Family Star Box Office: పడిపోయిన ఫ్యామిలీ స్టార్ కలెక్షన్స్.. భారీగా టార్గెట్.. హిట్‌కు ఇంకా ఎన్ని కోట్లు రావాలంటే?

Family Star 6 Days Collection: ద విజయ్ దేవరకొండ-డైరెక్టర్ పరశురామ్ కాంబినేషన్‌లో రెండోసారి వచ్చిన లేటెస్ట్ మూవీ ఫ్యామిలీ స్టార్. ఏప్రిల్ 5న వరల్డ్ వైడ్‌గా గ్రాండ్‌గా విడుదలైన ఈ సినిమానకు మిశ్రమ స్పందన వస్తోంది. ఇదిలా ఉంటే, ఫ్యామిలీ స్టార్ సినిమాకు ఆరో రోజున తెలుగు రాష్ట్రాల్లోని అన్ని ఏరియాలు కలుపుకుని రూ. 42 లక్షలు కలెక్షన్స్ వచ్చాయి. గత ఐదు రోజులుగా చూస్తే ఆరో రోజున కలెక్షన్స్ చాలా తక్కువగా ఉన్నాయి.

తెలుగు స్టేట్స్ కలెక్షన్స్

ఈ మూవీకి ఐదో రోజున రూ. 1.12 కోట్లు రాగా నాలుగో రోజున రూ. 45 లక్షలు వచ్చాయి. ఇప్పుడు 6వ రోజున 42 లక్షలు మాత్రమే వచ్చాయి. ఇక తెలుగు రాష్ట్రాల్లో సినిమాకు 6 రోజులకు రూ. 8.67 కోట్ల షేర్ కలెక్షన్స్‌తోపాటు రూ. 15.25 కోట్ల గ్రాస్ కలెక్షన్స్ వచ్చాయి.

ఏరియాలా వారీగా వసూళ్లు

ఈ కలెక్షన్ల నుంచి వాటిలో నైజాం నుంచి 4.40 కోట్లు, సీడెడ్‌లో 82 లక్షలు, ఉత్తరాంధ్రలో 93 లక్షలు, ఈస్ట్ గోదావరిలో 54 లక్షలు, వెస్ట్‌లో 46 లక్షలు, గుంటూరులో 57 లక్షలు, కృష్ణా నుంచి 50 లక్షలు, నెల్లూరు నుంచి 45 లక్షల కలెక్షన్స్ వచ్చాయి. ఇక కర్ణాటక ప్లస్ రెస్టాఫ్ ఇండియా నుంచి కలుపుకుని రూ. 1.10 కోటి దాకా కలెక్షన్స్ వసూలు అయ్యాయి.

వరల్డ్ వైడ్‌గా వచ్చింది

అలాగే ఫ్యామిలీ స్టార్ చిత్రం ఆరు రోజుల్లో ఓవర్సీస్ నుంచి 4.65 కోట్ల కలెక్షన్స్ రాబట్టినట్లు ట్రేడ్ వర్గాలు చెబుతున్నాయి. ఇలా మొత్తంగా ప్రపంచవ్యాప్తంగా సినిమాకు రూ. 14.42 కోట్ల షేర్ కలెక్షన్స్, 27.30 కోట్ల గ్రాస్ కలెక్షన్స్ వసూలు అయినట్లు సమాచారం.

ఇంకా రావాల్సింది

ఇదిలా ఉంటే, ఫ్యామిలీ స్టార్ సినిమాకు ప్రపంచవ్యాప్తంగా రూ. 43 కోట్ల ప్రీ రిలీజ్ బిజినెస్ జరిగింది. దాంతో బ్రేక్ ఈవెన్ టార్గెట్ 44 కోట్లు అయింది. ఇప్పటికీ సినిమాకు 14.42 కోట్లు వచ్చాయి. కాబట్టి, ఫ్యామిలీ స్టార్ సినిమాకు ఇంకా 29.58 కోట్లు రావాల్సి ఉంది. ఇలా అయితేనే సినిమా ఫ్లాప్‌గా కాకుండా హిట్ టాక్ తెచ్చుకుంటుంది. అప్పుడే నిర్మాతలకు నష్టం రాకుండా ఉంటుంది.

హిట్ పడుతుందా?

అయితే, ఈ టార్గెట్ సినిమాకు పెద్దగానే కనిపిస్తోంది. మరోవైపు టిల్లు స్క్వేర్ సినిమా కూడా గట్టి పోటీ ఇస్తుంది. మరి ఆ సినిమా పోటీని తట్టుకుని ఫ్యామిలీ స్టార్ 29 కోట్లు కలెక్ట్ చేస్తుందా లేదా అనేది చూడాలి. ఒకవేళ అన్నికోట్లు కలెక్ట్ కాకుంటే విజయ్ దేవరకొండకు మరోసారి ఫ్లాప్ పడినట్లే అని తెలుస్తోంది.