Mahesh Babu Remuneration: రాజమౌళి సినిమాకు మహేశ్ బాబు రెమ్యూనరేషన్ తీసుకోవడం లేదా?

Mahesh Babu Remuneration: త్రివిక్రమ్ శ్రీనివాస్ దర్శకత్వంలో టాలీవుడ్ సూపర్ స్టార్ మహేశ్ బాబు ప్రధాన పాత్రలో నటించిన గుంటూరు కారం సినిమా అంచనాలకు తగ్గట్టుగా బ్లాక్‍బాస్టర్ కాలేకపోయింది. మహేశ్ పర్ఫార్మెన్స్ ఈ ఆకట్టుకున్నా.. ఓవరాల్‍గా మూవీకి మిక్స్డ్ టాక్ వచ్చింది. అయినా, మహేశ్ స్టార్‌డమ్‍తో గుంటూరు కారం సినిమాకు మంచి కలెక్షన్లు వచ్చాయి. కాగా, దర్శక ధీరుడు రాజమౌళితో సినిమాకు మహేశ్ సిద్దమవుతున్నారు. మహేశ్ - రాజమౌళి కాంబినేషన్‍లో గ్లోబల్ రేంజ్‍లో ఈ మూవీ (SSMB 29) రూపొందనుంది.

ఆర్ఆర్ఆర్ సినిమాతో దర్శక ధీరుడు రాజమౌళి.. ప్రపంచవ్యాప్తంగా పాపులర్ అయ్యారు. హలీవుడ్‍లోనూ ఆయన చాలా ఫేమస్ అయ్యారు. దీంతో మహేశ్ బాబుతో గ్లోబల్ రేంజ్‍లో యాక్షన్ సినిమా చేసేందుకు అంతా రెడీ చేసుకున్నారు రాజమౌళి. ఈ మూవీ మహేశ్ బాబుకు 29వ చిత్రం కావడంతో ప్రస్తుతం ఈ ప్రాజెక్టును SSMB29గా పిలుస్తున్నారు. అయితే, ఈ సినిమా గురించి తాజాగా ఆసక్తికరమైన విషయం చక్కర్లు కొడుతోంది.

రెమ్యూనరేషన్ కాకుండా..

రాజమౌళితో చేసే సినిమా కోసం మహేశ్ బాబు రెమ్యూనరేషన్ తీసుకోవడం లేదని రిపోర్టులు బయటికి వచ్చాయి. ఈ చిత్రానికి వచ్చే లాభాలను పంచుకునేలా మహేశ్, రాజమౌళి డీల్ చేసుకోనున్నారని టాక్. రెమ్యూనరేషన్ కాకుండా లాభాల్లో వాటా తీసుకోవాలని మహేశ్ డిసైడ్ అయ్యారని బజ్ బయటికి వస్తోంది.

సాధాణంగా మహేశ్ బాబు ఒక్కో చిత్రానికి రూ.60 కోట్ల నుంచి రూ.80కోట్ల వరకు రెమ్యూనరేషన్ తీసుకుంటారు. అయితే, రాజమౌళి చిత్రానికి సమయం ఎక్కువ కేటాయించాల్సి ఉండటంతో ఇది మరింత ఎక్కువగానే ఉండేది. అయితే, SSMB 29 చిత్రానికి రెమ్యూనరేషన్ కాకుండా ప్రాఫిట్స్‌లో షేర్ తీసుకోవాలని మహేశ్ నిర్ణయించుకున్నారట. అయితే, ఈ విషయంపై అధికారికంగా మూవీ టీమ్ నుంచి కన్ఫర్మేషన్ రాలేదు.

హాలీవుడ్ అడ్వెంచర్ సిరీస్ ఇండియానా జోన్స్‌లా మహేశ్ బాబుతో మూవీని రాజమౌళి తెరకెక్కించనున్నారు తెలుస్తోంది. గ్లోబల్ రేంజ్‍కు సూటయ్యేలా భారీ స్థాయిలో SSMB 29 ఉండనుంది. ఇప్పటికే ఈ మూవీ స్క్రిప్ట్ సిద్ధమైనట్టు రచయిత విజయేంద్ర ప్రసాద్ ఇటీవలే చెప్పారు. త్వరలోనే ఈ మూవీ షూటింగ్ మొదలుకానుంది.

రాజమౌళి - మహేశ్ బాబు సినిమా సుమారు రూ.1,000 కోట్ల బడ్జెట్‍తో రూపొందనుందని తెలుస్తోంది. కొందరు హాలీవుడ్ నటులు కూడా ఈ మూవీలో ఉంటారని రూమర్స్ వస్తున్నాయి. ఈ ప్రాజెక్టు కోసమే మహేశ్ ఇటీవల జర్మనీకి కూడా వెళ్లివచ్చారు. ఈ ఏడాది ఏప్రిల్‍లో SSMB 29 షూటింగ్ షురూ అవుతుందని తెలుస్తోంది. రెండేళ్లకుపైగానే ఈ మూవీ చిత్రీకరణ జరుగుతుందని అంచనా. 2026లో ఈ మూవీ రిలీజ్ అయ్యేలా ప్లాన్ చేస్తున్నారు.

గుంటూరు కారం కలెక్షన్లు

ఇక, మహేశ్ నటించిన గుంటూరు కారం సినిమా ఇప్పటి వరకు ప్రపంచవ్యాప్తంగా రూ.250 కోట్ల గ్రాస్ కలెక్షన్లను సాధించిందని మూవీ టీమ్ ఇటీవలే అప్‍డేట్ ఇచ్చింది. ఈ చిత్రానికి మిక్స్డ్ టాక్ వచ్చినా.. మహేశ్ బాబు కారణంగా మంచి వసూళ్లు వచ్చాయి. మూవీ టీమ్‍కు ఇటీవల సక్సెస్ పార్టీ కూడా మహేశ్ ఇచ్చారు.