Malayalam Comedy OTT: రెండు ఓటీటీల‌లోకి మ‌ల‌యాళం బ్లాక్‌బ‌స్ట‌ర్ కామెడీ మూవీ -ఇద్ద‌రు నేష‌న‌ల్ అవార్డ్ విన్న‌ర్స్ హీరోలు

Malayalam Comedy OTT: బిజు మీన‌న్‌, సూర‌జ్ వెంజ‌ర‌మూడు నాద‌న్న సంభ‌వం మూవీ ఈ ఏడాది మ‌ల‌యాళంలో బిగ్గెస్ట్ క‌మ‌ర్షియ‌ల్ హిట్స్‌లో ఒక‌టిగా నిలిచింది. కామెడీ డ్రామా మూవీకి విష్ణు నార‌య‌ణ‌న్ ద‌ర్శ‌క‌త్వం వ‌హించాడు.జూన్ 21న మ‌ల‌యాళంలో థియేట‌ర్ల‌లో రిలీజైన ఈ మూవీ పాజిటివ్ టాక్‌ను సొంతం చేసుకున్న‌ది. బీజు మీన‌న్‌, సూర‌జ్ కామెడీ టైమింగ్‌తో పాటు క‌థ‌, క‌థ‌నాలు బాగున్నాయంటూ ఆడియెన్స్ నుంచి కామెంట్స్ వినిపించాయి.

ఓటీటీలోకి...

థియేట‌ర్ల‌లో నిర్మాత‌ల‌కు లాభాల‌ను తెచ్చిపెట్టిన నాద‌న్న సంభ‌వం మూవీ ఓటీటీలోకి వ‌స్తోంది. రెండు ఓటీటీ ప్లాట్‌ఫామ్స్‌లో రిలీజ్ అవుతోంది. ఆగ‌స్ట్ 16 నుంచి సింప్లీ సౌత్ ఓటీటీతో పాటు మ‌నోర‌మా మాక్స్‌ల‌లో ఈ మూవీ స్ట్రీమింగ్ కాబోతోంది.

రెండు ఓటీటీల‌లో కేవ‌లం మ‌ల‌యాళ వెర్ష‌న్ మాత్ర‌మే రిలీజ్ కాబోతోంది. నాద‌న్న సంభ‌వం మూవీలో శృతి రామ‌చంద్ర‌న్‌, లిజోమోల్ జోస్ హీరోయిన్లుగా క‌నిపించారు. క్లీన్‌ఫ్యామిలీ డ్రామా ద‌ర్శ‌కుడు ఈ మూవీని తెర‌కెక్కించాడు.

మ‌నాన్న సంభ‌వం స్టోరీ ఏదంటే?

శంక‌ర‌న్ ఉన్ని (బీజు మీన‌న్‌), రోషి(శృతి రామ‌చంద్ర‌న్ ) కొత్త‌గా గేటెడ్‌ క‌మ్యూనిటీలోకి షిప్ట్ అవుతారు. వారి ఎదురు ఫ్లాట్‌లో అజిత్ (సూర‌జ్ వెంజ‌ర‌మూడు), ధ‌న్య (లిజోమోల్ జోస్ ) నివ‌సిస్తుంటారు. శంక‌ర‌న్ ఉన్ని ఇంటి బాధ్య‌త‌లు చూసుకుంటుంటే రోషి జాబ్ చేస్తుంది.

ధ‌న్య‌కు శంక‌ర‌న్ ఉన్నికి ప‌రిచ‌యం ఏర్ప‌డుతుంది. అయితే వారిద్ద‌రి స్నేహాన్ని అజిత్ అపార్థం చేసుకుంటాడు. శంక‌ర‌న్‌పై లేనిపోని అబ‌ద్ధాల్ని ప్ర‌చారం చేస్తూ అత‌డు జైలుకు వెళ్లేలా చేస్తాడు. ఈ గొడ‌వ‌లు ఎక్క‌డికి దారితీశాయి? భ‌ర్త చేసిన మోసాన్ని ధ‌న్య ఎలా బ‌య‌ట‌పెట్టింది?

త‌న‌పై మ‌చ్చ ప‌డేలా చేసిన అజిత్‌పై శంక‌ర‌న్ ఉన్ని ఎలా రివేంజ్ తీర్చుకున్నాడ‌న్న‌దే ఈ మూవీ క‌థ‌. చిన్న చిన్న గొడ‌వ‌లు, అపార్థాలు కొన్ని సార్లు ఎలాంటి ఉప‌ద్ర‌వాల‌నే తెచ్చిపెడ‌తాయ‌నే పాయింట్‌కు కామెడీ, ఎమోష‌న్స్‌ను మిక్స్ చేస్తూ సెన్సిబుల్‌గా ద‌ర్శ‌కుడు ఈ మూవీలో చూపించాడు.

ప‌ది కోట్ల బ‌డ్జెట్‌...

కేవ‌లం ఆరు కోట్ల బ‌డ్జెట్‌తో రూపొందిన ఈ మూవీ ప‌ది కోట్ల‌కుపైగా క‌లెక్ష‌న్స్ రాబ‌ట్టింది. నిర్మాత‌ల‌కు నాలుగు కోట్ల వ‌ర‌కు లాభాల‌ను మిగిల్చింది. ఈ సినిమా క‌థ మొత్తం చాలా వ‌ర‌కు ఒకే గేటెడ్ క‌మ్యూనిటీలో సాగుతుంది. అందులోకి చాలా పాత్ర‌ల‌కు ప్ర‌వేశ‌పెట్టి డైరెక్ట‌ర్ కామెడీని పండించాడు.

నాద‌న్న సంభ‌వం మూవీకి ముందు బీజు మీన‌న్ ఎక్కువ‌గా సీరియ‌ల్ రోల్స్‌, పోలీస్ ప్ర‌ధాన పాత్ర‌ల్లోనే క‌నిపించారు. వాటికి భిన్నంగా ఇందులో కామెడీని పండించాడు. బిజు మీన‌న్ తెలుగులోనూ ర‌ణం, ఖ‌త‌ర్నాక్ సినిమాల్లో నెగెటివ్ షేడ్ రోల్స్‌లో క‌నిపించాడు. అయ్య‌ప్ప‌నుమ్ కోషియ‌మ్ సినిమాకుగాను బెస్ట్ స‌పోర్టింగ్ యాక్ట‌ర్‌గా నేష‌న‌ల్ అవార్డును అందుకున్నాడు బీజు మీన‌న్‌. ప్ర‌స్తుతం మ‌నోర‌థంగ‌ల్ వెబ్‌సిరీస్‌లో మ‌మ్ముట్టి, మోహ‌న్‌లాల్‌ల‌తో క‌లిసి న‌టిస్తోన్నాడు.

నేష‌న‌ల్ అవార్డ్ విన్నింగ్ యాక్ట‌ర్ అయిన సూర‌జ్ వెంజ‌ర‌మూడు హీరోగా, క‌మెడియ‌న్‌గా క్యారెక్ట‌ర్ ఆర్టిస్ట్‌గా మ‌ల‌యాళంలో డిఫ‌రెంట్ క్యారెక్ట‌ర్స్ చేస్తున్నాడు. ఇటీవ‌లే నాగేంద్ర‌న్స్ హ‌నీమూన్స్ పేరుతో ఓ వెబ్‌సిరీస్ చేశాడు.