Horror Thriller Movie OTT: నేరుగా ఓటీటీలోకి వస్తున్న హారర్ థ్రిల్లర్ మూవీ.. భయపెట్టేలా ట్రైలర్.. స్ట్రీమింగ్ డేట్ ఫిక్స్

ఓటీటీల్లో హారర్ థ్రిల్లర్ చిత్రాలకు ఫుల్ క్రేజ్ ఉంటుంది. అందుకే కొన్ని చిత్రాలు థియేటర్లలో కాకుండా నేరుగా ఓటీటీల్లోకే వస్తుంటాయి. ఇదే విధంగా ‘బ్లడీ ఇష్క్’ మూవీ కూడా డైరెక్టుగా ఓటీటీలోనే స్ట్రీమింగ్‍కు రానుంది. వర్దన్ పూరి, అవికా గోర్ ఈ చిత్రంలో ప్రధాన పాత్ర పోషించారు. రాజ్, 1920 సూపర్ సినిమాల డైరెక్టర్ విక్రమ్ భట్ ఈ బ్లడీ ఇష్క్ చిత్రానికి దర్శకత్వం వహించారు. బ్లడీ ఇష్క్ ట్రైలర్‌ నేడు (జూలై 16) వచ్చింది. స్ట్రీమింగ్ డేట్ కూడా ఖరారైంది.

ఆ ఆత్మ ఎవరిది?

బ్లడీ ఇష్క్ ట్రైలర్ భయపెట్టేలా ఇంట్రెస్టింగ్‍గా ఉంది. ఓ నది మధ్యలోని ఐల్యాండ్‍పై ఉన్న ఓ పెద్ద భవనం ఉండేందుకు వర్దన్ పూరి, అవికా గోర్ వెళతారు. అయితే, ఆ ఇంట్లో వీళ్లద్దరూ కాకుండా ఎవరో ఉన్నట్టు అవికాకు అనుమానం వస్తుంటుంది. ఆ తర్వాత ఒంటరిగా ఉండాల్సి ఉంది. అయితే, ఆ ఇంట్లో రాజ్ ఉన్నట్టు అనిపిస్తుందని వర్దన్‍కు అవికా చెబుతుంది. అయితే, రాజ్ లేడని, జ్ఞాపకాల వల్లే అలా అనిపిస్తుందని సర్దిచెబుతాడు. అయితే కొన్ని ఘటనల వల్ల దెయ్యం ఉందన్న భయం అవికాలో పెరుగుతుంది.

ఆ ఇంట్లో దెయ్యం తిరుగుతుందని అవికా గోర్ కనిపెడుతుంది. అయితే, తన ఇంట్లో ఉన్న ఆత్మ ఎవరు అని తెలుసుకోవాలని అవిక నిర్ణయించుకుంటుంది. చివర్లో దెయ్యం షాట్‍తో ట్రైలర్ ముగిసింది. బ్లడీ ఇష్క్ ట్రైలర్ ఇంట్రెస్టింగ్‍గానే ఉంది. భయపెట్టేలానూ ఉంది. ఈ ట్రైలర్ చూస్తుంటే ఈ మూవీ పక్కా హారర్ థ్రిల్లర్‌గా ఉండేలా కనిపిస్తోంది. రాజ్ చిత్రంతోనూ లింక్ ఉన్నట్టు అర్థమవుతోంది. రాజ్, 1920, హాంటెడ్ 3డీ లాంటి హారర్ చిత్రాలతో విక్రమ్ భట్ బాగా పాపులర్ అయ్యారు. ఇప్పుడు మరో హారర్ మూవీతో వస్తున్నారు.

బ్లడీ ఇష్క్ మూవీకి మహేశ్ భట్, సుహ్రితా దాస్ కథ అందించగా.. విక్రమ్ భట్ తెరకెక్కించారు. హరేకృష్ణ మీడియాటెక్, హౌస్‍ఫుల్ మోషన్ పిక్చర్స్ నిర్మించిన ఈ మూవీని మహేశ్ భట్ సమర్పిస్తున్నారు. సమీర్ టాండన్, ప్రతీ వాలియా సంగీతం అందిస్తున్న ఈ మూవీకి నరేన్ ఏ గేడియా సినిమాటోగ్రఫీ చేశారు.

స్ట్రీమింగ్ డేట్

బ్లడీ ఇష్క్ చిత్రం జూలై 26వ తేదీన డిస్నీ+ హాట్‍స్టార్ ఓటీటీ ప్లాట్‍ఫామ్‍లో స్ట్రీమింగ్‍కు రానుంది. ప్రస్తుతం హిందీలో ట్రైలర్ వచ్చింది. అయితే, తెలుగు డబ్బింగ్‍లోనూ ఈ చిత్రం స్ట్రీమింగ్‍కు అందుబాటులోకి వచ్చే అవకాశాలు ఉన్నాయి. జూలై 26 నుంచి హాట్‍స్టార్ ఓటీటీలో ఈ చిత్రాన్ని చూడొచ్చు.

ఈ వారంలోనే నాగేంద్రన్స్ హనీమూన్స్

రొమాంటిక్ కామెడీ వెబ్ సిరీస్ నాగేంద్రన్స్ హనీమూన్స్ జూలై 19వ తేదీన డిస్నీ+ హాట్‍స్టార్ ఓటీటీ ప్లాట్‍ఫామ్‍లో స్ట్రీమింగ్‍కు రానుంది. మలయాళంతో పాటు తెలుగు, తమిళం, హిందీ, కన్నడ, బెంగళూరు, మరాఠీ భాషల్లోనూ అందుబాటులోకి రానుంది. సూరజ్ వెంజరమూడు, కనీ కస్తూరి, శ్వేత మీనన్, అమ్ము అభిరామి, కళాభవన్ షాజాన్, గ్రేస్ ఆంటోనీ ఈ సిరీస్‍లో ప్రధాన పాత్రలు పోషించారు.