This week OTT: ఓటీటీల్లో ఈ వారం అడుగుపెట్టనున్న సినిమాలు, వెబ్ సిరీస్‍లు.. నేరుగా వస్తున్న హారర్ థ్రిల్లర్ కూడా..
OTT Movies This week: ఓటీటీల్లోకి ఈ వారం మరిన్ని చిత్రాలు, వెబ్ సిరీస్‍లు ఎంట్రీ ఇవ్వనున్నాయి. ఇందులో కామెడీ, హారర్, యాక్షన్ చిత్రాలు కూడా ఉన్నాయి. అవికా గోర్ మూవీ నేరుగా స్ట్రీమింగ్‍కు వస్తోంది.
ఓటీటీల్లోకి ఈ వారం కూడా చిత్రాలు, వెబ్ సిరీస్‍లు క్యూకట్టేస్తున్నాయి. ఓటీటీల్లో కంటెంట్ చూడాలనుకునే వారిని అలరించేందుకు వచ్చేస్తున్నాయి. యంగ్ హీరోయిన్ అవికా గోర్ నటించిన మూవీ థియేటర్లలో కాకుండా నేరుగా ఓటీటీ స్ట్రీమింగ్‍కు ఈ వారంలోనే అడుగుపెట్టనుంది. తెలుగు కామెడీ మూవీ రాజుయాదవ్ కూడా స్ట్రీమింగ్‍కు రానుంది. మరిన్ని కూడా వచ్చేస్తున్నాయి. ఈ జూలై నాలుగో వారంలో ఓటీటీల్లోకి రానున్న సినిమాలు, వెబ్ సిరీస్‍లో ఏవంటే..
డిస్నీ+ హాట్‍స్టార్
బ్లడీ ఇష్క్: అవికా గోర్, వర్దన్ పూరి ప్రధాన పాత్రలు పోషించిన బ్లడీ ఇష్క్ చిత్రం జూలై 26వ తేదీన డిస్నీ+ హాట్‍స్టార్ స్ట్రీమింగ్‍కు రానుంది. థియేటర్లలో రిలీజ్ కాకుండా నేరుగా హాట్‍స్టార్ ఓటీటీలోకే ఈ హారర్ థ్రిల్లర్ వస్తోంది. బ్లడీ ఇష్క్ మూవీకి విక్రమ్ భట్ దర్శకత్వం వహించారు. ఇటీవలే వచ్చిన ట్రైలర్ ఆకట్టుకుంది.
చట్నీ సాంబర్: తమిళ వెబ్ సిరీస్ చట్నీ సాంబర్ జూలై 26వ తేదీన హాట్‍స్టార్ ఓటీటీలో స్ట్రీమింగ్‍కు రానుంది. ఈ సిరీస్‍లో యోగిబాబు, వాణి భోజన్ ప్రధాన పాత్రలు చేశారు. ఈ కామెడీ డ్రామా సిరీస్‍కు రాధామోహన్ దర్శకత్వం వహించారు.
ఆహా:
రాజుయాదవ్: కమెడియన్ గెటప్ శ్రీను హీరోగా నటించిన రాజుయాదవ్ సినిమా ఆహా ఓటీటీలో జూలై 24వ తేదీన స్ట్రీమింగ్‍కు రానుంది. ఈ కామెడీ డ్రామా మూవీకి కృష్ణమాచారి దర్శకత్వం వహించారు. మే 24న థియేటర్లలో ఈ మూవీ రిలీజ్ అయింది. జూలై 24 నుంచి ఆహాలో స్ట్రీమింగ్ కానుంది రాజుయాదవ్ చిత్రం.
భరతనాట్యం: ఆహా ఓటీటీలో భరతనాట్యం చిత్రం జూలై 27వ తేదీన స్ట్రీమింగ్‍కు రానుంది. ఈ కామెడీ డ్రామా మూవీలో సూర్య తేజ అయిలే, మీనాక్షి గోస్వామి లీడ్ రోల్స్ చేశారు. ఈ చిత్రం ఏప్రిల్ 5వ థియేటర్లలో రిలీజ్ అయింది. మూడు నెలల తర్వాత ఆహా ఓటీటీలోకి వస్తోంది.
నెట్‍ఫ్లిక్స్
- టోక్యో స్విండ్లెర్స్ - జపనీస్ సిరీస్ - నెట్‍ఫ్లిక్స్ - జూలై 25
- కెలియో సీజన్ 2 - ఇంగ్లిష్ సిరీస్ - నెట్‍ఫ్లిక్స్ - జూలై 25
- ది డెకామెరాన్ - ఇంగ్లిష్ సిరీస్ - నెట్‍ఫ్లిక్స్ - జూలై 25
- ఎలైట్ సీజన్ 8 - ఇంగ్లిష్ సిరీస్ - నెట్‍ఫ్లిక్స్ - జూలై 26
- డ్రాగన్ ప్రిన్స్ - ఇంగ్లిష్ సిరీస్ - నెట్‍ఫ్లిక్స్ - జూలై 26
అమెజాన్ ప్రైమ్ వీడియో
‘ది మినిస్ట్రీ ఆఫ్ అన్‍జెంటిల్‍మ్యాన్లీ వార్‌ఫేర్’ సినిమా అమెజాన్ ప్రైమ్ వీడియో ఓటీటీలో జూలై 25వ తేదీన స్ట్రీమింగ్‍కు రానుంది. రెండో ప్రపంచయుద్ధం బ్యాక్‍డ్రాప్‍లో ఈ ఇంగ్లిష్ చిత్రం తెరకెక్కింది.
జియో సినిమా
విచ్ బ్రింగ్స్ మీ టు యూ మూవీ జూలై 26వ తేదీన జియోసినిమా ఓటీటీ ప్లాట్‍ఫామ్‍లో స్ట్రీమింగ్‍కు రానుంది. ఈ హాలీవుడ్ రొమాంటిక్ కామెడీ చిత్రంలో లుసీ హేల్, నాట్ వోల్ఫ్ మెయిన్ రోల్స్ చేశారు.
జీ5
భయ్యా జీ: సీనియర్ యాక్టర్ మనోజ్ బాజ్‍పేయ్ మెయిన్ రోల్ చేసిన యాక్షన్ మూవీ ‘భయ్యా జీ’ జీ5 ఓటీటీలో జూలై 26వ తేదీన స్ట్రీమింగ్‍కు రానుంది. ఈ మూవీ మే 24వ తేదీన థియేటర్లలో రిలీజ్ అయింది. మనోజ్‍కు ఇది 100వ చిత్రంగా ఉంది. భయ్యా జీ మూవీకి అపూర్వ్ సింగ్ కర్కి దర్శకత్వం వహించారు. ఈ చిత్రాన్ని జూలై 26 నుంచి జీ5లో చూసేయవచ్చు.
