Brahmamudi December 6th Episode: బ్రహ్మముడి.. రుద్రాణికి చుక్కలు చూపించిన కనకం.. రాజ్, కావ్యల హనీమూన్.. అనామికకు దోషం
Brahmamudi Serial Today Episode: బ్రహ్మముడి సీరియల్ డిసెంబర్ 6వ తేది ఎపిసోడ్లో కనకం బెదిరించడంతో అనామిక జాతకంలో దోషం ఉందని పంతులు చెబుతాడు. అలాగే రుద్రాణి నైటీ వేసుకున్న కనకం ఆమెకు చుక్కలు చూపిస్తుంది. ఇలా బ్రహ్మముడి సీరియల్ నేటి ఎపిసోడ్లో ఏం జరిగిందంటే..
Brahma Mudi Serial Today Episode: బ్రహ్మముడి సీరియల్‌లో బోర్డ్‌పై చుక్కలు వేస్తున్న కావ్యను ఏం చేస్తున్నావంటూ అడుగుతాడు రాజ్. అరుణ్ గాడు ఇక్కడా లేడు, ఎక్కడా లేడు అంటే వాడు కావాలనే తప్పించుకుని తిరుగుతున్నాడు. వాడు గనుక నాకు దొరకాలు ఉతికి ఆరేస్తాను, పిండి పిప్పి చేస్తాను, ముఖం మీద గుద్దుతాను, నాలుగు తంతాను అంటూ ఏదోదో మాట్లాడుతుంది కావ్య. దాంతో ఆపవే. మీ అక్కే అవేం పట్టించుకోకుండా హ్యాపీగా తన పని తాను చేసుకుంటుంది. నీకు ఎందుకు అని రాజ్ అంటాడు.
అరుణ్ కోసం వెతకటం
తను ఊరుకున్న, భారతీయ మగాడిగా మీరు ఊరుకున్న.. సాటి స్త్రీగా నేను ఊరుకోను. అంత భయంకరమైన నిందను పోగొట్టేలా చేస్తాను అంటూ మళ్లీ ఏదోదే మాట్లాడుతుంది కావ్య. అదంతా విని విసిగిపోయిన రాజ్.. కావ్య పుట్టింటి నుంచి తెచ్చుకున్న బొమ్మను తీసుకుంటాడు. నువ్ ఇలా అరుణ్ గాడి కోసం వెతకటం ఆపకపోయావో ఈ బొమ్మ పగులగొడతాను అని రాజ్ అంటాడు. లేదు ఆపను, వాన్ని వదలను కూడా అని కావ్య అంటుంది.
దాంతో నేనే వదిలేస్తాను అని కింద వదిలేసిన రాజ్ బొమ్మను మళ్లీ పట్టుకుంటాడు. కానీ, అది కింద పడుతుందేమో అని కావ్య గట్టిగా అరుస్తుంది. చూశావుగా.. ఇకనైన ఇదంతా ఆపేయ్ అని చెప్పి బొమ్మ ఇచ్చేస్తాడు రాజ్. మీరు నిజంగా చాలా మంచివారండి అని మనసులో మురిసిపోతుంది కావ్య. మరోవైపు లగ్నపత్రిక పెట్టుకోవడం గురించి బ్రోకి చెప్పి పిలుద్దామని అప్పుకి కాల్ చేస్తాడు కల్యాణ్. కానీ, అప్పు కాల్ కట్ చేస్తుంది.
గట్టిగా అడగండి
ఇంతలో కనకం వస్తే.. ఆమెను అడిగి అప్పుకు కాల్ చేయాలని అడుగుతాడు కల్యాణ్. దానికి సరే అని ఫోన్ ఇచ్చిన కనకం.. అప్పుకు కాల్ చేసి కార్యక్రమం గురించి చెబితే అది రాదు అని మనసులో అనుకుని ఫోన్ లాక్కుంటుంది. నేను అప్పుకి ఇదివరకే చెప్పాను. రేపు వస్తుంది అని కనకం అంటుంది. మరి నా కాల్ ఎందుకు లిఫ్ట్ చేయట్లేదని కల్యాణ్ అంటే.. రేపు గట్టిగా అడగండి బాబు అని చెబుతుంది కనకం. మరోవైపు కనకం రాకుండా డోర్ లాక్ వేసుకుని వెళ్లిపోతుంది రుద్రాణి.
