Kalki 2898 AD Box Office: భారీగా పెరిగిన కల్కి 2898 ఏడీ కలెక్షన్స్- ఒక్కరోజుకే 110.34 శాతం గ్రోత్- మరో రికార్డ్
Kalki 2898 AD 24 Days Worldwide Collection: ప్రభాస్, దీపికా పదుకొణె నటించిన కల్కి 2898 ఏడీ సినిమా విడుదలైన మూడు వారాలు దాటిన కూడా మంచి కలెక్షన్స్‌తో దూసుకోపోతోంది. 24వ రోజున గత రోజుల కంటే భారీగా కలెక్షన్స్ రాబట్టింది.
Kalki 2898 AD Box Office Collection: రెబల్ స్టార్ ప్రభాస్ నటించిన సైన్స్ ఫిక్షన్ యాక్షన్ థ్రిల్లర్ మూవీ కల్కి 2898 ఏడీ బాక్సాఫీస్ వద్ద సత్తా చాటుతోంది. జూన్ 27న విడుదలైన ఈ సినిమా ఇప్పటికీ జోరుగా కలెక్షన్స్ రాబడుతోంది. రిలీజై మూడు వారాలు దాటినప్పటికీ కలెక్షన్స్ మాత్రం గట్టిగానే వస్తున్నాయి.
ఇక 24వ రోజు అయిన శనివారం భారీగా కలెక్షన్స్ వచ్చాయి. గత రోజులతో పోలిస్తే.. 24వ రోజున 110.34 శాతం వసూళ్లు పెరిగాయి. కల్కి సినిమాకు 24వ రోజున ఒక ఇండియాలోనే రూ. 6.1 కోట్ల నెట్ కలెక్షన్స్ వచ్చాయి. వాటిలో తెలుగు నుంచి రూ. 1.7 కోట్లు, తమిళం నుంచి నాలుగు లక్షలు, హిందీ నుంచి రూ. 3.6 కోట్లు, కర్ణాటక నుంచి కేవలం లక్ష, మలయాళం నుంచి మూడు లక్షలుగా కలెక్షన్స్ ఉన్నాయి.
అలాగే 24 రోజుల్లో భారతదేశంలో కల్కి 2898 ఏడీ సినిమాకు ఓవరాల్‌గా రూ. 608.45 కోట్ల నెట్ ఇండియా కలెక్షన్స్ వచ్చినట్లు ట్రేడ్ వర్గాలు చెబుతున్నాయి. వాటిలో నుంచి తెలుగు వెర్షన్ ద్వారా రూ. 274.3 కోట్లు రాగా హిందీ బెల్ట్ నుంచి రూ. 271.05 కోట్ల కలెక్షన్స్ ఉన్నాయి. అంటే తెలుగు, హిందీ కలెక్షన్స్ దాదాపుగా సేమ్ ఉన్నాయి.
ఇక తమిళ వెర్షన్‌కు రూ. 34.65 కోట్లు, కన్నడ నుంచి రూ. 5.36 కోట్లు, మలయాళం నుంచి రూ. 23.09 కోట్లుగా కలెక్షన్స్ వచ్చాయి. నార్త్ అమెరికాలో 24 రోజుల్లో కల్కి సినిమాకు 18.2 మిలియన్‌ డాలర్లకుపైగా కలెక్షన్స్ వచ్చినట్లు మేకర్స్ తాజాగా అధికారికంగా ప్రకటించారు. ఇంకా ఆ వసూళ్లు కొనసాగుతున్నట్లు పోస్టులో పేర్కొన్నారు.
దాంతో నార్త్ అమెరికాలో అత్యధిక గ్రాస్ కలెక్ట్ చేసిన రెండో ఇండియన్ సినిమాగా కల్కి మరో రికార్డ్ సాధించినట్లు దర్శక నిర్మాతలు ఇన్‌స్టా గ్రామ్ పోస్ట్ ద్వారా వెల్లడించారు. ఇక వరల్డ్ వైడ్‌గా కల్కి సినిమా రూ. 8 కోట్ల గ్రాస్ కలెక్ట్ చేసినట్లు బాలీవుడ్ వర్గాలు చెబుతున్నాయి. అలాగే కల్కికి సండేనాటికి అంటే 25 రోజులు పూర్తయ్యే సరికి ప్రపంచవ్యాప్తంగా 1050 కోట్ల గ్రాస్ కలెక్షన్స్‌ను రాబట్టే అవకాశం ఉందని తెలుస్తోంది.
