Brahmamudi December 15th Episode: బ్రహ్మముడి.. స్వప్నకు తప్పిన ప్రమాదం.. రాజ్‌ను హగ్ చేసుకున్న శ్వేత.. షాక్‌లో అపర్ణ

Brahma Mudi Serial Today Episode: బ్రహ్మముడి సీరియల్‌లో అరుణ్‌కు కాల్ చేసి గుడికి రమ్మని చెప్పిన రాహుల్ కేవలం స్వప్నకు మాత్రమే నువ్ కనిపించాలని చెబుతాడు. దానికి సరే అన్న అరుణ్ గుడికి వస్తాడు. అనుకున్నది జరిగితే కావ్యల గుడి చుట్టు నేను కూడా 108 ప్రదక్షిణలు చేస్తానని రాహుల్ అంటే.. పాపాత్ములకు దేవుడు ఇలాంటి సహాయం చేయడు. మరో పాపాత్ముడైన అరుణ్ వచ్చి చేస్తాడు అని రుద్రాణి అంటుంది.

స్వప్న వల్ల కిందపడిన కాయిన్

మరోవైపు గుడిలో కాయిన్స్ నిలబెట్టేందుకు ప్రయత్నిస్తుంటారు అనామిక, కనకం, స్వప్న. ఇంతలో స్వప్నకు అరుణ్ కనిపిస్తాడు. దాంతో అతన్ని చూసేందుకు వెళ్లబోతుంది. ఆ సమయంలో కనకం పెట్టిన కాయిన్ పడిపోయేలా స్వప్న చేయి తాకుతుంది. ఒసేయ్.. ఏంటే ఇది.. ఎక్కడికి వెళ్తున్నావ్ అని స్వప్నను కనకం అడుగుతుంది. ఇప్పుడు వస్తాను అంటూ వెళ్లిపోతుంది స్వప్న. అప్పుకి, కల్యాణ్‌కు పెళ్లి జరగాలని కోరుకుంటే ఇలా చేసావేంటే అని కనకం మనసులో అనుకుంటుంది.

తన కాయిన్ నిలబడిందంటూ సంతోషంగా చెబుతుంది అనామిక. అంతా చప్పట్లు కొడుతుంటారు. కనకం పైకి లేస్తున్నట్లు లేచి అనామిక కాయిన్ పడిపోయేలా నెడుతుంది. నీ కాయిన్ నిలబడలేదని చెబుతుంది. దాంతో ఇందాక నిలబడింది కదా అని అనామిక అంటే.. కాయన్స్‌కు నిద్ర వస్తున్నట్లు ఉంది. అన్ని పడిపోతున్నాయి అని కనకం అంటుంది. దాంతో నిరాశతో వెళ్లిపోతుంది అనామిక. మరోవైపు ప్రదక్షిణలు చేస్తూ కావ్య కళ్లు తిరిగి పడిపోతుంది.

నువ్వే ఎత్తుకుని చేయించు

ఒసేయ్ లేవవే. నేను మరింత గిల్టీ ఫీలయ్యేలా చేయకే. ఇది చూస్తే అమ్మమ్మవాళ్లు ఇద్దరిని తిడతారే అనుకుంటూ కావ్యను లేపుతుంటాడు రాజ్. ఇంతలో పంతులు వచ్చి ఈ జలం తాగించు అని చెబుతాడు. నెల తప్పిందా అని అక్కడున్న వాళ్లు అడిగితే.. లేదు తిండి తప్పింది. ఉపవాసం వల్ల కళ్లు తిరిగాయని రాజ్ చెబుతాడు. అయినా కూడా ప్రదక్షిణలు చేయాలని కావ్య అంటే రాజ్ వద్దంటాడు. భార్య అంతలా అడుగుతుంటే నువ్వే ఎత్తుకుని ప్రదక్షిణలు చేయించమని అక్కడున్న వాళ్లు అంటారు.

కావ్యను ఎత్తుకుని రాజ్ ప్రదక్షిణలు చేస్తుంటాడు. నేను చేసిన పని నాకే రివర్స్ అయిందని రాజ్ అంటాడు. ప్రదక్షిణలు చేస్తుంటే రాజ్‌ను ప్రేమగా చూస్తూ కావ్య మురిసిపోతుంది. రాజ్, కావ్యలను దుగ్గిరాల కుటుంబం మొత్తం చూసి ఆశ్చర్యపోతుంది. వాళ్లను చూసి రాజ్ షాక్ అవుతాడు. కావ్య కళ్లు తిరిగిపోవడంతో నేను ఇలా పూర్తి చేయించాను అని రాజ్ చెబుతాడు. నా కొడుకును ఎందుకు ఇబ్బంది పెట్టడం అని కావ్యను అంటుంది అపర్ణ.

