Sai Pallavi: కంగ‌నా ర‌నౌత్ త‌మిళ మూవీలో జూనియ‌ర్ ఆర్టిస్ట్‌గా న‌టించిన‌ సాయిప‌ల్ల‌వి - తెలుగులో రిలీజైన ఆ సినిమా ఇదే!

Sai Pallavi: ప్ర‌స్తుతం సాయిప‌ల్ల‌వి ద‌క్షిణాది సినీ ప‌రిశ్ర‌మ‌లో టాప్ హీరోయిన్ల‌లో ఒక‌రిగా కొన‌సాగుతోంది. తెలుగు, త‌మిళం, మ‌ల‌యాళంతో పాటు బాలీవుడ్‌లోనూ సాయిప‌ల్ల‌వికి భారీగా ఫ్యాన్ ఫాలోయింగ్ ఉంది. విల‌క్ష‌ణ ద‌ర్శ‌కుడు మ‌ణిర‌త్నం సైతం సాయిప‌ల్ల‌వికి తాను పెద్ద ఫ్యాన్‌ను అంటూ ఇటీవ‌లే అమ‌ర‌న్ ఆడియో లాంఛ్ ఈవెంట్‌లో చెప్పాడు.

మ‌ణిర‌త్నంతోపాటు అగ్ర ద‌ర్శ‌కులు, హీరోల‌ను త‌న అస‌మాన న‌ట‌న‌తో మెప్పించింది సాయిప‌ల్ల‌వి. హీరోయిన్లు కావాలంటే అందం అక్క‌ర‌లేద‌ని టాలెంట్ ఉంటే స‌రిపోతుంద‌ని చాటిచెప్పి ఎంతో మందికి స్ఫూర్తిగా నిలిచింది.

ఢీ డ్యాన్స్ షోలో...

సాయిప‌ల్ల‌వి కెరీర్ హీరోయిన్‌గా మొద‌లుకాలేదు. డ్యాన్స్‌పై మ‌క్కువ‌తో కొన్ని టీవీ రియాలీటీ షోస్‌లో కంటెస్టెంట్‌గా పాల్గొన్న‌ది. ఈటీవీలో టెలికాస్ట్ అవుతోన్న ఢీ డ్యాన్స్ షో సీజ‌న్ 4లో పాల్గొన్న‌ది. త‌మిళంలో ఉంగ‌లిల్ యారు అద్భుత ప్ర‌భుదేవా అనే డ్యాన్స్ షోలో ఫైన‌ల్ చేరిన సాయిప‌ల్ల‌వి ర‌న్న‌ర‌ప్‌తో స‌రిపెట్టుకున్న‌ది.

త‌మిళ సినిమాల్లో...

ఈ డ్యాన్స్ షో ద్వారా సాయిప‌ల్ల‌వికి సినిమాల్లో అవ‌కాశాలు వ‌చ్చాయి. మీరా జాస్మిన్ హీరోయిన్‌గా న‌టించిన క‌స్తూరి మాన్ అనే త‌మిళ మూవీలో కాలేజీ అమ్మాయిగా ఓ చిన్న రోల్ చేసింది. ఆ త‌ర్వాత జ‌యం ర‌వి, కంగ‌నా ర‌నౌత్ హీరోహీరోయిన్లుగా న‌టించిన ధామ్ ధూమ్ అనే జూనియ‌ర్ ఆర్టిస్ట్‌గా క‌నిపించింది. ఈ మూవీతోనే కంగ‌నా ర‌నౌత్ హీరోయిన్‌గా కోలీవుడ్‌లోకి ఎంట్రీ ఇచ్చింది.

కంగ‌నా ర‌నౌత్ ఫ్రెండ్‌గా...

