KA Movie Collection: 'క' మూవీ 16 డేస్ కలెక్షన్స్ ఇవే! కిరణ్ అబ్బవరం సినిమాకు ఎన్ని కోట్లు వచ్చాయంటే?

KA Movie Day 16 Box Office Collection: థ్రిల్లర్ జానర్‌లో ప్రేక్షకులకు సరికొత్త సినిమాటిక్ ఎక్సిపీరియన్స్ ఇచ్చి ఘన విజయాన్ని అందుకుంది కిరణ్ అబ్బవరం “క“. దీపా‌వళి బాక్సాఫీస్ రేసులో విన్నర్‌గా నిలిచిన ఈ సినిమా వరల్డ్ వైడ్‌గా 50 కోట్ల రూపాయల గ్రాస్ కలెక్షన్స్ సాధించింది.

మూడో వారం కూడా

ఈ విషయాన్ని మేకర్స్ అధికారికంగా సోషల్ మీడియా వేదికగా ప్రకటించారు. బ్లాక్ బస్టర్ సక్సెస్‌తో సెకండ్ వీక్ కంప్లీట్ చేసుకుని థర్డ్ వీక్ కూడా జోరుగా ప్రదర్శితమవుతోంది క మూవీ. రెండు తెలుగు రాష్ట్రాలతో పాటు ఓవర్సీస్ లోనూ “క“ సినిమాకు మంచి వసూళ్లు దక్కాయి. సినిమా బాగుంటే ప్రేక్షకులు ఎప్పుడైలా, ఎలాంటి పరిస్థితుల్లోనైనా ఆదరిస్తారని చెప్పేందుకు కిరణ్ అబ్బవరం “క“ ది బెస్ట్ ఎగ్జాంపుల్‌గా నిలుస్తోందని మేకర్స్ సంతోషం వ్యక్తం చేస్తున్నారు.

క మూవీతో ప్రతిభ

కిరణ్ అబ్బవరం హీరోగా నటించిన క సినిమాలో నయన్ సారిక, తన్వీ రామ్ హీరోయిన్స్‌గా చేశారు. వీరితోపాటు అచ్యుత్ కుమార్, రెడిన్ కింగ్స్ లే, బలగం జయరాం, తదితరులు ఇతర కీలక పాత్రలు పోషించారు. శ్రీమతి చింతా వరలక్ష్మి సమర్పణలో శ్రీచక్రాస్ ఎంటర్‌టైన్‌మెంట్స్ బ్యానర్‌పై చింతా గోపాలకృష్ణ రెడ్డి భారీ ప్రొడక్షన్ వ్యాల్యూస్‌తో నిర్మించారు. దర్శక ద్వయం సుజీత్, సందీప్ "క" సినిమాతో తమ ప్రతిభ నిరూపించుకున్నారు.

16 శాతం థియేటర్ ఆక్యుపెన్సీ

"క" సినిమాను తెలుగులో ప్రొడ్యూసర్ వంశీ నందిపాటి రిలీజ్ చేయగా.. ఈ నెల 22న మలయాళంలో స్టార్ హీరో దుల్కర్ సల్మాన్ తన వేఫరర్ ఫిలింస్‌పై రిలీజ్ చేయనున్నారు. ఇదిలా ఉంటే, క మూవీకి 16 రోజుల్లో రూ. 25 కోట్లకుపైగా నెట్ ఇండియా కలెక్షన్స్ వసూలు అయ్యాయి. అలాగే, 16వ రోజున తెలుగు రాష్ట్రాల్లో క మూవీకి 16 శాతం థియేటర్ ఆక్యుపెన్సీ నమోదు అయింది.

నైట్ షోకి పెరిగిన ప్రేక్షకులు

ఉదయం షోలకు 12.59 శాతం థియేటర్ ఆక్యుపెన్సీ నమోదు అయితే అది మధ్యాహ్నానికి పెరిగింది. దాంతో మధ్యాహ్నాం 16.5 శాతం మంది ప్రేక్షకులు థియేటర్‌లో క మూవీని వీక్షించారు. అలాగే, సాయంత్రం షోలకు 14.37 శాతం ఆక్యుపెన్సీ వచ్చింది. ఇక చివరి షో అయిన నైట్ షోకు భారీగా థియేటర్ ఆక్యుపెన్సీ వచ్చింది.

ట్రోలింగ్‌పై

16వ రోజున క సినిమాకు రాత్రి 23.70 శాతంగా థియేటర్ ఆక్యుపెన్సీ ఉంది. కాగా గత కొంతకాలంగా వరుస ప్లాఫ్స్ అందుకున్న కిరణ్ అబ్బవరంకు క మూవీతో మంచి సక్సెస్ వచ్చింది. నాగ చైతన్య ముఖ్య అతిథిగా హాజరైన క ప్రీ రిలీజ్ ఈవెంట్‌లో తనపై వచ్చిన ట్రోలింగ్ గురించి బాధగా చెప్పుకున్నాడు కిరణ్ అబ్బవరం. అయితే, క మూవీ హిట్ కాకుంటే సినిమాలు ఆపేస్తానని కూడా చెప్పాడు. కానీ, క మూవీపై ఆదరణ చూపించి హిట్ ఇచ్చారు తెలుగు ప్రేక్షకులు.