నాకు చీరలు లేవుగా.. రుద్రాణి చీరలు వాడుకుందామనుకున్న కనకం వెళ్లి డోర్ ఓపెన్ చేద్దామని చూస్తే రాదు. లాక్ వేసుకుని ఎక్కడికో వెళ్లినట్లుంది. తాళం ఉంటేనే లాక్ తీయగలమా అని తన పిన్నీసుతో తాళం తీసి గదిలోకి వెళ్తుంది కనకం. లాక్ రాకపోవడంతో దిక్కు తోచక స్టోర్ రూమ్‌లో పడుకుంటుంది కనకం అని రుద్రాణి అనుకుంటుంది. ఇక రుద్రాణి నైటీని కనకం వేసుకుంటుంది. గంట అయిందని గది దక్కరికి వెళ్లి చూసేసరికి డోర్ ఏంటీ లాక్ తీసి ఉందని అనుకుంటుంది రుద్రాణి.
రుద్రాణి షాక్
కనకం తన నైటీ వేసుకుని ఉండటం చూసి చాలా షాక్ అవుతుంది రుద్రాణి. కబోర్డ్‌లో ఉన్నాయని నైటీలు, నగలు వేసుకుంటావా, స్వప్న గదిలో ఉండొచ్చు కదా అని రుద్రాణి అంటుంది. నగలు నేను ఎందుకు వేసుకుంటానే. వాళ్లకు అచ్చట ముచ్చటా ఉంటాయి. మీరంటే ఏకాకి. మనం సంతోషంగా ఉండొచ్చని కనకం అంటుంది. ఇక కనకం గదిలోకి వచ్చింది తెలుసుకుని ఇది నాకన్న గజదొంగలా ఉందని రుద్రాణి అనుకుంటుంది.
మరుసటి రోజు కనకం బట్టలు తీసుకుని దుగ్గిరాల ఇంటికి వస్తుంది అప్పు. వెళ్లిపోతానని అప్పు అంటే అప్పుడే కల్యాణ్ వస్తాడు. కల్యాణ్‌కు అప్పు వచ్చినట్లు కనకం చెప్పడంతో ఏంటీ బ్రో సర్‌ప్రైజ్. ఇవాళ నాకు అనామికకు ముహుర్తాలు పెడుతున్నారు. నువ్ ఇక్కడే ఉండు అని కల్యాణ్ అంటాడు. దాంతో అప్పు బాధపడుతుంది. వెళ్తానని చెబితే బలవంతంగా చేయి పట్టుకుని అప్పుని లోపలికి తీసుకెళ్తాడు కల్యాణ్. ఇంతలో పంతులు వస్తే.. మళ్లీ సూసైడ్ లెటర్, పాయిజన్ బాటిల్ చూపించి బెదిరిస్తుంది కనకం.
కనకంకు లైన్
దివ్యమైన ముహుర్తం పెట్టండి, త్వరగా ముహుర్తం పెట్టమని పంతులుని ఇంట్లోవాళ్లు అంటారు. మళ్లీ కనకం పాయిజన్ బాటిల్ చూపించడంతో ఇబ్బందిపడుతుంటాడు పంతులు. అదేపనిగా కనకంను పంతులు చూస్తుండటం చూసిన రుద్రాణి.. కొంపదీసి కనకంకు పంతులు లైన్ వేస్తున్నాడా ఏంటీ అనుకుంటుంది. అనంతరం అబ్బాయి జాతకం బాగుంది. కానీ, అమ్మాయి జాతకంలోనే అంటూ కనకంను చూస్తాడు పంతులు.
అది చూసిన రుద్రాణి ఈ లుక్స్ ఎక్స్చేంజ్ ఏంటీ అని డౌట్ పడుతుంది. తర్వాతి ఎపిసోడ్లో ఇన్ని అనర్థాలు జరిగే బదులు పెళ్లి ఆపేయడమే మంచిది అని ధాన్యలక్ష్మీ అంటుంది. దాంతో డైనింగ్ టేబుల్ నుంచి కల్యాణ్ వెళ్లిపోతాడు. జాతకాలే సరిగా లేవంటే మీ అన్నయ్య నేను సంతోషంగా లేమా అని కావ్య అంటుంది. అంతేకాకుండా మొన్న బయటకు వెళ్లినప్పుడు ఇంటర్నేషనల్ టూర్ ప్యాకెజీలో హనీమూన్ ప్లాన్ చేశారు అని రాజ్‌ను గట్టిగా ఇరికిస్తుంది కావ్య. దాంతో అంతా షాక్ అవుతారు.