నా బిడ్డను కాపాడారు

ఇంతలో స్వప్న ఏదని అంతా అనుకుంటారు. స్వప్న, రుద్రాణి, రాహుల్ కూడా కనిపించట్లేదు అని తలో చోటే వెతుకుదామని అనుకుంటారు. అరుణ్ వెంట వేగంగా స్వప్న పరుగెత్తుకుంటూ వెళ్తుంది. ఈ క్రమంలో ఇతరులకు తగిలి అదుపుతప్పి త్రిశూలంపై పడిపోబోతుంది స్వప్న. కానీ, స్వప్న చేయి పట్టుకుని అపర్ణ కాపాడుతుంది. చాలా థ్యాంక్స్ ఆంటీ నన్నే కాదు నా బిడ్డను కూడా కాపాడారు అని స్వప్న చెబుతుంది.

ఏమైంది, ఇక్కడ ఎందుకు ఉన్నావని అంతా అడుగుతారు. దాంతో ఆ అరుణ్ గాడు వచ్చాడు. వాడు దొరికితే కుక్కను కొట్టినట్లు కొట్టి నిజం చెప్పించాలనుకున్నాను, కానీ మిస్ అయ్యాడు అని స్వప్న అంటుంది. వాడు ఊళ్లో లేడు కదా అని రాజ్, కావ్య అంటారు. లేదు, అబద్ధం, వాడు ఇక్కడే ఉన్నాడు. నా కళ్లు నన్ను మోసం చేయలేవని స్వప్న అంటుంది. అటు కోనేరు ఉంది. ఎటు పడినా ప్రమాదమే అని అపర్ణ అంటుంది.

ప్లాన్ ఫెయిల్

అనామిక వాళ్లు ఎదురుచూస్తున్నారు. పూజకు సమయం అవుతుందని ధాన్యలక్ష్మీ చెప్పడంతో అంతా వెళ్లిపోతారు. కోనేటిలో పడితే హాస్పిటల్‌కు తీసుకెళ్లి అబార్షన్ చేయొచ్చు అనుకున్నాం. కానీ ఫెయిల్ అయిందే అని రుద్రాణి, రాహుల్ అనుకుంటారు. మరోవైపు దుగ్గిరాల కుటుంబం పూజలో ఉంటారు. ఇంతలో రాజ్ దగ్గరికి తన గర్ల్ ఫ్రెండ్ శ్వేత వస్తుంది. అది చూసి షాక్ అవుతాడు రాజ్. వెళ్లిపో అని బతిమిలాడితే చాలా సేపటికి వెళ్లిపోతుంది.

ఏంటండి, ఏం చేస్తున్నారు. ఎవరితో మాట్లాడుతున్నారు అని కావ్య అడిగితే.. దేవుడితో దైవ భాషలో మాట్లాడుతున్నాను అని రాజ్ అంటాడు. దానికి కావ్య కౌంటర్ వేస్తుంది. తర్వాత అంతా కోనేటిలో దీపాలు పెడుతుంటారు. అప్పుతో కల్యాణ్ మాట్లాడుతుండటం చూసి కనకం సంతోషిస్తుంటే.. అనామిక తల్లి శైలజ సీరియస్‌గా చూస్తుంది. వాళ్లు మాట్లాడుకోవడం అనామికకు చూపిస్తుంది.

గుండెలపై రాజ్ గర్ల్ ఫ్రెండ్

బ్రహ్మముడి సీరియల్ తర్వాతి ఎపిసోడ్‌లో రాజ్‌కు తన గర్ల్ ఫ్రెండ్ శ్వేత కాల్ చేసి నీకోసమే ఎదురుచూస్తున్నాను, నీ వెనుకే ఉన్నాను అని చెబుతుంది. దాంతో ఇప్పుడే వస్తాను అని రాజ్ వెళ్తాడు. రాజ్ గుండెలకు శ్వేద హత్తుకుని ఎదో చెప్పుకుంటూ బాధపడుతుంటుంది. ఆమెను రాజ్ ఓదారుస్తూ ఉంటాడు. వాళ్లిద్దరిని చూసి అపర్ణ షాక్ అవుతుంది. మరోవైపు రాజ్ కోసం కావ్య వెతుక్కుంటూ వస్తుంది.