTV Y2 Pro స్మార్ట్‌ఫోన్‌ ఫీచర్స్, స్పెసిఫికేషన్స్

• 60Hz రిఫ్రెష్ రేట్ కలిగిన 6.5 అంగుళాల LCD HD+ డిస్‌ప్లే
• 4GB RAM/ 6GB RAM, 32GB/128GB/256 GB ఇంటర్నల్ స్టోరేజ్ సామర్థ్యం
• ఆక్టా-కోర్ యునిసోక్ T310 ప్రాసెసర్
• వెనకవైపు 13 మెగా పిక్సెల్ కెమెరా, ముందు భాగంలో 5 MP సెల్ఫీ షూటర్‌
• ఆండ్రాయిడ్ 11 ఆపరేటింగ్ సిస్టమ్
• 4000 mAh బ్యాటరీ సామర్థ్యం

LeTV Y2 Pro ప్రస్తుతం చైనాలో అందుబాటులో ఉంది. ధరలను పరిశీలిస్తే 4GB RAM + 32GB స్టోరేజ్ వేరియంట్ కోసం CNY 599 (సుమారు రూ. 7,100) , అలాగే 4GB RAM+ 128GB స్టోరేజ్ వేరియంట్ కోసం రూ. 9,500/- ఉండగా, టాప్ స్పెక్ 6GB RAM + 256GB స్టోరేజ్ వేరియంట్ ధర CNY 999 (సుమారు రూ. 11,800) గా ఉంది.

ఎలక్ట్రిక్ బ్లూ, మ్యాజిక్ నైట్ బ్లాక్ , సమ్మర్ ఆరెంజ్ అనే మూడు కలర్ ఆప్షన్లలో ఈ ఫోన్ లభిస్తుంది.