ధామ్ ధూమ్ మూవీలో కంగ‌నా ర‌నౌత్ స్నేహితురాళ్ల‌లో ఒక‌రిగా సాయిప‌ల్ల‌వి క‌నిపించింది. సాయిప‌ల్ల‌వి పాత్ర అలా స్క్రీన్‌పై క‌నిపించి ఇలా మాయ‌మైపోతుంది. జూనియ‌ర్ ఆర్టిస్ట్‌గా కేవ‌లం రెండు సినిమాల్లోనే సాయిప‌ల్ల‌వి క‌నిపించింది. ప్రేమ‌మ్ సినిమాలో మ‌ల‌ర్ పాత్ర‌కు ఆడిష‌న్స్‌లో సెలెక్ట్ అయ్యింది. ప్రేమ‌మ్ హిట్ కావ‌డంతో సాయిప‌ల్ల‌వి ఓవ‌ర్‌నైట్‌లోనే స్టార్‌గా మారిపోయింది.

తెలుగులో ర‌క్ష‌కుడు...

ధామ్ ధూమ్ మూవీ తెలుగులో ర‌క్ష‌కుడు పేరుతో డ‌బ్ అయ్యింది. పాట‌లు పెద్ద హిట్ట‌య్యాయి. కానీ సినిమా మాత్రం తెలుగులో అంత‌గా ఆడ‌లేదు. యూట్యూబ్‌లో ఈ మూవీని చూడొచ్చు. ధామ్‌ధూమ్ షూటింగ్ ప్రారంభం నుంచే ఎన్నో అవాంత‌రాల‌ను ఎదుర్కొన్న‌ది. ఈ సినిమాలో కంగ‌నా ర‌నౌత్ ప్లేస్‌లో జెనిలియాను హీరోయిన్‌గా తీసుకోవాల‌ని అనుకున్నారు.

డేట్స్ స‌ర్ధుబాటు కాక కుద‌ర‌లేదు. . ఆ త‌ర్వాత ఆసిన్‌, మ‌మ‌తామోహ‌న్‌దాస్‌, రీమాసేన్‌తో పాటు ప‌లువురు హీరోయిన్లు సినిమాను ఒప్పుకొని త‌ర్వాత మాట మార్చేశారు. చివ‌ర‌కు కంగ‌నా ర‌నౌత్‌తో పాటు రాయ్ ల‌క్ష్మిల‌ను హీరోయిన్లుగా తీసుకొని ద‌ర్శ‌కుడు జీవా ఈ సినిమాను మొద‌లుపెట్టారు.

షూటింగ్ తుదిద‌శ‌లో ఉండ‌గా డైరెక్ట‌ర్ జీవా చ‌నిపోవ‌డంతో కెమెరామెన్లు పీసీ శ్రీరామ్‌, జీకే మ‌ణికంద‌న్ మిగిలిన షూటింగ్‌ను పూర్తిచేశారు. ఎన్నో అవాంత‌రాలు ఎదుర్కొని రిలీజైన ఈ మూవీ త‌మిళంలో ప్రేక్ష‌కుల‌ను మెప్పించ‌లేక‌పోయింది.

తండేల్ మూవీలో...

ప్ర‌స్తుతం సాయిప‌ల్ల‌వి తెలుగులో నాగ‌చైత‌న్య‌తో తండేల్ మూవీ చేస్తోంది. చందూ మొండేటి ద‌ర్శ‌క‌త్వం వ‌హిస్తోన్న ఈ మూవీ వ‌చ్చే ఏడాది జ‌న‌వ‌రిలో రిలీజ్ కానుంది. ల‌వ్ స్టోరీ త‌ర్వాత నాగ‌చైత‌న్య‌, సాయిప‌ల్ల‌వి జంట‌గా న‌టిస్తోన్న మూవీ ఇది.

రామాయ‌ణ మూవీతో హీరోయిన్‌గా బాలీవుడ్‌లోకి ఎంట్రీ ఇవ్వ‌బోతున్న‌ది సాయిప‌ల్ల‌వి. దాదాపు ఐదు వంద‌ల కోట్ల బ‌డ్జెట్‌తో తెర‌కెక్కుతోన్న ఈ మైథ‌లాజిక‌ల్ మూవీలో ర‌ణ్‌భీర్ క‌పూర్ హీరోగా న‌టిస్తోన్నాడు.