Saripodhaa Sanivaaram: సరితూగే సమరమే... సంహారం తథ్యమే - నాని సరిపోదా శనివారం వీడియో గ్లింప్స్ రిలీజ్
Saripodhaa Sanivaaram: ఎస్‌జే సూర్య బ‌ర్త్‌డే సంద‌ర్భంగా సరిపోదా శనివారం టీమ్ ఓ స్పెష‌ల్ వీడియోను రిలీజ్ చేసింది. నాని, ఎస్‌జే సూర్య మ‌ధ్య స‌మ‌రంతో ఈ వీడియో గ్లింప్స్ ఆక‌ట్టుకుంటోంది.
Saripodhaa Sanivaaram: వెర్స‌టైల్ యాక్ట‌ర్ ఎస్‌జే సూర్య పుట్టిన‌రోజు సంద‌ర్భంగా సరిపోదా శనివారం టీమ్ ఓ స్పెష‌ల్ వీడియో గ్లింప్స్ రిలీజ్ చేసింది. పోలీస్ ఆఫీస‌ర్‌కు, కామ‌న్ మ్యాన్‌కు మ‌ధ్య పోరాటం నేప‌థ్యంలో యాక్ష‌న్ అంశాల‌తో ఈ వీడియో గ్లింప్స్ ఆక‌ట్టుకుంటోంది. భాగ‌వ‌తం క‌థ‌తో నాని వాయిస్ ఓవ‌ర్ ద్వారా ఎస్‌జే సూర్య పాత్ర‌ను ప‌రిచ‌యం చేయ‌డం కొత్త‌గా ఉంది. ఈ వీడియోలో తెలుగులో కాకుండా హిందీలో డైలాగ్స్ వినిపిస్తోన్నాయి.
న‌ర‌కాసురుడు అనే రాక్ష‌సుడు...
పురాణాల్లో న‌ర‌కాసురుడు అనే రాక్ష‌సుడు ఉండేవాడు. అత‌డి వ‌ల్ల ప్ర‌జ‌లు ఎన్నో ఇబ్బందులు ఎదుర్కొన్నారు అంటూ ఈ వీడియోలో నాని డైలాగ్ చెబుతోండ‌గా...పోలీస్ ఆఫీస‌ర్‌గా త‌న‌కు అడ్డొచ్చిన వాళ్ల‌ను అంద‌రిని చిత‌క్కొడుతూ ఎస్‌జే సూర్య క‌నిపించాడు.
ఆ త‌ర్వాత న‌ర‌కాసురుడి ఆట క‌ట్టించ‌డానికి స‌త్య‌భామ‌తో క‌లిసి శ్రీకృష్ణుడు రంగంలోకి దిగాడు అని చెప్ప‌గానే నానితోపాటు హీరోయిన్ ప్రియాంక మోహ‌న్ ఈ వీడియోలో క‌నిపించారు. హ్యాపీ బ‌ర్త్‌డే సార్ అని నాని అన‌గానే పోలీస్ స్టేష‌న్ లోని సెల్ లో ర‌క్తం మ‌ర‌క‌ల‌తో నిండి ఉన్న ఫ్లోర్‌ఫై ప‌డుకొని న‌వ్వుతూ ఎస్‌జే సూర్య క‌నిపించాడు. ఈ వీడియో గ్లింప్స్ యూట్యూబ్‌లో వైర‌ల్‌గా మారింది.
అంటే సుంద‌రానికి త‌ర్వాత...
సరిపోదా శనివారం సినిమాకు వివేక్ ఆత్రేయ ద‌ర్శ‌క‌త్వం వ‌హిస్తోన్నాడు. అంటే సుంద‌రానికి త‌ర్వాత నాని, వివేక్ ఆత్రేయ కాంబినేష‌న్‌లో రూపొందుతోన్న సినిమా ఇది. వివేక్ ఆత్రేయ గ‌త సినిమాలు ఫ‌న్, ఎమోష‌న్స్‌తో సాగ‌గా సరిపోదా శనివారం మాత్రం యాక్ష‌న్ రివేంజ్ డ్రామాగా తెర‌కెక్కుతోన్న‌ట్లు స‌మాచారం.
గ్యాంగ్ లీడ‌ర్ త‌ర్వాత మ‌రోసారి నాని, ప్రియాంక మోహ‌న్ సరిపోదా శనివారం మూవీలో జంట‌గా న‌టిస్తోన్నారు. ఎస్‌జే సూర్య విల‌న్‌గా న‌టిస్తోన్నాడు. హై బడ్జెట్‌, టెక్నిక‌ల్ వాల్యూస్‌తో ఆర్ఆర్ఆర్ మూవీ ప్రొడ‌క్ష‌న్ హౌజ్ డీవీవీ ఎంటర్‌టైన్‌మెంట్ బ్యానర్‌పై డివీవీ దానయ్య, కళ్యాణ్ దాసరి ఈ మూవీని నిర్మిస్తోన్నారు. . ప్రస్తుతం సినిమా షూటింగ్ శరవేగంగా జరుగుతోంది.
ఈ వారంలోనే షూటింగ్ కంప్లీట్‌...
ప్రస్తుతం హైద‌రాబాద్‌లో సరిపోదా శనివారం మూవీ షూటింగ్ జరుగుతోంది. నానితో పాటు ప్ర‌ధాన తారాగ‌ణంపై కొన్ని ప్యాచ్ వ‌ర్క్ సీన్స్‌ను ద‌ర్శ‌కుడు షూట్ చేస్తోన్న‌ట్లు స‌మాచారం. ఈ వారంలోనే సినిమా షూటింగ్ మొత్తం పూర్తికానున్న‌ట్లు స‌మాచారం. ఆగస్టు 29న పాన్ ఇండియ‌న్ లెవెల్‌లో తెలుగు, తమిళం, కన్నడ, మలయాళం, హిందీ భాషల్లో సరిపోదా శనివారం విడుద‌ల‌కాబోతోంది. జేక్స్ బిజ‌య్ ఈ మూవీకి మ్యూజిక్ అందిస్తోన్నాడు.
ద‌స‌రా ...హిట్ 3...
సరిపోదా శనివారం త‌ర్వాత నాని మ‌రో మూడు సినిమాల‌కు అంగీక‌రించిన‌ట్లు స‌మాచారం. ద‌స‌రా త‌ర్వాత ద‌ర్శ‌కుడు శ్రీకాంత్ ఓదెల‌తో ఓ మాస్ యాక్ష‌న్ మూవీ చేయ‌బోతున్నాడు. హైద‌రాబాద్ బ్యాక్‌డ్రాప్‌లో సాగ‌నున్న ఈ మూవీలో జాన్వీక‌పూర్ హీరోయిన్‌గా న‌టించ‌నున్న‌ట్లు ప్ర‌చారం జరుగుతోంది.
ద‌స‌రా ప్రొడ్యూస‌ర్ సుధాక‌ర్ చెరుకూరి ఈ సినిమాను నిర్మించ‌నున్నాడు. నాని, శైలేష్ కొల‌ను కాంబోలో హిట్ 3 మూవీ రాబోతోంది. ఇందులో నాని పోలీస్ ఆఫీస‌ర్‌గా క‌నిపించ‌బోతున్నాడు. ఈ ఏడాది చివ‌ర‌లోనే ఈ మూవీ సెట్స్‌పైకి రానున్న‌ట్లు స‌మాచారం. మ‌రో కొత్త ద‌ర్శ‌కుడి సినిమాకు నాని గ్రీన్‌సిగ్న‌ల్ ఇచ్చిన‌ట్లు స‌మాచారం.
